Ndari 29:1 - ÎVUKU RÎA ÛVORO MWARO

¹ “Mûthenya wa mbere wa mweri wa mûgwanja, mûgaacemanagia vamwe nîguo mûgooce Ngai-Mûnene. Mûthenya ûcio mûtikarute wîra. Ûcio nî mûthenya wa kûvuva tûrumbeta.

Ndari 29:1 ပူးပေါင်းရင်းမြစ်များ

1Maû 15:28

Kwoguo andû onthe a Isiraeli nîmaavirire îthandûkû rîa kîrîkanîro Kîam Ngai-Mûnene Jerusalemu. Maathiîre makiugagîrîria nîûndû wa gîkeno na nîmaavuvaga tûrumbeta, coro, makîringithanagia ithaani, makinaga nyîmbo na ngita.

Ezira 3:6

Andû a Isiraeli maambîrîrie kûrutîra Ngai-Mûnene matega ma kûvîvua mûthenya wa mbere wa mweri wa mûgwanja. Nwatî mûcingi wa hekarû ndwarî mûtume.

Nehemia 7:73

Kwoguo athînjîri-Ngai, Alawi, arangîri a ivingo, aini a nyîmbo, na andû amwe, ndungata cia hekarû; andû onthe a Isiraeli nîmaatûûrire matûûrarî mao na matûûrarî manene ma Juda. Mweri wa mûgwanja ûgîkinya andû onthe a Isiraeli nîmaarîkîtie gûtûûra matûûrarî mao.

Nehemia 8:2

Kwoguo Ezira mûthînjîri-Ngai nîwaretire îvuku rîa Watho varîa andû maagomanîte. Andû acio maarî arûme, aka na ciana irîa ingîataûkîrwe nî maûndû. Mûthenya ûcio nîguo warî wa mbere wa mweri wa mûgwanja.

Thaburi 81:3

Vuvani karumbeta mwanîrîre kîrugo Kîam mweri wacicûka, na kîrugo gîetû vîndî îrîa mweri ûramakia nthinwa.

Thaburi 89:15

Kûrathimwa nî andû arîa makûgoocaga na nyîmbo, ûtûûraga ûmegucagîra ntha we Ngai-Mûnene.

Ntha 23:16

“Kûngûagîrani kîrugo Kîam maketha menyu ma mbere ma indo irîa mûvandîte kwenyu mîgûndarî. “Kûngûagîrani kîrugo Kîam ithûnû wa mwaka ûkîthiî kûthira vîndî îrîa mwaketha maciaro kuuma mîgûndarî yenyu ya mîtunda.

Ntha 34:22

“Ririkanaga kîrugo Kîam maketha vîndî îrîa mwambîrîria maketha ma ngano, na kîrugo gîa tûnyomba mwaka ûkîthira.

Isaia 27:13

Mûthenya ûcio karumbeta kanene nîgakaavuvwa, nao Aisiraeli arîa maaûrîrîte vûrûrirî wa Asîria na arîa maavirîtwe îthamîriorî vûrûrirî wa Misiri nîmagaaûka na magoocere Ngai-Mûnene îgûrû rîa kîrîma kîrîa kîtheru Kîam Jerusalemu.

Alawi 23:23

Ngai-Mûnene nîwerire Musa atîrî,

Alawi 23:7

Mûthenya wa mbere wa gûkûngûîra pasaka, nîmûkaagomana vamwe nîûndû wa kûgooca na mûtikarutage wîra ûrîa mûrutaga wa mûthenya.

Zakaria 9:14

Ngai-Mûnene nîakeyonithania arî îgûrû rîa andû ake, mîguî yake îthiîcaga ta rûveni; Mwathani Ngai nîakaavuva karumbeta, na athiî arî rûkûngirî rwa mwena wa îveti.

Ndari 28:26

“Mûthenya wa mbere wa vîndî ya kîrugo Kîam maketha, rîrîa mûkethagîrwa mûkîvirîra Ngai-Mûnene matega ma mbere, mûgaacemanagia nîguo mûgooce Ngai-Mûnene na gûtirî wîra mûrito mûkaarutaga.

Ndari 29:12

“Mûthenya wa îkûmi na îtano wa mweri wa mûgwanja, mûgacemanagia nîguo mûgooce Ngai. Mûgaakûngûagîra kîrugo gîa tûnyomba nîûndû wa Ngai-Mûnene îvinda rîa mîthenya mûgwanja mûtakûruta wîra.

Ndari 29:2

Mûkaarutagîra Ngai-Mûnene matega ma kûvîvua marî na mûtararûko mwaro ma ndegwa îmwe îtarî ngûrû, ndûrûme îmwe, na tûtûrûme mûgwanja tûrî na ûkûrû wa mwaka ûmwe. Cionthe ciîthagîrwe itarî na wonje.

Ndari 29:35

“Mûthenya wa kanana, mûgaacemanagia nîguo mûgooce Ngai. Mûthenya ûcio mûtikarutage wîra,