Ndari 8:26 - ÎVUKU RÎA ÛVORO MWARO

²⁶ Nwa atethagîrîrie Alawi acio engî gûtungata îgemarî rîa Ngai-Mûnene. Nwatî ndagîrîrwe nî kûruta wîra arî wenga.”

Ndari 8:26 ပူးပေါင်းရင်းမြစ်များ

1Maû 23:32

Nîmaaveetwe wîra wa kûmenyerera îgema rîa Ngai-Mûnene na hekarû, na gûtethia athînjîri-Ngai arîa maarî njiarwa cia Aroni wîrarî wa hekarû.

Ezek 44:11

Magaatungataga hekarûrî yakwa marî arangîri a ivingo, na marutage mawîra mengî ma hekarû. Makaathînjaga nyamû irîa irutîtwe cia magongoona ma kûvîvua na cia magongoona mengî na matungatage andû.

Ezek 44:8

Nîmûregete kûrûmîrîra mawatho makwa marîa mamûre ma hekarû, vandû va ûguo ageni nîo mwîtîkîrîtie mamarûmagîrîre.

Ndari 1:53

Nwatî Alawi makaambaga magema mao mathiûrûrûkîrîtie îgema rîa gûcemanîrua marîrangîrîte nîguo gûtikethîrwe kûrî na ûndû ûngîtûma marakara ma Ngai-Mûnene makinyîrîre andû a Isiraeli.”

Ndari 18:4

Mûkaarutithanagia wîra vamwe nao, na mûrutage mawîra monthe ma îgema rîa Ngai-Mûnene. Gûtirî mûndû wîngî ûkaagûkuvîvîria.

Ndari 3:32

Eliazaru mûvîcî wa mûthînjîri-Ngai Aroni nîke warî mûnene wa atongoria a Alawi, na mûrûngamîrîri andû arîa maarutaga wîra Vandû varîa Vatheru.

Ndari 31:30

Kuuma kûrî gîcunjî kîrîa Kîamveerwe andû arîa engî, ocani mûndû ûmwe kuuma kûrî wa andû mîrongo îtano arîa matavîtwe, na gîcunjî wata kîu kuuma kûrî ng'ombe, mvunda, ng'ondu na mbûri, mûinenganîre kûrî Alawi arîa mamenyagîrîra îgema rîa Ngai-Mûnene.”

Ndari 8:25

na akinyia mîaka mîrongo îtano, atigane na wîra anogoke.

1Tim 4:15

Thiî na mbere gwîka maûndû mama wîvecanîte viû nîguo ûthiîi waku wa na mbere woneke nî andû onthe.