Ndari 6:18 - ÎVUKU RÎA ÛVORO MWARO

¹⁸ Mûnazari nîakaathiî mûromorî wa îgema rîa Ngai-Mûnene, enje njuîrî ciake, na acikie mwakirî ûrîa ûravîvia matega ma thayû.

Ndari 6:18 ပူးပေါင်းရင်းမြစ်များ

Ndari 6:17

Mûthînjîri-Ngai nîakaaruta ndûrûme îo kûrî Ngai-Mûnene îrî îgongoona rîa thayû, vamwe na gîkavu Kîam mîgate îtekîrîtwe ndawa ya kwimbia, na îtega rîa irio cia mûgûnda na îtega rîa indo cia kûnyuwa.

Ndari 6:5

Mûndû ûcio wîvîtîte agatuîka Mûnazari ndakeenjwa kana atinue njuîrî ûtûûrorî wake wonthe ûrîa eyamûrîrîte Ngai-Mûnene. Agekaraga arî mûtheru na nîakaarekereria njuîrî ciake iracave.

Ndari 6:9

Mûndû angîkua wa rîmwe arî vakuvî na Mûnazari na njuîrî cia Mûnazari igîe gîko, njuîrî icio nwanginya ikeenjwa vuva wa mîthenya mûgwanja nîûndû ûcio nîguo mûthenya wa kwîtheria.

Luka 17:10

Kwoguo wa namue rîrîa mweka ûndû wa wonthe ûrîa mwerwa mwîke ugagani atîrî, ‘Tue tûrî ndungata itarî mbagîrîru tweka tu ûrîa tûragîrîrwe nî gwîka.’ ”

Ciîko 18:18

Na kwa îvinda rîa mîthenya îngî mîîngî, Paûlo nîwekaranirie na etîkia kûu Korinitho. Nîwacokire akîmatiga na agîtwa meri akîthiî Sîria marî na Pirisila na Akuila. Mbere ya kuuma Kenikerea marî merirî, Paûlo nîwenjirwe njuîrî nîûndû aarî na mwîvîtwa mbere ya Ngai.

Ciîko 21:23

Kwoguo nîtûgûkwîra ûrîa we ûgwîka. Gûkû kûrî na arûme ana mevîtîte.

Ciîko 21:24

Thiîcania nao, ûnyitanîre nao îgongoonarî rîao rîa kwîtheria na ûrîve matûmîri mao monthe nîguo menjwe ciongo. Na njîra îno andû onthe makaamenya atî maûndû marîa maregua makwîgiî tî ma ma. Nwatî we mwene nîûtûûraga kûringana na Watho wa Musa.

Ciîko 21:26

Kwoguo mûthenya ûcio wîngî Paûlo nîwocire arûme acio ana na akînyitanîra nao îgongoonarî rîao rîa kwîtheria. Nîwacokire akîthiî hekarûrî na akîmenyithania rîrîa mîthenya ya îgongoona rîu rîa kwîtheria îkaathira na rîrîa îtega rîa mûndû wa mûndû rîkaarutwa.

Aefeso 1:6

Tigani tûkumie Ngai nîûndû wa riiri wa wega wake, na nîûndû wa kîveo kîrîa atûvete mana na njîra ya Mûriû wake mwende!