Ndari 29:22 - ÎVUKU RÎA ÛVORO MWARO

²² Vamwe na îtega rîa kûvîvua rîa wa mûthenya, na îtega rîa rîo rîa irio cia mûgûnda na îtega rîa rîo rîa indo cia kûnyuwa mûkaarutaga nthenge îmwe ya îtega rîa kûtheria mevia.

Ndari 29:22 ပူးပေါင်းရင်းမြစ်များ

Thaburi 16:4

Andû arîa magoocaga ngai ciîngî, nîmeretagîrîra mathîna meengî mûno, Nie ndikaanyitanîra nao makîruta magongoona mao, na ndikaagooca ngai ciao.

Joeli 1:13

Mue athînjîri-Ngai, îkîrani nguo cia macakaya mûrîre, mue mûtungataga metharî ya kîgongoona rîrani. Thiîni hekarûrî na mûcakae ûtukû mûgima! Matega ma irio na ma ndivei matirî kuo nyombarî ya Ngai.

Joeli 1:9

Matega ma irio na ndivei nî mathiru hekarûrî, na mûromorî wa Ngai-Mûnene; athînjîri-Ngai nîmaracakaya nîûndû matirî na kîndû mangîtegera Ngai-Mûnene.

Joeli 2:14

Nwa kwîthîrwa Ngai-Mûnene Ngai wenyu nîakwîricûkwa, na amûve irathimo cia irio nyîngî, mûcoke mûmûrutîre matega ma irio cia mûgûnda na ndivei.

Ndari 29:21

Mûkaarutaga îtega rîa irio cia mûgûnda na matega ma indo cia kûnyuwa kûrî ndegwa, ndûrûme, na tûtûrûme wata ûrîa watho ugîte.

Ndari 29:23

“Mûthenya wa kana, mûkaarutaga ndegwa îkûmi itarî ngûrû, ndûrûme igîrî, na tûtûrûme îkûmi na twîrî twa ûkûrû wa mwaka ûmwe, na cionthe ciîthagîrwe itarî na wonje.