Ndari 28:25 - ÎVUKU RÎA ÛVORO MWARO

²⁵ Mûthenya wa mûgwanja mûcemanagie vamwe mûkagooca Ngai-Mûnene, na mûtikarutage wîra mûrito.

Ndari 28:25 ပူးပေါင်းရင်းမြစ်များ

Ntha 12:16

Mûthenya wa mbere na wa mûgwanja nîmûgaacemanagia nîûndû wa kûgooca. Gûtirî wîra wagîrîrwe kûrutwa mîthenya îo, nwatî irio nwa irugwe mîthenya îo.

Ntha 13:6

Mîthenya mûgwanja nîmûkaarîcaga mîgate îtarî mîkîre ndawa ya kwimbia. Naguo mûthenya wa mûgwanja nîguo mûkeethagîrwa na kîrugo gîa gûkumia Ngai-Mûnene.

Alawi 23:21

Mûthenya ûcio nî gûkaaugîrîrua andû maûngane vamwe nîguo magooce. Mûtikaarute wîra mûrito mûthenya ûcio. Watho ûyû nîûtûûra ûrûmagîrîrwa nî njiarwa cienyu tene na tene kûrîa kuonthe mûtûûraga.

Alawi 23:25

Mûkaarutîra Ngai-Mûnene îtega rîa kûvîvua na mûtikarute wîra ûrîa mûrutaga wa mûthenya.”

Alawi 23:3

Mûrî na mîthenya îtandatû îrîa mûkaarutaga wîra, nwatî mûthenya wa mûgwanja, mûthenya wa thavatû, nî mûthenya wa kûvurûka. Mûtiagîrîrwe nî kûruta wîra mûthenya ûcio, nwatî mûgomanage vamwe nîûndû wa kûgooca. Thavatû nî yakwa, na mûkaamîmenyagîrîra mûrî wa kûrîa mûkethagîrwa mûrî.

Alawi 23:7

Mûthenya wa mbere wa gûkûngûîra pasaka, nîmûkaagomana vamwe nîûndû wa kûgooca na mûtikarutage wîra ûrîa mûrutaga wa mûthenya.

Alawi 23:8

Mûkaandutagîra matega ma kûvîvua îvinda rîa mîthenya mûgwanja. Mûthenya wa mûgwanja nîguo mûkaagomanaga vamwe nîûndû wa kûgooca, nwatî mûtikarutage wîra mûthenya ûcio.”

Ndari 28:18

Mûthenya wa mbere mûgaacemanagia vamwe kûgooca, na gûtirî wîra mûrito ûkaarutagwa mûthenya ûcio.

Ndari 28:26

“Mûthenya wa mbere wa vîndî ya kîrugo Kîam maketha, rîrîa mûkethagîrwa mûkîvirîra Ngai-Mûnene matega ma mbere, mûgaacemanagia nîguo mûgooce Ngai-Mûnene na gûtirî wîra mûrito mûkaarutaga.

Ndari 29:1

“Mûthenya wa mbere wa mweri wa mûgwanja, mûgaacemanagia vamwe nîguo mûgooce Ngai-Mûnene. Mûthenya ûcio mûtikarute wîra. Ûcio nî mûthenya wa kûvuva tûrumbeta.

Ndari 29:12

“Mûthenya wa îkûmi na îtano wa mweri wa mûgwanja, mûgacemanagia nîguo mûgooce Ngai. Mûgaakûngûagîra kîrugo gîa tûnyomba nîûndû wa Ngai-Mûnene îvinda rîa mîthenya mûgwanja mûtakûruta wîra.

Ndari 29:35

“Mûthenya wa kanana, mûgaacemanagia nîguo mûgooce Ngai. Mûthenya ûcio mûtikarutage wîra,

Gûco 16:8

Mûkaarîcaga mîgate îtarî mîkîre ndawa ya kwimbia mîthenya îtandatû, naguo mûthenya wa mûgwanja mûkagomana vamwe kûgooca Ngai-Mûnene Ngai wenyu. Mûthenya ûcio mûtikarute wîra.