Ndari 8:8 - ÎVUKU RÎA ÛVORO MWARO

⁸ Macoke moce ndegwa îmwe îtarî ngûrû, matega ma irio ma mûtu mûvinyu ûtukanîtue na maguta ma ndamaiyû na woce ndegwa îngî îtarî ngûrû ya îtega rîa kûtheria mevia.

Ndari 8:8 ပူးပေါင်းရင်းမြစ်များ

Ntha 29:1

“Ûkîamûra Aroni na avîcî ake nîguo mandungatagîre marî athînjîri-Ngai ûgeeka atîrî: ûgooca karegwa gatarî gakûrû na ndûrûme igîrî itarî na maroro.

Ntha 29:3

Ûgeekîra mîgate îo gîkavurî na ûkaareta îrî matega vîndî îrîa ûkaaruta îgongoona rîa karegwa na ndûrûme icio igîrî.

Isaia 53:10

Ngai-Mûnene nîke wonire arî waro amûtivie, na atûme egue kîeva. Nîwarutire mwoyo ûtuîke îgongoona rîa kûtheria mevia, nîakoona rûciaro rwake, nîagaatûûra ûtûûro mûraca, na nîke ûkaavingia wendi wa Ngai-Mûnene.

Alawi 1:3

Ethîrwa akîruta ng'ombe kuuma ndîthiarî yake îrî îtega rîa kûvîvua, akaaruta ndegwa îtarî na wonje wanarî ûrîkû. Akaamîruta arî mûromorî wa îgema rîa Ngai-Mûnene nîguo Ngai-Mûnene amwîtîkîre.

Alawi 16:3

Agîtonya vandû varîa vatheru Mûno, nwanginya ambage kûruta ndegwa îtarî ngûrû îrî îtega rîa kûtheria mevia na ndûrûme îrî îtega rîa kûvîvua.

Alawi 2:1

Rîrîa mûndû wa wonthe akûrutîra Ngai-Mûnene matega ma irio cia mûgûnda, nwanginya wîthîrwe ûrî mûtu mûvinyu na awîkîre maguta na ûbani,

Alawi 4:14

rîrîa wîvia ûcio ûkaamenyekana, andû onthe nîmakaaruta ndegwa îtarî ngûrû îrî îtega rîa kûtheria mevia. Makaamîvira îgemarî rîa Ngai-Mûnene.

Alawi 4:3

Ethîrwa nî Mûthînjîri-Ngai wîvîtie, na atûme andû arîa engî manyitwe nî wîvia ûcio, nîakaarutîra Ngai-Mûnene ndegwa îtarî ngûrû na îtarî na wonje îrî îtega rîa kûtheria wîvia wake.

Alawi 8:2

“Oca Aroni na avîcî ake mûthiî nao mûromorî wa îgema rîakwa na ûthiî na nguo cia ûthînjîri-Ngai, maguta ma kwamûrana, ndegwa ya îtega rîa kûtheria wîvia, ndûrûme ciîrî, na gîkavu kîrî na mîgate îtarî mîkîre ndawa ya kwimbia.

Aroma 8:3

Ûndû ûrîa watho ûtangîavotire gwîka nîûndû wa kwagithua vinya nî mwîrî Ngai nîwawîkire. Eekire ûguo na njîra ya kûrekia Mûrû wake arî na mwîrî wîkariî ta îno yetû ya mevia na arî na mwîrî ûcio nîwavootire mevia.

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.