Ndari 4:3 - ÎVUKU RÎA ÛVORO MWARO

³ Tara andû arîa marî na ûkûrû wa gatagatî ka mîaka mîrongo îthatû na mîaka mîrongo îtano, arîa agîrîru a gûtungata îgemarî rîa Ngai-Mûnene.

Ndari 4:3 ပူးပေါင်းရင်းမြစ်များ

Kîam 41:46

Josefu aambîrîrie wîra kwa mûthamaki wa Misiri arî na ûkûrû wa mîaka mîrongo îthatû (30). Nîwaumire kûu kwa mûthamaki na akîthiî akîthiûrûrûka vûrûri wonthe wa Misiri.

2Sam 5:4

Daudi aarî na ûkûrû wa mîaka mîrongo îthatû rîrîa aatuîkire mûthamaki, na nîwathanire îvinda rîa mîaka mîrongo îna.

1Maû 6:48

Alawi acio engî nîmaaveerwe mawîra monthe ma gûtungata îgemarî rîa Ngai-Mûnene rîa gûtûnganwa.

2Maû 31:17

Athînjîri-Ngai maandîkagwa kûringana na nyomba ciao. Nao Alawi arîa maarî na ûkûrû wa mîaka mîrongo îîrî (20) kûthiî na mbere maandîkagwa kûringana na wîra ûrîa wa gîkundi Kîamveetwe.

Ezira 3:8

Mweri wa kaîrî wa mwaka wa kaîrî kuuma macoka Jerusalemu varîa hekarû ya Ngai yatumîtwe, nîmaambîrîrie wîra wa gûtuma hekarû. Zerubabeli mûvîcî wa Shealitieli, Jeshua mûvîcî wa Jehozadaki nîo maambîrîrie wîra marî vamwe na andû ao, athînjîri-Ngai, na Alawi, na andû onthe arîa maacokire Jerusalemu kuuma îthamîriorî, nîmaanyitanîre vamwe kûruta wîra. Nao Alawi onthe arîa makinyîtie ûkûrû wa mîaka mîrongo îrî na makîria nîmaatuirwe arûngamîrîri a wîra wa gûtuma hekarû rîngî.

Ndari 1:3

arîa marî na ûkûrû wa mîaka mîrongo îîrî na makîria na mangîtuîka athigari a mbaara na mûmagaanie ikundi ikundi.

Ndari 1:50

Vandû va ûguo, tua andû a mûvîrîga wa Lawi a gûkuuaga îthandûkû rîa kîrîkanîro vamwe na indo ciarîo cionthe. Nwanginya mamenyagîrîre îthandûkû rîu na matume magema mao marîthiûrûrûkîrîtie.

Ndari 16:9

Mue nîmwîcî atî Ngai wa Isiraeli aamûthuurire kuuma gatagatîrî ka andû acio engî a Isiraeli na akîmûtua a gûtungata îgemarî rîa Ngai-Mûnene na gûtongoria andû a Isiraeli kûgooca Ngai-Mûnene na njîra îrîa yagîrîrîte. Nî ûndû ûrîkû wîngî mûrenda?

Ndari 4:2

“Tara avîcî a Kohathu kuuma kûrî mûvîrîga wa Lawi wa mûndû kûringana na nyomba yake na mûciî wake.

Ndari 4:23

Ûthuure arûme arîa marî na ûkûrû wa gatagatî ka mîaka mîrongo îthatû na mîaka mîrongo îtano, arîa mangîruta wîra îgemarî rîa Ngai-Mûnene.

Ndari 4:30

ûgaatara wa mûndû wa ûkûrû wa kuuma mîaka mîrongo îthatû nginya mîaka mîrongo îtano, wa mûndû ûngîtungata îgemarî rîa Ngai-Mûnene.

Ndari 4:35

Andû acio nî arîa maarî na ûkûrû wa kuuma mîaka mîrongo îthatû nginya mîaka mîrongo îtano, arîa mangîatungatire îgemarî rîa Ngai-Mûnene;

Ndari 4:4

Ûtungata wa andû acio ûkethagîrwa ûrî wa indo irîa ntheru mûno îgemarî rîa Ngai-Mûnene.

Ndari 4:47

arîa maarî na ûkûrû wa kuuma mîaka mîrongo îthatû nginya mîrongo îtano, na mangîatungatire îgemarî rîa Ngai-Mûnene,

Luka 3:23

Vîndî îrîa Jesû aambîrîrie wîra wake, aarî na ûkûrû ta wa mîaka mîrongo îthatû. Andû meciragia Jesû aarî mûvîcî wa Josefu, mûvîcî wa Heli,

1Tim 1:18

Timotheo mwana wakwa, nîrakwatha wîkage maûndû mama nîûndû nîmaringanîte na maûndû marîa maarathirwe makwîgiî. Tûmîra ciugo icio irî ta indo cia mbaara nîguo ûvote kûrûa waro.

1Tim 3:1

Ûvoro ûyû nî wa ma atî: mûndû wa wonthe wîriragîria gûtuîka mûtongoria wa kanitha, nîeriragîria wîra mwaro.

1Tim 3:6

Mûtongoria wa kanitha agîrîrwe nî kwîthîrwa arî mûndû ûtarî mwîthî wîtîkiorî, nîguo ndakagîe na mwîtîîo mwîngî na atuîrwe wata ûrîa Ngoma aatuîrîrwe.