Ndari 28:6 - ÎVUKU RÎA ÛVORO MWARO

⁶ Îtega rîîrî rîa kûvîvua nî rîa wa mûthenya na rîambîrîrie kîrîmarî gîa Sinai rîrî îtega rîa irio, rîrî na mûtararîka mwaro ûkenagia Ngai-Mûnene.

Ndari 28:6 ပူးပေါင်းရင်းမြစ်များ

2Maû 2:4

Nînîratuma hekarû ya Ngai-Mûnene, Ngai wakwa na nîmîamûrîre ke, îtuîke ya kûvîvagîrua matega ma ûbani ûrîa mûnungi waro na gwa kwigagwa mûgate ûrîa mwamûre vîndî cionthe. Nwakuo gûkaarutagîrwa matega ma kûvîvua marîa marutagwa iraûko cionthe na ivwaî cionthe, na mîthenya ya thavatû, irugo cia mweri wacicûka, na irugo cia mîthenya îrîa mîamûre, wata ûrîa athîte andû a Isiraeli matûûre mekaga tene na tene.

2Maû 31:3

Mûthamaki nîwarutire kuuma ndîthiarî yake nyamû cia magongoona ma kûvîvua ma kîraûko na ma kîvwaî, cia magongoona ma kûvîvua ma mîthenya ya thavatû, cia gûkûngûîra irugorî cia mweri wacicûka na cia irugo irîa mbîtîkîrie wata ûrîa kwandîkîtwe wathorî wa Ngai-Mûnene.

Ezira 3:4

Nîmaakûngûîre kîrugo gîa tûnyomba twa magema wata ûrîa kwandîkîtwe wathorî, na wa mûthenya nîmaarutaga matega ma kûvîvua mwîgana ûrîa wavataranagua.

Thaburi 50:8

Ndiragûtetia nîûndû wa magongoona maku, matega ma kûvîvua marîa ûndutagîra vîndî cionthe.

Ntha 24:18

Musa nîwaunûkirie kîrîmarî na agîtonya ndaarî ya îtu, na agîkara kuo mîthenya mîrongo îna ûtukû na mûthenya.

Ntha 31:18

Rîrîa Ngai aarîkirie kwarîria Musa kîrîmarî Kîam Sinai îgûrû, nîwanengerire Musa ivengere igîrî cia mathiga irî na maathani. Maathani mau nî Ngai ke mwene wamandîkîte.

Ezek 46:14

Gakaarutanagîrua na îtega rîa mûtu wa kilo igîrî na nuthu.

Ezek 46:15

Gatûrûme, mûtu na maguta ma ndamaiyû nîitûûra irutagîrwa Ngai-Mûnene kîraûko wa kîraûko nginya tene na tene.”

Alawi 27:34

Mama nîmo maathani marîa Ngai-Mûnene aaveere andû a Isiraeli kûvîtûkîrîra kûrî Musa kîrîmarî gîa Sinai.

Alawi 6:9

“Îra Aroni na avîcî ake mawatho megiî matega ma kûvîvua. Namo nî atî: îtega rîa kûvîvua rîgaatigagwa îgûrû rîa metha ya kîgongoona rîkîvîvagua nî mwaki ûtukû wonthe.

Amosi 5:25

“Mue andû a Isiraeli, rîrîa mwarî werûrî mîaka mîrongo îna nîmwandutagîra magongoona?

Ndari 28:5

Wa gatûrûme gakaarutagwa vamwe na matega ma irio cia mûgûnda, na nîcio; kilo îmwe ya mûtu îtukanîtue na lita îmwe ya maguta maro ma ndamaiyû.

Ndari 28:7

Wa gatûrûme ga îtega rîa kûvîvua rîkaarutanagîrua na lita îmwe ya îtega rîarîo rîa indo cia kûnyuwa. Îtega rîu rîa ndivei rîgetûrûragwa metharî ya kîgongoona ya Ngai-Mûnene.

Afil 2:17

Kwavoteka mbûragwe; na njîra ta îno nîngîthîrwa mbîkariî ta kîgongoona kîrîa mûrutagîra Ngai nîûndû nîmwîtîkîtie. Kûngîtuîka ûguo, nwa mbîthîrwe nîrî na gîkeno na nganyitanîra gîkeno gîakwa na mue muonthe.