Ndari 35:34 - ÎVUKU RÎA ÛVORO MWARO

³⁴ Mûtigatûme vûrûri ûrîa mûtûûraga ûgîe gîko kûrîa wananie ndûûraga, nîûndû Nie Ngai-Mûnene ndûûranagia na andû a Isiraeli.”

Ndari 35:34 ပူးပေါင်းရင်းမြစ်များ

1Atha 6:13

Nîngaatûûrania na andû akwa Aisiraeli na ndikaamatiganîria.”

Thaburi 132:14

“Îno nîyo nyomba yakwa îrîa ngûtûûra tene na tene; nîndûûra gûkû nîûndû nînîkwendete.

Thaburi 135:21

Kumiani Ngai-Mûnene mûrî Zayuni, mue arîa mûtûûraga Jerusalemu! Kumiani Ngai-Mûnene!

Ntha 25:8

Andû nwanginya mandumîre îgema îtheru rîa gwîkaraga nîguo ndûûrage gatagatîrî kao.

Isaia 57:15

“Ûguo nîguo Ke Ûrîa ûrî îgûrû mûno, Ke Ûrîa wambararîtue mûno, ûrîa ûtûûraga tene na tene na ûrîa wîtagwa Mûtheru arauga. “Nie mbîkaraga kûu îgûrû kûrîa kûtheru, mbîkaraga na andû athînîku na enyivia. Nîngekîra mîoyo arîa maarî enyivia, na gwîkîra vinya arîa enyivia.

Isaia 8:12

“Ndûkanyitanîre na mîvango yao, na ndûgetigîre maûndû marîa maretigîra, kana wîgua guoya.

Jeremia 16:18

Nîngatûma marîve thirî wa mevia mao maita maîrî, nîûndû nîmagwatîtie vûrûri wakwa mûgiro na ngai cia mîvuano irîa itarî mwoyo na magecûria vûrûri wakwa na maûndû marî magigi.”

Ezek 35:10

“Nîûndû waugire atî ndûrîrî icio igîrî, ‘Isiraeli na Juda’ nî mavûrûri maku na nîûkaamegwatîra, wana ethîrwa nie, Ngai-Mûnene ndûûraga kuo.

Hosea 9:3

Matigekara vûrûri wa Ngai-Mûnene; nwatî andû Efiraimu nîmagaacoka Misiri ûkomborî, nîmakaarîa irio itarî ntheru Asîria.

Ndari 16:3

Nîmaathiîre kûrî Musa na Aroni na makîmeera atîrî, “Mue rîu nîmwatûra gacere! Andû onthe a Isiraeli nî a Ngai-Mûnene na arî vamwe nao. Musa, nîndûî kîratûma wînenevia gûkîra andû aya onthe a Ngai-Mûnene?”

Ndari 5:3

Îngatani arûme na aka onthe arîa marî na gîko maume kûrîa mûtûûraga nîguo matikagwatie kûndû kûu gîko nîûndû kûu nîkuo ndûûranagia na andû akwa.”

Gûco 21:23

kimba gîake gîtikarare mûtîrî. Nwatî mûgaakîthika mûthenya wa ûcio nîguo gîtikagwatie vûrûri ûrîa mûkûvewa nî Ngai-Mûnene Ngai wenyu mûgiro; nîûndû mûndû arî mûcurie mûtîrî ethagîrwa arî mûrume nî Ngai.

Gûco 21:8

We Ngai-Mûnene twakûthaitha wovere andû aku Aisiraeli arîa wakûûrire kuuma Misiri. Twovere na ndûgatue atî nîtue tûragîte mûndû ûtarî na mavîtia.’

Gûco 6:15

Mweka ûguo, Ngai-Mûnene, Ngai wenyu ûrîa ûtûûraga gatagatîrî kenyu nîakaarakara na amûthirie viû gûkû nthî nîûndû ke nî Ngai wî wîru.

Kûguû 21:27

Nwatî gûtirî kîndû kîrî mûgiro gîgaatonya îtûûrarî rîu înene. Mûndû wa wonthe wîkaga maûndû macûku na marî nthoni, kana andû arîa maveenanagia matigaatonya kuo. Arîa magaatonya nî arîa marîîtwa mao mandîkîtwe îvukuurî rîa Gatûrûme rîa mwoyo.

Kûguû 21:3

Nînegwire mûgambo mûnene ûkîaria kuuma gîtîrî Kîam ûthamaki ûkiuga atîrî: “Taroria, rîu mûciî wa Ngai ûrî vamwe na andû! Ke nîagaatûûrania nao, nao nîmagaatuîka andû ake. Ngai ke mwene agaatûûranagia nao, arî Ngai wao.