Ndari 5:27 - ÎVUKU RÎA ÛVORO MWARO

²⁷ Ethîrwa mûndûmûka ûcio nîekîte ciîko cia ûtharia, nîakeegua ûrûrû mwîngî mûno. Nîakaaimba îvu na ciîga ciake cia ûciari ithire vinya, na ethîrwe arî na kîrumi gatagatîrî ka andû ao.

Ndari 5:27 ပူးပေါင်းရင်းမြစ်များ

Thaburi 109:18

Kûrî ke, kûrumana nîta gwîîkîra nguo, irumi icio iromûconja mwîrî wonthe ta manjî, na itonye mavîndîrî ta maguta!

Mûvunjia 7:26

Ûndû ûrîa namenyire mûcûku mûno gûkîra gîkuû nî mûndûmûka ûrîa ngoro yake îkariî ta mûtego na njara ciake nîta mvîngû cia kûnyita mûndû. Mûndû ûrîa wîtigîrîte Ngai nwa etheme mûndûmûka ûcio, nwatî mûndû ûrîa wîvagia nîanyitagwa nîke.

Isaia 65:15

Andû akwa arîa nthuurîte magaatûmagîra rîîtwa rîenyu rîrîa makwenda mûnyitwe nî kîrumi. Makaaugaga atî: ‘Nie Mwathani Ngai-Mûnene nîngûmûraga.’ Nwatî nîngaava ndungata ciakwa rîîtwa rîcerû.

Jeremia 24:9

Nîngamaretera maûndû macûku mûno ma kûmakia mavûrûri monthe ma nthî. Nîmagaatuîka kîndû gîa kûthekererwa, kûnyararûa, kwirwa na matuîke kîrumi kûrîa kuonthe ngamanyagania.

Jeremia 29:18

Nîngamarûmîrîria na mbaara, yûra na mîrimû na ndûme mothamaki monthe ma nthî mamakage mamoona. Nîmagaatuîka kîrumi, na meguithie andû guoya, macivagwe na manyararagwe nî mavûrûri monthe kûrîa namanyaganirie.

Jeremia 29:22

Na nîûndû wa maûndû mau makamanyita, andû onthe arîa maathamîrue Babuloni kuuma Jerusalemu nîmakaagwetaga ciugo ino rîrîa makûrumana: Ngai-Mûnene aromwîka ta ûrîa ekire Zedekia na Ahabu, arîa mûthamaki wa Babulonia avîvirie na mwaki.

Jeremia 42:18

“Ngai-Mûnene mwene vinya wonthe, Ngai wa Isiraeli arauga atî: wata ûrîa marakara na mang'ûrîka makwa makinyîre andû arîa matûûraga Jerusalemu, nwa ta guo marakara makwa makamûkinyîra, ethîrwa nîmûkûthiî Misiri. Mûgaatuîka ta kîndû gîa kûmenwa, kîndû gîa kûmakania, kîrumi, na gîconoko. Mûtikona gûkû tûrî rîngî.”

Jeremia 44:12

Nîndiga nona atî andû a Juda arîa matigarîte na arîa matuîte atî nîmathiî gûtûûra Misiri nîmathira onthe, anene na anini. Nîmakuîra gûkû Misiri, marî mbaararî na makue nî yûra. Nîmagaatuîka gîko, kîndû gîa kûmakania, kîrumi na gîconoko.

Zakaria 8:13

Mue andû a Juda na a Isiraeli, kavinda kavîtûku andû a ndûrîrî methîrîtwe makîmwona mûrî andû agwate nî kîrumi. Nîngaamûvonokia na nîmûgaatuîka kîrathimo. Kwoguo îyûmîrîrieni na mûtigetigîre.”

Ndari 5:20

Nwatî ethîrwa nîûgîte na meciria matarî maro ûkamenyana kîîmwîrî na mûndûmûrûme wîngî na ûkegwatia gîko,

Ndari 5:28

Nwatî mûndûmûka ûcio angîkethîrwa atatharîtie, ndakaanyitwa nî kîrumi na nîakaagîcaga na ciana.

Aroma 6:21

Nî umithio ûrîkû mwagîre naguo kuuma maûndûrî marîa rîu mûconokaga nîmo? Maûndû mau macokaga kûrete gîkuû.

2Akor 2:16

Kûrî andû arîa maraûra nî mûtararûko wa gîkuû, nwatî kûrî andû arîa maravonokua, nî mûtararûko wa mwoyo. Nî ûrîkû ûngîvota gwîka maûndû mama?

Gûco 28:37

Andû a mavûrûrirî marîa Ngai-Mûnene akaamûvira nîmakaanyitwa nî guoya mona maûndû marîa mekîkîte kûrî mue. Nîmakaamûnyarara na mamûthekerere.

2Pet 2:10

Andû arîa makaaverithua nî arîa marûmagîrîra merirîria macûku ma mîîrî yao, na makanyarara wathani wa Ngai. Arimû a maveeni nî aûmîrîru na nî ndûrîka na mationanagia gîtîîo kûrî ciûmbe cia îgûrû irîa irî riiri, vandû va ûguo nîkwa mairumaga.