Ndari 30:12 - ÎVUKU RÎA ÛVORO MWARO

¹² Nwatî mûthuuriwe angîgua mwîvîtwa na ciîranîro icio mûka eranîrîte akînaregana nacio, mwîvîtwa ûcio nîûthiraga na Ngai-Mûnene nîakaamûrekera nîûndû mûthuuriwe nîareganîte na mwîvîtwa ûcio.

Ndari 30:12 ပူးပေါင်းရင်းမြစ်များ

Jeremia 44:17

Nwatî ûrîa wonthe twîvîtîte nîtûgwîka, nîguo tûgwîka. Nîtûkûvîvîria ngai yetû îrîa îtagwa mûthamaki wa mûndûmûka wa kûu îgûrû, na twîtûrûre ndivei nthî îrî îgongoona kûrî ke wata ûrîa twekaga methe metû, athamaki etû, na atongoria etû tûrî matûûrarî ma Juda na njîrarî cia Jerusalemu. Vîndî îo twarî na irio cia kwîgana, twarî athatûke, na tûtiarî na thîna.

Jeremia 44:19

Nao aka nîmaaugire atîrî, “Rîrîa twavîvîrie mûthamaki mûndûmûka wa kûu îgûrû ûbani na tûgîtûrûra ndivei nthî îrî îgongoona kûrî ke, twavetwe rûtha nî athuuri etû. Wana nîtwamûrugîre tûmîgate tûcoretwe mbica yake na tûgîtûrûra ndivei nthî îrî îgongoona kûrî ke.”

Ndari 15:25

Mûthînjîri-Ngai nîakaarûtha mambura ma kûtheria andû onthe a Isiraeli, na nîmakooverwa nîûndû meevirie matakûmenya, na nîarutu îtega rîa kûvîvua na îtega rîa kûtheria mevia kûrî Ngai-Mûnene nîûndû wa mevia mao.

Ndari 15:28

Nake mûthînjîri-Ngai nîakaarutîra Ngai-Mûnene îgongoona rîa kûtheria mevia, nîûndû wa mûndû ûcio wîvîtie atakûmenya na mûndû ûcio nî akooverwa mevia make.

Ndari 30:11

na mûthuuriwe egue ûndû ûcio, angîkira arega kuga ûndû, nwanginya mûndûmûka ûcio akaavingia maûndû mau monthe evîtîte na akeranîra.

Ndari 30:13

Mûthuuri ethagîrwa arî na ûvoti wa kûregana kana wa gwîtîkîra ûndû ûrîa mûka eranîrîte kûrî Ngai-Mûnene.

Ndari 30:5

Nwatî rîrîa îthe akeegua maûndû mau mwarî eranîrîte na aregane namo, mwîvîtwa ûcio nîûkaathira na Ngai-Mûnene nî akaamûrekera, nîûndû îthe nîwareganire na mwîvîtwa na ciîranîro cia mwarî.

Ndari 30:8

Nwatî mûthuuri wake angîgua ûvoro wîgiî mwîvîtwa ûcio na aregane naguo, mwîvîtwa nîûkaathira na Ngai-Mûnene nîakaarekera mwîrîtu ûcio.

1Akor 11:3

Nwatî nîrenda mûtaûkîrwe atî Kristû nî kîongo Kîam mûndûmûrûme wa wonthe, na mûndûmûrûme nî kîongo Kîam mûka, nake Ngai nî kîongo gîa Kristû.

1Sam 1:23

Nake Elikana, mûthuuri wake nîwamwîrire atîrî, “Îka wata ûrîa ûrona kwagîrîrîte; îkara mûciî nginya vîndî îrîa ûkaamûtigithia kwonga. Nake Ngai-Mûnene arotuma kîîranîro gîake kîvinge.” Nake Hana nîwekarire mûciî akîreraga mwana nginya rîrîa aatigire kwonga.