Ndari 29:6 - ÎVUKU RÎA ÛVORO MWARO

⁶ Mûkaarutaga indo ino vamwe na irîa irutagwa irî matega ma kûvîvua ma mûthenya wa mbere wa mweri, matega ma kûvîvua ma wa mûthenya wa mûthenya marî vamwe na matega ma cio ma irio cia mûgûnda, na îtega rîa cio rîa indo cia kûnyuwa. Matega mama marî mûtararûko mwaro ûkenagia Ngai-Mûnene.

Ndari 29:6 ပူးပေါင်းရင်းမြစ်များ

Ezira 3:4

Nîmaakûngûîre kîrugo gîa tûnyomba twa magema wata ûrîa kwandîkîtwe wathorî, na wa mûthenya nîmaarutaga matega ma kûvîvua mwîgana ûrîa wavataranagua.

Alawi 6:9

“Îra Aroni na avîcî ake mawatho megiî matega ma kûvîvua. Namo nî atî: îtega rîa kûvîvua rîgaatigagwa îgûrû rîa metha ya kîgongoona rîkîvîvagua nî mwaki ûtukû wonthe.

Ndari 15:24

Ethîrwa andû onthe maaregire kûvingia mawatho mau matakûmenya, makaarutaga ndegwa îmwe îrî îtega rîa kûvîvua nîguo mûtararûko warîo ûkenie Ngai-Mûnene. Makaarutanagîria na îtega rîa irio cia mûgûnda, na îtega rîa indo cia kûnyuwa, na marute nthenge îmwe rîrî îtega rîa kûtheria mevia.

Ndari 15:4

Mûndû ûrîa ûkaarutaga matega mau akaarutanagîria vamwe na matega ma irio cia mûgûnda ma kilo îmwe ya mûtu mûvinyu ûtukanîtue na lita îmwe ya maguta ma ndamaiyû.

Ndari 28:27

Mûkaarutagîra Ngai-Mûnene îtega rîrî na mûtararûko mwaro rîa ndegwa igîrî itarî ngûrû, ndûrûme îmwe, na tûtûrûme mûgwanja twa ûkûrû wa mwaka ûmwe, na cionthe ikethagîrwa itarî na wonje.

Ndari 29:18

Mûkaarutaga îtega rîa irio cia mûgûnda na îtega rîa indo cia kûnyuwa kûrî ndegwa, ndûrûme, na tûtûrûme wata ûrîa watho ugîte.

Ndari 29:21

Mûkaarutaga îtega rîa irio cia mûgûnda na matega ma indo cia kûnyuwa kûrî ndegwa, ndûrûme, na tûtûrûme wata ûrîa watho ugîte.

Ndari 29:5

Mûcoke mûrute nthenge îmwe îrî îtega rîa kûtheria mevia menyu.

Ndari 7:13

Îtega rîake rîarî thaani ya sîlûva ya ûrito wa kilo îmwe na nuthu (1.5 kg), karaî kamwe ga sîlûva karî na ûrito wa ngiramu magana manana (800 g) kûringana na kîthimi kîrîa Kîamrî gîtîkîrîku. Thaani îo na karaî kau, ciethagîrwa ciîcûrîte mûtu ûtukanîtue na maguta na ciarî cia îtega rîa irio cia mûgûnda.

Ndari 9:14

“Ethîrwa kûrî mûgeni ûtûûrîte kwenyu na nwa ende gûkûngûîra Pasaka ya Ngai-Mûnene nwanginya amîkûngûîre kûringana na ûrîa watho wa Pasaka uugîte. Kwoguo gûkaarûmagîrîrwa watho ûmwe nî mue wana ageni.”