Ndari 33:53 - ÎVUKU RÎA ÛVORO MWARO

⁵³ Mûkegwatîra vûrûri ûcio mûtûûre kuo, nîûndû nînîmûvete guo ûtuîke wenyu.

Ndari 33:53 ပူးပေါင်းရင်းမြစ်များ

Kîam 15:7

Nîwacokire akîmwîra atîrî, “Nînie Ngai-Mûnene ûrîa wagûtongoririe kuuma Uri ya Akalidei nîguo mbûke ngûve vûrûri ûyû ûtuîke waku.”

Thaburi 115:16

Îgûrû nîkwa Ngai-Mûnene arî wenga; nwatî nîwavecanire nthî kûrî andû.

Danieli 4:17

Îtua rîîrî rîathanirwe kûvîtûkîrîra kûrî mûrangîri ûrîa mûvinyaru. Kwoguo andû onthe a nthî nîmamenye atî Ûrîa ûrî Îgûrû Mûno nîke wathaga mothamaki na andû, na nîke ûvecanaga ûthamaki kûrî mûndû ûrîa akwenda, wana ethîrwa nî mûndû ûrîa ûtarî îgweta.”

Danieli 4:25

We nîûkengatwa ume kûrî andû ûthiî ûgatûûranagie na nyamû cia kîthaka, na ûtuîke wa kûrîcaga nyaki ta nyamû cia kîthaka. Ûkararaga nja na ûrivagwe nî îme îvinda rîa mîaka mûgwanja, nîguo ûmenye atî Ngai ûrîa wî îgûrû mûno nîke wathaga mothamaki monthe ma nthî na avecanaga ûthamaki ûcio kûrî mûndû wa ûrîa angîenda.

Danieli 4:32

We nîûkengatwa ume kûrî andû, ûthiî mûgatûûrage na nyamû cia kîthaka. Ûkaarîcaga nyaki ta ndegwa îvinda rîa mîaka mûgwanja. Vîndî îo nîûkaamenya, atî Ngai Ûrîa ûrî Îgûrû Mûno nîke ûrî vinya îgûrû rîa mothamaki monthe ma nthî na nîavecaga mûndû wa ûrîa akwenda ûthamaki.”

Mathaayo 20:15

Nie nîrî na rûtha rwa gwîka wa ûrîa nî ngîenda gwîka na mbeca ciakwa. Ndwagîrîrwe nî kwîgua wîru nîûndû nî mûtaana.’ ”

Gûco 11:31

Rîu mûrî vakuvî kûringa rûnjî rwa Jorodani mûthiîte kwîgwatîra vûrûri ûrîa Ngai-Mûnene Ngai wenyu akûmûva. Mwegwatîra vûrûri ûcio na mûtûûre kuo,

Gûco 17:14

“Mwarîkia kwîgwatîra vûrûri ûrîa Ngai-Mûnene Ngai wenyu akûmûva na mûtûûre kuo, na mwîcirie kûgîa na mûthamaki ta mavûrûri marîa mamûthiûrûrûkîrîtie;

Gûco 3:18

“Vîndî wa îo, nînaamwathire ngîmwîra atî, ‘Ngai-Mûnene, Ngai wenyu nîamûvete vûrûri ûyû ûrî mwena wa îrathîro ûtuîke wenyu. Andû onthe a mbaara nîmoce indo ciao cia mbaara, macoke mathiî marî mbere ya andû acio engî enyu a Isiraeli.

Gûco 32:8

Rîrîa Ngai ûrîa Ûrî Îgûrû Mûno aagaîre mavûrûri îgai rîao, rîrîa agaanagia andû nîwavere mavûrûri kûndû gwa gûtûûra, wa vûrûri kûringana na mûraika wa guo.

Gûco 7:17

“Mûtikeîre na ngoro atî, andû acio nî eengî kûmûkîra, na atî mûtingîvota kûmengata.

Josh 1:6

Gîa na vinya na ûmîrîrie nîûndû nîwe ûgaatûma andû aya magae vûrûri ûrîa nerîre methe mao na ngîîvîta atî nîngaamava.

Josh 21:43

Ngai-Mûnene nîwavere andû a Isiraeli vûrûri wonthe ûrîa eerîrîte methe mao ma tene na mwîvîtwa atî nî akaamava. Kwoguo andû a Isiraeli nîmegwatîre vûrûri ûcio na magîtûûra kuo.

Josh 23:5

Ngai-Mûnene, Ngai wenyu nîwamwîrîre atî nîagaatûma nthû cienyu ciûre nîmue na nîagaaciîngata wa ûrîa mûkeethîrwa mûkîthiî na mbere na nîmûkegwatîra vûrûri ûcio wao.