Ndari 28:9 - ÎVUKU RÎA ÛVORO MWARO

⁹ “Mûthenya wa thavatû mûkaarutaga îtega rîa tûtûrûme twîrî tûtarî na wonje twa ûkûrû wa mwaka ûmwe, kilo igîrî cia mûtu ûtukanîtue na maguta ma ndamaiyû rîrî îtega rîa irio cia mûgûnda, na îtega rîa ndivei.

Ndari 28:9 ပူးပေါင်းရင်းမြစ်များ

2Atha 4:23

Nake mûrûme nîwamûûririe atîrî, “Ûrenda kûthiî ûmûnthî nîkî? Ûmûnthî tî thavatû, wana tî kîrugo gîa karûngamo ka mweri.” Nake mûka nîwamwîrire atîrî, “Ndûkamake.”

2Maû 2:3

Solomoni nîwatûmanire kûrî Hiramu, mûthamaki wa Turo na akîmwîra atîrî, “Mindîra mîtî ya mîtarakwe ta ûrîa wekire vava Daudi rîrîa wamwindîre mîtî ya gûtuma nyomba yake.

2Maû 2:4

Nînîratuma hekarû ya Ngai-Mûnene, Ngai wakwa na nîmîamûrîre ke, îtuîke ya kûvîvagîrua matega ma ûbani ûrîa mûnungi waro na gwa kwigagwa mûgate ûrîa mwamûre vîndî cionthe. Nwakuo gûkaarutagîrwa matega ma kûvîvua marîa marutagwa iraûko cionthe na ivwaî cionthe, na mîthenya ya thavatû, irugo cia mweri wacicûka, na irugo cia mîthenya îrîa mîamûre, wata ûrîa athîte andû a Isiraeli matûûre mekaga tene na tene.

2Maû 8:13

Aarutaga magongoona mîthenya îrîa mîamûre kûringana na ûrîa watho wa Musa waugîte. Mîthenya îo nî: thavatû, karûngamo ka mweri, na vîndî ya irugo ithatû cia wa mwaka, na nîcio: kîrugo Kîam mîgate îtarî mîkîre ndawa ya kwimbia, kîrugo Kîam vîndî ya maketha, na kîrugo gîa tûnyomba.

Isaia 58:13

Ngai-Mûnene arauga atîrî, “Ûngîtiga kûruta wîra mûthenya wa thavatû, ûtige kûrûmîrîra maûndû ma gwîkenia we mwene mûthenya wakwa mwamûre, ûtucage thavatû mûthenya wa gûkena na mûthenya wa Ngai-Mûnene wa kûvewa gîtîîo, ûvecage mûthenya ûcio gîtîîo, na ûtige kûthiîcaga njîra ciaku, na ûtige gûcaragia maûndû ma gwîkenia kana kwaragia ndeto itarî na kîguni,

Ezek 20:12

Makîria ma ûguo, nînaamavere mîthenya yakwa ya thavatû îtuîke kîmenyithia gatagatî gakwa nao nîguo mamenye atî nie Ngai-Mûnene nînie nîmatheragia.

Ezek 46:4

“Mûthenya wa thavatû, mûnene akaretaga kûrî Ngai-Mûnene îtega rîa kûvîvua rîa tûtûrûme tûtandatû tûtarî na wonje na ndûrûme îmwe, cionthe itarî na wonje.

Ndari 28:10

Îtega rîîrî rîa kûvîvua rîkaarutagwa wa mûthenya wa thavatû, vamwe na matega marîa mengî ma wa mûthenya na matega na ndivei.

Ndari 28:8

Gatûrûme kau kengî gakaarutagwa kîvwaî karî îtega rîa kûvîvua. Gakaarutanagîrua na irio cia mûgûnda na matega ma indo cia kûnyuwa wata irîa cia îtega rîa kîraûko. Rîîrî nî îtega rîrî mûtararûko mwaro ûkenagia Ngai-Mûnene.

Kûguû 1:10

Mûthenya wa Mwathani nînecûrîtwe nî roho mûtheru. Roho ûcio mûtheru nîwamvotithirie kwîgua mûgambo mûnene, ûrîa wagambire ta mûgambo wa karumbeta vuva wakwa.