Ndari 30:7 - ÎVUKU RÎA ÛVORO MWARO

⁷ nake mûthuuri wake acoke egue ûvoro ûcio akînakira, mwîrîtu ûcio nwanginya avingie mwîvîtwa na ciîranîro icio.

Ndari 30:7 ပူးပေါင်းရင်းမြစ်များ

Kîam 3:16

Ngai-Mûnene, Ngai nîwacokire akîra mûndûmûka atîrî, “Nîngaakwongerera mathîna vîndî îrîa yonthe ûkethagîrwa ûrî îvu, na ngwongagîrîre ûrûrû vîndî ya gûciara. Wana kûnekariî ûguo, we ûkeriragîria mûthuuriguo, nake agaakwathaga.”

Jeremia 44:19

Nao aka nîmaaugire atîrî, “Rîrîa twavîvîrie mûthamaki mûndûmûka wa kûu îgûrû ûbani na tûgîtûrûra ndivei nthî îrî îgongoona kûrî ke, twavetwe rûtha nî athuuri etû. Wana nîtwamûrugîre tûmîgate tûcoretwe mbica yake na tûgîtûrûra ndivei nthî îrî îgongoona kûrî ke.”

Ndari 30:6

“Mwîrîtu angîîvîta kana eranîre ûndû atambîte gwîciiria waro acoke avike,

Ndari 30:8

Nwatî mûthuuri wake angîgua ûvoro wîgiî mwîvîtwa ûcio na aregane naguo, mwîvîtwa nîûkaathira na Ngai-Mûnene nîakaarekera mwîrîtu ûcio.

Aroma 7:2

Mûndûmûka mûviku ethagîrwa ovanîtue nî watho kûrî mûthuuri rîrîa rîonthe mûthuuri wake arî mwoyo. Nwatî mûthuuri wake angîkua, mûndûmûka ûcio ndethagîrwa arî mwove nî watho ûcio.

1Sam 1:11

Nake Hana nîwevîtire na mwîvîtwa na akiuga atîrî: “Ngai-Mûnene mwene vinya wonthe, ndoria nie, ndungata yaku! Roria thîna yakwa na ûndirikane! Ndûkariganîrwe nî nie! Ethîrwa ûkamva kavîcî, nie nînîvîta atî nîngaakûva ko mîthenya yonthe ya ûtûûro wako na atî gûtirî vîndî njuîrî cia kîongo gîake ikeenjwa.”

1Sam 1:23

Nake Elikana, mûthuuri wake nîwamwîrire atîrî, “Îka wata ûrîa ûrona kwagîrîrîte; îkara mûciî nginya vîndî îrîa ûkaamûtigithia kwonga. Nake Ngai-Mûnene arotuma kîîranîro gîake kîvinge.” Nake Hana nîwekarire mûciî akîreraga mwana nginya rîrîa aatigire kwonga.