Nehemia 13:13 - ÎVUKU RÎA ÛVORO MWARO

¹³ Nînathuurire Shelemia mûthînjîri-Ngai; Zadoku, mûndû warî mûûgî maûndûrî ma Watho, na Pedaia Mûlawi matuîke arûngamîrîri a nyomba cia kwigwa indo. Nake Hanani mûvîcî wa Zakuri wa Matania atuîke wa kûmatethagia. Andû acio nîmecîkene atî nî evokeku na wîra wao warî wa kûgaîra andû ao indo.

Nehemia 13:13 ပူးပေါင်းရင်းမြစ်များ

2Atha 12:15

Andû arîa maarûngamagîrîra wîra wa gûtuma hekarû rîngî kûrîa kûtharûku maarî evokeku, kwoguo gûtiarî na vata wa kûmeera monanie ûrîa matûmîrîte mbeca icio.

2Atha 12:16

Mbeca irîa ciarutagwa irî matega ma mavîtia na irîa ciarutagwa irî matega ma kûtheria mevia, itiaviragwa hekarûrî; nîûndû ciarî cia athînjîri-Ngai.

2Atha 22:7

Andû arîa marûngamîrîrîte wîra wa gûcokereria hekarû nî evokeku, kwoguo gûtirî vata wa kûmaûria ûrîa matûmîrîte mbeca.”

Nehemia 10:12

Zakuri, Sherebia, Shebania,

Nehemia 10:38

Athînjîri-Ngai arîa njiarwa cia Aroni makeethagîrwa marî vo rîrîa Alawi maraamûkîra gîcunjî gîa îkûmi. Nao Alawi magoocaga gîcunjî gîa îkûmi makavira makûmbîrî ma hekarû.

Nehemia 11:22

Mûrûngamîrîri wa Alawi arîa maarî Jerusalemu aarî Uzi mûvîcî wa Bani. Bani aarî mûvîcî wa Hashabia, mûvîcî wa Matania. Matania aarî mûvîcî wa Mika na aarî wa njiarwa cia Asafu arîa maarî aini a nyîmbo hekarûrî ya Ngai.

Nehemia 12:35

Nîmaacokete makarûmîrîrwa nî amwe a avîcî a athînjîri-Ngai marî na tûrumbeta. Nao maarî: Zakaria mûvîcî wa Jonathani, mûvîcî wa Shemaia, Shemaia ûrîa wa mûvîcî wa Matania, Matania mûvîcî wa Mikaia, Mikaia mûvîcî wa Zakuri. Acio onthe maarî njiarwa cia Asafu.

Nehemia 12:44

Kavinda kau andû nîmaathuurirwe a kûrûngamîrîra nyomba irîa cigagwa indo irîa ciarutagwa nîûndû wa hekarû. Kûu nwakuo kwaigagwa matega ma gîcunjî gîa îkûmi na irio cia mûgûnda cia mbere na matunda marîa maatunîvaga mbere wa mwaka wa mwaka. Arûme acio nîo meerirwe mocage maruta kuuma mîgûndarî îrîa yarî vakuvî na matûûra nîûndû wa Alawi na athînjîri-Ngai wata ûrîa Watho waugîte. Andû onthe a Juda nîmaakenire nî athînjîri-Ngai na Alawi arîa maatungataga,

Nehemia 3:30

Hanania mûvîcî wa Shelemia na Hanuni nîmaatumire rîngî gîcunjî kîrîa Kîamrûmîrîrîte kîrîa gîatumirwe nî Shemaia kîrî gîa kaîrî. Hanuni aarî mûvîcî wa Zalafu wa gatandatû. Meshulamu mûvîcî wa Berekia nîwatumire rîngî gîcunjî kîu kîngî Kîamrî mbere ya nyomba yake.

Nehemia 7:2

Nînavere mûrwaiya, Hanani marî na Hanania, ûrîa warî mûnene wa vandû varîa vagitîre mûno wîra wa kûrûngamîrîra Jerusalemu. Hanania aarî mûndû warî mwîvokeku na wetigîrîte Ngai gûkîra andû eengî.

Nehemia 8:4

Ezira nîwarûngamire vandû vatûgîru vaathodeketwe na mbaû nîguo arie arî vo. Mwena wake wa ûrîo nîvaarûngamîte Matithia, Shema, Anaia, Uria, Hilikia na Maaseia. Naguo mwena wake wa ûmotho nîvaarûngamîte Pedaia, Mishaeli, Malikija, Hashumu, Hashibadana, Zekaria na Meshulamu.

Luka 12:42

Nake Jesû nîwamûcokerie atîrî, “Ndungata îrîa îvokekete na mbûgî, nî îrîkû? Nî îrîa îvecagwa nî mwathi wayo wîra wa kûrûngamîrîra ndungata irîa ciîngî na wa kûigaîra irio mathaa marîa magîrîrîte.

Ciîko 4:35

nîmainenganagîra kûrî atûmwa. Na wa mûndû wa mûndû nîwagaagîrwa mbeca icio kûringana na ûvatari wake.

Ciîko 6:1

Vuvarî arutwa nîmaathiîre na mbere kwongerereka. Nwatî vîndî wa îo, nîkwagîre na ngucanio gatagatîrî ka Ayahudi arîa maaragia Kîngiriki na Ayahudi arîa maaragia Kîhibirania. Ayahudi arîa maaragia Kîngiriki maaugaga atî aka ao a ndigwa nîmaatigagîrîrwa vîndî ya kûgaîrwa mbeca wa mûthenya wa mûthenya.

Ciîko 6:3

Kwoguo, ariû na aarî a Îthe wetû gatagatîrî kenyu thuurani arûme mûgwanja marî na ngumo mbaro, mecûrîtwe nî Roho Mûtheru na marî na ûûgî mwîngî. Tue nîtûkûmava wîra ûcio marute.

1Akor 4:2

Makîria ya ûguo, ndungata ciagîrîrwe nîkwîthîrwa ciîvokekete kûrî Mwathi wacio.

1Tim 1:12

Nînjokagia ngatho kûrî Mwathani wetû Jesû Kristû ûrîa ûmvete vinya ya kûruta wîra wakwa. Ke nîwonete nîrî mwagîrîru na akanthuura nîmûtungatîre,

1Tim 3:10

Nîmaagîrîrwe nî kwamba kûgerua, na ethîrwa nîmakwonekana matarî na ûcuke nwa metîkîrue matuîke atungati.