Ndari 9:6 - ÎVUKU RÎA ÛVORO MWARO

⁶ Nwatî gatagatîrî ka andû acio, kwarî andû amwe mataarî atheru nîûndû wa kûvutia kimba Kîam mûndû. Andû acio matingîavotire gûkûngûîra Pasaka mûthenya ûcio. Kwoguo nîmaathiîre kûrî Musa na Aroni

Ndari 9:6 ပူးပေါင်းရင်းမြစ်များ

Ntha 18:15

Musa nîwacokerie mûthoniwe atîrî, “Nwanginya mbîke ûguo nîûndû andû maûkaga kûrî nie nîguo mamenye wendi wa Ngai.

Ntha 18:19

Rîu ka ngûtaare na Ngai ethîrwe arî vamwe nawe. Nîkwagîrîrîte ûtuîke mûtongoria wa andû aya na ûvirage mateta mao mbere ya Ngai.

Ntha 18:26

Nao nîmaatucagîra andû mavinda monthe. Maciira monthe mavûthû o ene nîo maatucaga. Nwatî maciira marîa manene maatwaragîrwa Musa.

Alawi 21:11

Ndagîrîrwe nî kwîgwatia gîko agîtonya nyombarî îrîa îrî na kimba Kîam mûndû, wana ethîrwa kîrî Kîam îthe kana Kîam ng'ina.

Alawi 24:11

Shelomithi aarî mwarî wa Debiri wa mûvîrîgarî wa Dani. Mwanake ûcio nîwarumire Ngai. Andû arîa meegwire akîruma Ngai nî maamûnyitire na makîmûvira kûrî Musa.

Ndari 15:33

na makîmûvira kûrî Musa, Aroni vamwe na andû onthe a Isiraeli.

Ndari 19:11

Mûndû wa wonthe ûkaavutia kimba Kîam mûndû akethagîrwa atarî mûtheru îvinda rîa mîthenya mûgwanja.

Ndari 19:14

Mûndû angîkuîra îgemarî, andû arîa marî îgemarî kavindarî kau na arîa mangîcoka gûtonya îgemarî rîu makeethîrwa matarî atheru îvinda rîa mîthenya mûgwanja.

Ndari 19:16

Mûndû angîvutia kimba Kîam mûndû aûragîtwe kana akuîte, kana mûndû angîvutia îvîndî rîa mûndû mûkuû, kana mbîrîra, mûndû ûcio akethagîrwa atarî mûtheru îvinda rîa mîthenya mûgwanja.

Ndari 19:18

Mûndû ûrîa mwîtheriu nîagoca hisofu na amîrinde manjîrî, na acoke aminjaminjîrie îgema, na indo cionthe irîa irî kuo vamwe na andû arîa marî kuo. Nîagaacoka aminjîrie manjî mûndû ûrîa ûkeethîrwa avutîtie îvîndî rîa mûndû mûkuû, kimba kana mbîrîra.

Ndari 27:2

Aarî acio nîmaathiîre makîrûngama mbere ya Musa na Eliazaru mûthînjîri-Ngai, na mbere ya atongoria onthe a Isiraeli vau mûromorî wa îgema rîa Ngai-Mûnene na makiuga atîrî,

Ndari 27:5

Musa nîwavirire mateta mao kûrî Ngai-Mûnene.

Ndari 5:2

“Atha andû a Isiraeli mengate kuuma kûrîa mwambîte magema andû onthe arîa marî na mîrimû mîcûku ya ngothi, mûndû wa wonthe uraga na mûndû wa wonthe ûrî na gîko nîûndû wa kûvutania na kimba.

Ndari 9:7

na makîra Musa atîrî, “Tue tûrî na gîko nîûndû nîtûvutîtie kimba Kîam mûndû, nwatî tûragirua tûrutîre Ngai-Mûnene matega îvinda rîrîa rîtuîtwe tûrî vamwe na Aisiraeli acio engî nîkî?”

Johana 18:28

Kîraûko macangîa arangîri nîmaarutire Jesû mûciî gwa Kaiafa na makîmûvira mûciî mûnene wa Pilato. Nao Ayahudi matietîkîra gûtonya kuo nîûndû matiendaga kûnyitwa nî mûgiro mbere ya kûrîa kîrugo Kîam pasaka.