Ndari 29:7 - ÎVUKU RÎA ÛVORO MWARO

⁷ “Mûthenya wa îkûmi wa mweri wa mûgwanja mûgacemanagia nîguo mûgooce Ngai. Mûthenya ûyû nwanginya mwînyerekagie na mûtikarutage wîra.

Ndari 29:7 ပူးပေါင်းရင်းမြစ်များ

Ezira 8:21

Vakuvî na mûtaro wa manjî wa Ahava nînerire andû onthe twînyerekie na twînyivie mbere ya Ngai wetû na tûvoe. Nîtwavoire Ngai na tûkîmûria atûtongorie na atûgitîre rûgendorî rwetû tûrî vamwe na ciana na indo cietû cionthe.

Thaburi 35:13

Nwatî rîrîa maarî arwaru, nînekîrire nguo ya macakaya; nînenyerekirie, na naavoyaga nyînamîtie kîongo gîakwa,

Isaia 22:12

Mûthenya ûcio Ngai-Mûnene mwene vinya wonthe, nîwamwîtire mûrîre na mûcakae, mwenje njuîrî na mwîkîre nguo cia macakaya.

Zakaria 12:10

“Njiarwa cia Daudi na andû arîa matûûraga îtûûrarî rîa Jerusalemu nîngaamecûria roho wa kwîgucanîra ntha na wa kûvoya. Nao maaroria ûrîa maamundire, nîmakaamûcakaîra ta ûrîa mûndû acakaagîra mwana wa kîmomwe, na mamûrîrîre na ûrûrû mwîngî ta wa mûndû ûkûrîrîra îrikithathi rîakua.

Zakaria 7:3

na maûrie athînjîri-Ngai arîa matungataga hekarûrî ya Ngai-Mûnene mwene vinya wonthe na arathi atîrî, “Nîwaro tûthiî na mbere gûcakaya na kwînyerekia mwerirî ûyû wa gatano ta ûrîa tûtwîre twîkaga mîaka mîîngî?”

Mathaayo 5:4

Kûrathimwa nî arîa marî na kîeva; nîûndû nîmakaaûmîrîrua!

Luka 13:3

Naarî, ûguo tîguo kwarî! Nîramwîra na ma atî mwarega kwîrira mevia menyu, nîmûkua muonthe wata ûrîa andû acio maakwire.

Luka 13:5

Naarî, ûguo tîguo kwarî! Nîramwîra na ma atî mwarega kwîrira mevia menyu, nîmûkua muonthe wata o.”

Ciîko 27:9

Nîtwatere mîthenya mîîngî rûgendorî nginya tûkîgîa na ûgwati wa kûthiî na mbere na rûgendo rwetû tûrî merirî nîûndû mûthenya wa kwîtheria mevia nîwarîkîtie kûvîtûka. Kwoguo Paûlo nîwamataarire akîmeera atîrî:

Aroma 6:6

Nîtwîcî atî ûmûndû wetû wa tene nîwambirwe mûtharavarî vamwe na Kristû nîguo vinya wa mwîrî ûrîa wîvagia ûthirue na tûtigacoke gûtuîka ngombo cia mevia.

1Akor 9:27

Ndukaga mwîrî wakwa ngaûtua ngombo yakwa nîguo nie mwene ndigatuîke wa kûregwa vuva wa kwîthîrwa mvunjîrîtie andû arîa engî.