Ndari 31:2 - ÎVUKU RÎA ÛVORO MWARO

² “Rîvîrîria andû a Isiraeli kûrî andû a Midiani nîûndû wa maûndû macûku marîa maamekire. Vuva wa ûguo nî ûgaacoka ûkue.”

Ndari 31:2 ပူးပေါင်းရင်းမြစ်များ

Kîam 15:15

Nwatî we nîûgaatûûra mîaka mîngî, na nîûgaakua ûrî na thayû na ûthikwe.

Kîam 25:17

Ishumaeli aakwire arî na ûkûrû wa mîaka îgana rîa mîrongo îthatû na mûgwanja (137).

Kîam 25:8

Aakwire arî mûkûrû mûno na akîthikwa.

Ntha 2:16

erîtu mûgwanja a Jethiro nîmaaûkire kîthimarî gûtava manjî nîguo manyuithie ndîthia ya îthe. Jethiro aarî mûthînjîri-Ngai wa Midiani.

Isaia 1:24

Kwoguo Ngai-Mûnene Mwathani mwene vinya wonthe, kîvoti wa Isiraeli arauga atîrî, “Nîngetûrûra marakara makwa kûrî nthû ciakwa, na nîîrîvîrîrie kûrî andû arîa mareganaga nanie.

Nahumu 1:2

Ngai-Mûnene nî Ngai wî wîru; nîerîvagîrîria na arî marakara meengî, nîerîvagîrîa kûrî arîa mareganaga nake nîarakaraga nî nthû ciake.

Ndari 20:24

“Aroni tîatonya vûrûri ûrîa neranîre atî nîngaava andû a Isiraeli. Ke nîagûkua nîûndû mue muoîrî nîmwareganire na ûrîa namwathire nîrî Meriba.

Ndari 20:26

ûcoke ûrute Aroni nguo ciake cia ûthînjîri-Ngai na ûciîkîre mûvîcî Eliazaru. Vau nîvo Aroni agaakuîra.”

Ndari 25:1

Rîrîa andû a Isiraeli matûûraga vûrûrirî wa Shitimu, arûme a Isiraeli nîmaamenyanire kîîmwîrî na aka a Moabu arîa maarî kuo.

Ndari 25:6

Mûisiraeli ûmwe nîwocire mûndûmûka ûmwe Mûmidiani na akîmûvira îgemarî rîake. Mûndû ûcio eekire ûguo Musa na andû onthe a Isiraeli makîonaga marî vau mûromorî wa îgema rîa Ngai-Mûnene magîcakaya.

Ndari 27:13

Warîkia kwona vûrûri ûcio we nîûgûkua ta ûrîa mûrwanyûkwe Aroni aakwire,

Ndari 31:1

Ngai-Mûnene nîwerire Musa atîrî,

Ndari 31:3

Kwoguo Musa nîwerire andû atîrî, “Varîriani andû a mbaara nîguo makatharîkîre Amidiani na mamaverithie nîûndû wa ûrîa meekire Ngai-Mûnene.

Luka 21:22

Nîûndû mîthenya îo nîo îkethîrwa îrî ya kûverithania nîguo maûndû monthe marîa Mandîko Matheru maugîte mavinge.

Ciîko 13:36

Vîndî îrîa Daudi aarî mwoyo, nîwavingirie wendi wa Ngai. Ke nîwacokire agîkua na akîthikwa, na mwîrî wake ûkîorera mbîrîrarî.

Aroma 12:19

Arata akwa, mûtikerîvîrie, nwatî tigani Ngai amûrîvagîrîrie na marakara make. Nîûndû mandîkorî matheru kwandîkîtwe atîrî, “‘Kwîrîvîrîria nî gwakwa, nînie ngeerîvîrîria,’ ûguo nîguo Mwathani augîte.”

Aroma 13:4

Nîûndû ke nî ndungata ya Ngai na arutaga wîra nîûndû wa wagîrîru waku. Nwatî ûngîka naaî, mwîtigîre nîûndû ke ethagîrwa arî na ûvoti wa kûverithia mûndû. Ke nî ndungata ya Ngai ya kûverithia arîa mekaga naaî.

Gûco 32:35

Nînie ngerîvîrîria na nîmaverithie, vîndî nîgaakinya rîrîa makaagwa, mûthenya wao wa kûverithua ûrî vakuvî.

Gûco 4:22

Nie ngaakuîra vûrûrirî ûyû, ndikaaringa rûnjî rwa Jorodani, nwatî mue nîmûkaaringa mûthiî mûkegwatîre vûrûri ûcio mwaro ûtuîke wenyu.

1Ath 4:6

Mûndû ndakaavîtîrie Mûkristiano ûrîa wîngî kana amûvûthîre na njîra njûku maûndûrî mama. Wata ûrîa twamwîrire mbererî na tûkîmûkaania, Mwathani nîakaaverithia andû arîa marûthaga maûndû mau.

Ahib 10:30

Tue nîtwîcî ûrîa waugire atîrî, “Kwîrîvîrîria nî gwakwa, nie nîngerîvîria,” na agîcoka akiuga, “Mwathani nîke ûgaatuîra andû ake.”

Kûguû 18:20

Mue arîa onthe mûtûûraga îgûrû, kenani! Andû a Ngai, atûmwa na arathi Kenani! Nîûndû Ngai nîarîtuîrîrîte nîûndû wa maûndû marîa rîekire kûrî mue.

Kûguû 19:2

Nîûndû atucanagîra ciira na ûma na kîvooto! Ke nîatuîrîrîte ciira mûmaraa ûrîa watûmire andû a nthî meka maûndû macûku ma ûtharia. Ngai nîamûverithîtie nîûndû ke nîwaûragire ndungata ciake.”

Kûguû 6:10

Nayo mîoyo îo nîyaugîrîrie na mûgambo mûnene atîrî; “Mwathani mwene vinya wonthe, Mûtheru na wa ma! Nîwîkara nginya rî ûtarî mûtuîru na ûkaverithia andû a nthî nîûndû wa gûtûûraga?”

Atir 16:24

Rîrîa andû moonire Samusoni nîmaainire nyîmbo cia gûkumia ngai wao makiugaga atîrî, “Ngai wetû nîatûvotithîtie kûvoota nthû yetû îrîa yacûkangirie vûrûri wetû na îkîûraga andû eengî mûno etû!”

Atir 2:10

Vuva wa ûguo, andû onthe a rûciaro rûu nîmaakuire. Nao andû a rûciaro rûu rwarûmîrîre nîmaariganîrwe nî Ngai-Mûnene na maûndû marîa Ngai-Mûnene eekîrîte andû a Isiraeli.