Ndari 30:8 - ÎVUKU RÎA ÛVORO MWARO

⁸ Nwatî mûthuuri wake angîgua ûvoro wîgiî mwîvîtwa ûcio na aregane naguo, mwîvîtwa nîûkaathira na Ngai-Mûnene nîakaarekera mwîrîtu ûcio.

Ndari 30:8 ပူးပေါင်းရင်းမြစ်များ

Kîam 3:16

Ngai-Mûnene, Ngai nîwacokire akîra mûndûmûka atîrî, “Nîngaakwongerera mathîna vîndî îrîa yonthe ûkethagîrwa ûrî îvu, na ngwongagîrîre ûrûrû vîndî ya gûciara. Wana kûnekariî ûguo, we ûkeriragîria mûthuuriguo, nake agaakwathaga.”

Jeremia 44:19

Nao aka nîmaaugire atîrî, “Rîrîa twavîvîrie mûthamaki mûndûmûka wa kûu îgûrû ûbani na tûgîtûrûra ndivei nthî îrî îgongoona kûrî ke, twavetwe rûtha nî athuuri etû. Wana nîtwamûrugîre tûmîgate tûcoretwe mbica yake na tûgîtûrûra ndivei nthî îrî îgongoona kûrî ke.”

Alawi 5:4

Ethîrwa mûndû wa wonthe nîevîtîte atî nîagwîka ûndû mwaro kana ûndû mûcûku ta ûrîa andû mekaga matambîte gwîciiria, rîrîa akaamenya ûndû ûcio akeethîrwa arî na mavîtia.

Ndari 30:5

Nwatî rîrîa îthe akeegua maûndû mau mwarî eranîrîte na aregane namo, mwîvîtwa ûcio nîûkaathira na Ngai-Mûnene nî akaamûrekera, nîûndû îthe nîwareganire na mwîvîtwa na ciîranîro cia mwarî.

Ndari 30:7

nake mûthuuri wake acoke egue ûvoro ûcio akînakira, mwîrîtu ûcio nwanginya avingie mwîvîtwa na ciîranîro icio.

Ndari 30:9

“Nwatî mwîvîtwa kana kîîranîro wa kîonthe Kîam mûka wa ndigwa kana mûndûmûka ûtiganîte na mûrûme ndûthiraga.

1Akor 14:34

aka marî kanitharî magîrîrwe nî gûkira. Matiîtîkîrîtue kwaria, nwatî nîmagîrîrwe nî kwathîka wata ûrîa watho wa Ayahudi ugîte.

1Akor 7:4

Mûndûmûka ndathaga mwîrî wake ke mwene, nwatî wathagwa nî mûrûme. Na njîra wata îo mûthuuri nake ndathaga mwîrî wake ke mwene, nwatî wathagwa nî mûka.

1Sam 1:23

Nake Elikana, mûthuuri wake nîwamwîrire atîrî, “Îka wata ûrîa ûrona kwagîrîrîte; îkara mûciî nginya vîndî îrîa ûkaamûtigithia kwonga. Nake Ngai-Mûnene arotuma kîîranîro gîake kîvinge.” Nake Hana nîwekarire mûciî akîreraga mwana nginya rîrîa aatigire kwonga.