Ndari 7:89 - ÎVUKU RÎA ÛVORO MWARO

⁸⁹ Rîrîa Musa aathiîre îgemarî rîa gûcemanîrua kwaria na Ngai-Mûnene, nîwegwire mûgambo ûkîmwarîria umîte varîa mevia movanagîrwa varîa vaarî îgûrû rîa îthandûkû rîa kîrîkanîro gatagatî ka akerubi aîrî.

Ndari 7:89 ပူးပေါင်းရင်းမြစ်များ

1Atha 6:23

Solomoni nîwarûthire mîvuanano îîrî ya Akerubi ya mbaû cia mîtamaiyû îrîa îciaraga matunda na akîmiga vandû varîa vatheru Mûno. Wa mûvuanano ûmwe warî na ûraca na îgûrû wa mita inya na cendimita mîrongo îîrî.

Thaburi 80:1

We mûrîthi wa andû a Isiraeli tûthikîrîrie, we ûtongoragia njiarwa cia Josefu ta ndîthia ya ng'ondu. We wîkaragîra gîtî gîaku Kîam ûnene îgûrû rîa akerubi, onania ûnene waku.

Thaburi 99:1

Ngai-Mûnene nî mûthamaki, andû nî mateteme. Ekarîrîte gîtî Kîam ûthamaki îgûrû rîa Akerubi; nayo nthî nîîthingithe.

Ntha 40:34

Îtu nîrîacokire rîgîkunîkîra îgema rîa Ngai-Mûnene, naguo riiri wa Ngai-Mûnene ûgîcûra kuo.

Ntha 40:35

Nake Musa nîwaremirwe nî gûtonya îgemarî rîu rîa Ngai-Mûnene nîûndû wa riiri ûcio wa Ngai-Mûnene.

Alawi 1:1

Ngai-Mûnene arî îgemarî nîwetire Musa na akîmwîra atîrî,

Ndari 1:1

Mûthenya wa mbere wa mweri wa kaîrî mwaka wa kaîrî kuuma andû a Isiraeli mauma Misiri, Ngai arî îgemarî rîa Ngai-Mûnene kûu werûrî wa Sinai nîwarîrie Musa akîmwîra atîrî,

Ndari 11:17

Nîngûnyûrûrûka vo twarie nawe na mboce gîcunjî Kîam roho ûrîa nakûveere nîmave nîguo magûtethagîrîrie gûtongoria andû aya ndûkamatongorie ûrî wenga.

Ndari 12:8

Mbaragia nake metho kwa metho, na mbaragia cararûkû ndagûtûmîra nthimo. Ke nîwîcî ûrîa mvana! Mwaregire gwîtigîra nîkî mûkîaria maûndû macûku megiî ndungata yakwa Musa?”

Ndari 8:1

Ngai-Mûnene nîwerire Musa

Ahib 4:16

Kwoguo nîtûthiîni tûmîrîrîtie tûkinye vakuvî na gîtî Kîam Ngai Kîam ûthamaki, na nîvo varî na wega wake. Vau nîvo tûkeeguîrûa ntha na tûnyite wega wa Ngai wa gûtûtethagia rîrîa rîonthe tûvatarîte.

1Pet 1:12

Ngai nîwaguûrîrie arathi aya atî maûndû marîa maarathaga matiarî ma kûmaguna o ene, nwatî maarî ma kûmûguna mue. Maatuirwe ndungata cia kwanîrîra maûndû marîa rîu mûrîkîtie kwîgua kûvîtûkîra kûrî anjaama arîa maamûvunjîrie Ûvoro Mwaro. Meekire ûguo matethereretue nî Roho Mûtheru ûrîa watûmîtwe kuuma îgûrû. Maûndû mama nîmo nginya araika mendaga kûmenya.

1Sam 4:4

Kwoguo athuuri acio nîmaatûmire anjaama mathiî Shilo makagîre îthandûkû rîa kîrîkanîro rîa Ngai-Mûnene mwene vinya wonthe, ûrîa wîkaraga gatagatîrî ga Akerubi. Nao anake aîrî a Eli, Hofini na Finehasi wanao nîmaaûkire vamwe na îthandûkû rîa kîrîkanîro.