Nehemia 12:35 - ÎVUKU RÎA ÛVORO MWARO

³⁵ Nîmaacokete makarûmîrîrwa nî amwe a avîcî a athînjîri-Ngai marî na tûrumbeta. Nao maarî: Zakaria mûvîcî wa Jonathani, mûvîcî wa Shemaia, Shemaia ûrîa wa mûvîcî wa Matania, Matania mûvîcî wa Mikaia, Mikaia mûvîcî wa Zakuri. Acio onthe maarî njiarwa cia Asafu.

Nehemia 12:35 ပူးပေါင်းရင်းမြစ်များ

1Maû 25:2

Avîcî a Asafu arîa maatungataga hekarûrî maarî: Zakuri, Josefu, Nethania na Asharela. Mûnene wao aarî Asafu ûrîa waragia ndûmîrîri ya Ngai rîrîa mûthamaki amwatha.

2Maû 13:12

Ngai arî natue arî mûtongoria wetû, nao athînjîri-Ngai marî na tûrumbeta nîguo matûvuve magîtwîta tûke tûrûe namue. Mue andû a Isiraeli, mûtikarûe na Ngai-Mûnene, Ngai wa methe menyu, nîûndû mûtîngîvootana!”

2Maû 5:12

Alawi arîa maarî aini a nyîmbo na nîo Asafu, Hemani, Jeduthuni, anake ao vamwe na andû ao nîmaarûngamire mwena wa îrathîro wa metha ya kîgongoona mekîrîte nguo mbaro. Nîmaavûraga indo cia kwina ta: ithaani irîa iringithanagua na ngita. Athînjîri-Ngai îgana rîmwe rîa mîrongo îîrî (120) nîmaarûngamire vamwe nao makîvuvaga tûrumbeta.

Nehemia 11:17

Na kwarî Matania mûvîcî wa Mika, Mika mûvîcî wa Zabudi, Zabudi mûvîcî wa Asafu. Matania nîke warî mûtongoria vîndî ya mavoya ma ngatho. Na kwarî Bakibukia ûrîa warî wa kaîrî gatagatî ka aa mûrwang'ina, na Abida mûvîcî wa Shamua, Shamua aarî mûvîcî wa Galali mûvîcî wa Jeduthuni.

Nehemia 12:34

Juda, Benjamini, Shemaia, na Jeremia.

Nehemia 12:36

Nao andû ao; Shemaia, Azareli, Milalai, Gilalai, Maai, Nethanieli, Juda, na Hanani, marî na indo cia kwina ta irîa cia Daudi mûndû wa Ngai nîmaamarûmîrîrîte. Nake Ezira mûndû ûrîa warî na ûgî mwîngî maûndûrî megiî watho nîke watongoretie gîkundi kîu.

Josh 6:4

Athînjîri-Ngai mûgwanja wa mûthînjîri-Ngai akuuîte karumbeta ka rûvîa rwa ndûrûme nîmakaathiîcaga matongoreretie îthandûkû rîa kîrîkanîro. Naguo mûthenya wa mûgwanja nîmûkathiûrûrûka îtûûra rîa Jeriko maita mûgwanja nao athînjîri-Ngai makîvuvaga tûrumbeta.