Ndari 3:7 - ÎVUKU RÎA ÛVORO MWARO

⁷ Andû acio makaarutaga wîra vandûrî va Aroni na va andû onthe marî îgemarî rîa Ngai-Mûnene na marî vandû varîa vatheru Mûno.

Ndari 3:7 ပူးပေါင်းရင်းမြစ်များ

1Maû 26:20

Alawi acio engî nîmaamenyagîrîra kîgîna Kîam hekarû na nyomba irîa ciaigagwa indo irîa ntheru.

1Maû 26:22

Avîcî a Jahieli, Zethamu na Joeli nîo maarî amenyereri a kîgîna na nyomba cia hekarû irîa ciaigagwa indo.

1Maû 26:26

Shelomothi na andû a mûciî wao nîo maarî amenyereri a indo cionthe irîa ciamûrîrîtwe hekarû nî mûthamaki Daudi, na atongoria a mîciî, anene a athigari ngiri îmwe (1,000) anene a athigari îgana rîmwe (100) na anene engî a athigari.

Alawi 8:35

Nwanginya mwîkare mûromorî wa îgema rîa Ngai-Mûnene ûtukû na mûthenya îvinda rîa mîthenya mûgwanja mûgîkaga ûrîa Ngai-Mûnene amwathîte nîguo mûtigakue. Ûguo nîguo Ngai-Mûnene ambathîte.”

Ndari 1:50

Vandû va ûguo, tua andû a mûvîrîga wa Lawi a gûkuuaga îthandûkû rîa kîrîkanîro vamwe na indo ciarîo cionthe. Nwanginya mamenyagîrîre îthandûkû rîu na matume magema mao marîthiûrûrûkîrîtie.

Ndari 1:53

Nwatî Alawi makaambaga magema mao mathiûrûrûkîrîtie îgema rîa gûcemanîrua marîrangîrîte nîguo gûtikethîrwe kûrî na ûndû ûngîtûma marakara ma Ngai-Mûnene makinyîrîre andû a Isiraeli.”

Ndari 3:32

Eliazaru mûvîcî wa mûthînjîri-Ngai Aroni nîke warî mûnene wa atongoria a Alawi, na mûrûngamîrîri andû arîa maarutaga wîra Vandû varîa Vatheru.

Ndari 3:8

Nîo makaamenyagîrîra indo cionthe cia îgema rîa Ngai-Mûnene na marutage mawîra vandûrî va andû a Isiraeli rîrîa magûtungata marî vandû varîa vatheru Mûno.

Ndari 31:30

Kuuma kûrî gîcunjî kîrîa Kîamveerwe andû arîa engî, ocani mûndû ûmwe kuuma kûrî wa andû mîrongo îtano arîa matavîtwe, na gîcunjî wata kîu kuuma kûrî ng'ombe, mvunda, ng'ondu na mbûri, mûinenganîre kûrî Alawi arîa mamenyagîrîra îgema rîa Ngai-Mûnene.”

Ndari 8:11

nake Aroni acoke anyamûrîre Alawi matuîke kîveo Kîam mwanya kuuma kûrî andû a Isiraeli nîguo mandungatagîre.

Ndari 8:15

Warîkia kûmatheria na kûmamûra, nîmagaatuîka andû agîrîru a kûruta wîra îgemarî rîa Ngai-Mûnene.