Nehemia 12:43 - ÎVUKU RÎA ÛVORO MWARO

⁴³ Mûthenya ûcio andû nîmaarutire magongoona meengî na nîmaakenire nîûndû Ngai nîwamavete gîkeno kînene. Aka na ciana wanao nîmaakenire na înegene rîa gîkeno Kîamo kuuma îtûûrarî rîa Jerusalemu nîrîegwîkaga kûndû kûraca.

Nehemia 12:43 ပူးပေါင်းရင်းမြစ်များ

2Maû 20:13

Vîndî îo arûme onthe a Juda na aka ao na ciana, maarûngamîte hekarûrî mbere ya Ngai-Mûnene.

2Maû 20:27

Jehoshafati nîwacokire agîtongoria andû onthe a Juda na a Jerusalemu magîcoka Jerusalemu marî na gîkeno, nîûndû Ngai-Mûnene nîwamavotithîtie kûvoota nthû ciao.

2Maû 7:10

Mûthenya wa mîrongo îîrî na îthatû wa mweri wa mûgwanja, Solomoni nîwerire andû menûke. Nao nîmaakenire nîûndû wa maûndû maro marîa Ngai-Mûnene eekîte Daudi, Solomoni na andû onthe a Isiraeli.

Ezira 3:13

Kwoguo andû matiagîcaga na ngûrani ya andû arîa maugagîrîria nî gûkena na arîa maugagîrîria makîrîra nîûndû nîmaaugîrîrîtie na mûgambo mûnene na nîweguîkaga kûndû kûraca.

Nehemia 12:27

Vîndî ya kwamûrîra Ngai rûthingo rwa Jerusalemu Alawi onthe nîmaaretirwe vamwe kuuma kûrîa maatûûraga. Maaretirwe vamwe Jerusalemu nîguo makûngûîre wamûri ûcio marî na gîkeno, magîcokagîria Ngai ngatho, makinaga na ithaani irîa iringithanagua, ngita na mîtûrirû.

Nehemia 12:42

Nao nîmaarûmîrîrîtwe nî Maaseia, Shemaia, Eleazaru, Uzi, Jehohanani, Malikija, Elamu, na Ezeri. Aini a nyîmbo nîmaainire matongoretue nî Jezirahia.

Ayubu 34:29

Ngai angîkira arege gwîka wanarî ûndû, nîûrîkû ûngîmûtuîra ciira? Angîthitha ûthiû wake, nû ûngîvota kûmwona,

Thaburi 27:6

Kwoguo nîngaavoota nthû ciakwa irîa inthiûrûrûkîrîtie. Nîngaamûrutîra magongoona hekarûrî yake nginaga ngenete, nîngaaina na ngumie Ngai-Mûnene.

Thaburi 28:7

Ngai-Mûnene nîke vinya wakwa na nîke ûngitagîra, ke nîke nîîvokaga. Nîandethagia na akangenia, nînîmwinagîra nyîmbo cia kûmûkumia.

Thaburi 9:2

Ngaakwinagîra na gîkeno nîûndû wa ûrîa wîkîte, nîngaaina ngîkumia rîîtwa rîaku, we ûrîa ûrî Îgûrû Mûno.

Thaburi 92:4

We Ngai-Mûnene ciîko ciaku nîingenagia; minaga ngenete nîûndû wa maûndû marîa wîkîte.

Isaia 61:3

Andûmîte ngave arîa maracakaya marî Zayuni, ngovia ya maûa vandû va mûu, maguta ma gîkeno vandû va kîeva, nguo ya ûgooci vandû va îvooru. Makethîrwa mavaana ta mîtî ya mîvuru ya ûthingu, îrîa Ngai-Mûnene avandîte nîguo akumague.

Jeremia 31:13

Erîtu nîmakeinia makenete, na anake na athuuri nîmagaakena. Nîngaagarûra macakaya mao matuîke gîkeno, nîngamaûmîrîria na ndûme magîe na gîkeno îthenya rîa kîeva.

Jeremia 33:11

andû makiugîrîria macanjamûkîte nî gûkena, andû makiugîrîria marî kîrugorî Kîam ûviki. Nîmûkegua andû makina makenete makîrete maketha ma gûcokia ngatho hekarûrî ya Ngai-Mûnene makiugaga, ‘Kumiani Ngai-Mûnene mwene vinya wonthe, nîûndû nî mwaro, nîûndû wendo wake ûtathiraga nîwa tene na tene.’ Nîngatûma vûrûri ûyû ûgîe na maûndû maro wata ûrîa wekariî mbere. Ûguo nîguo nie Ngai-Mûnene nîrauga.”

Ndari 10:10

Mîthenya yenyu ya gîkeno, irugo cia mweri ûgîcicûka, na irugo icio ciîngî vuvagani tûrumbeta rîrîa mûkûruta matega ma kûvîvua na matega ma thayû. Tûrumbeta tûu tûgaatûmaga mûririkane Ngai wenyu. Nie nînie Ngai-Mûnene, Ngai wenyu.”

Mathaayo 21:15

Nwatî anene a athînjîri-Ngai na arimû a Watho nîmaarakarire moona maûndû manene marîa Jesû eekaga. Nîmaarakarire megua ciana ikiugîrîria irî hekarûrî atîrî, “Hosana Mûrû wa Daudi!”

Mathaayo 21:9

Nao andû arîa maarî mbere ya Jesû, na arîa maamumîte vuva nîmaambîrîrie kugîrîria atîrî, “Hosana, Mûrû wa Daudi! Ngai arorathima ûrîa ûkîte na rîîtwa rîa Mwathani! Hosana Ngai ûrîa ûrî îgûrû mûno.”

Johana 16:22

Kwoguo mue rîu mûrî na kîeva, nwatî nîngaamwona rîngî na vîndî îo nîmûkaagîa na gîkeno, gîkeno kîrîa gûtarî mûndû ûngîmûcuna.

Aefeso 5:19

Aranagîriani na ciugo cia thaburi, nyîmbo cia gûkumia Ngai na nyîmbo cia kîîroho. Inagîrani Mwathani na mûmûkumagie na ngoro cienyu cionthe.

Jakuvu 5:13

Nîkûrî mûndû wana ûmwe gatagatîrî kenyu wî na mathîna? Nîwagîrîrwe nî kûvoya. Nîkûrî na mûndû wana ûmwe gatagatîrî kenyu wî na gîkeno? Nîwagîrîrwe kwina nyîmbo cia ûkumio.

1Sam 4:5

Vîndî îrîa îthandûkû rîa kîrîkanîro rîa Ngai-Mûnene rîakinyire kûrîa Aisiraeli maambîte magema mao, andû onthe a Isiraeli nîmaakenire na makiugîrîria na mûgambo mûnene mûno nginya ûgîtûma nthî îrurume.