Ndari 28:11 - ÎVUKU RÎA ÛVORO MWARO

¹¹ “Kîambîrîria Kîam wa mweri wonthe mûkaarutagîra Ngai-Mûnene îtega rîa kûvîvua rîa ndegwa igîrî itarî ngûrû, ndûrûme îmwe, na tûtûrûme mûgwanja twa ûkûrû wa mwaka ûmwe na tûtarî na wonje.

Ndari 28:11 ပူးပေါင်းရင်းမြစ်များ

2Atha 4:23

Nake mûrûme nîwamûûririe atîrî, “Ûrenda kûthiî ûmûnthî nîkî? Ûmûnthî tî thavatû, wana tî kîrugo gîa karûngamo ka mweri.” Nake mûka nîwamwîrire atîrî, “Ndûkamake.”

1Maû 23:31

Alawi nîmaarutaga matega ma kûvîvua ma Ngai-Mûnene mîthenya ya thavatû, ciathî cia mweri wacicûka na mîthenya îrîa îngî ya ciathî. Kwarî na mawatho marîa maarûmagîrîrwa ma kwonania Alawi arîa maagîrîrwe nî gûtungata kavinda gwa kavinda marî hekarûrî.

2Maû 2:3

Solomoni nîwatûmanire kûrî Hiramu, mûthamaki wa Turo na akîmwîra atîrî, “Mindîra mîtî ya mîtarakwe ta ûrîa wekire vava Daudi rîrîa wamwindîre mîtî ya gûtuma nyomba yake.

2Maû 2:4

Nînîratuma hekarû ya Ngai-Mûnene, Ngai wakwa na nîmîamûrîre ke, îtuîke ya kûvîvagîrua matega ma ûbani ûrîa mûnungi waro na gwa kwigagwa mûgate ûrîa mwamûre vîndî cionthe. Nwakuo gûkaarutagîrwa matega ma kûvîvua marîa marutagwa iraûko cionthe na ivwaî cionthe, na mîthenya ya thavatû, irugo cia mweri wacicûka, na irugo cia mîthenya îrîa mîamûre, wata ûrîa athîte andû a Isiraeli matûûre mekaga tene na tene.

2Maû 8:13

Aarutaga magongoona mîthenya îrîa mîamûre kûringana na ûrîa watho wa Musa waugîte. Mîthenya îo nî: thavatû, karûngamo ka mweri, na vîndî ya irugo ithatû cia wa mwaka, na nîcio: kîrugo Kîam mîgate îtarî mîkîre ndawa ya kwimbia, kîrugo Kîam vîndî ya maketha, na kîrugo gîa tûnyomba.

Ezira 3:5

Na vuva wa gûkûngûîra kîrugo gîa tûnyomba twa magema, nîmeethagîrwa marî na matega mengî ma kûvîvua. Matega mau maarî ma vîndî ya karûngamo ka mweri na irugo cionthe irîa ciagoocagwa Ngai-Mûnene. Na nîkwethagîrwa kûrî na matega mengî marîa andû maategagîra Ngai-Mûnene na njîra ya kwîyendera.

Nehemia 10:33

Tûkaarutaga mîgate îrîa mîamûre, matega ma irio cia mûgûndarî ma wa mûthenya na matega ma kûvîvua, matega ma thavatû, kîrugo Kîam mweri wacicûka, na irugo irîa ciîngî, indo irîa ntheru, matega ma kûtheria mevia ma andû a Isiraeli, na ma wîra wonthe wa hekarû.

Thaburi 40:6

We ndwendaga magongoona na matega, ndwîtagia matega ma kûvîvua kana ma kûtheria mevia, nwatî ûmvete matû ngwîgucage,

Thaburi 40:8

Nîngenaga ngîka wendi waku, we Ngai wakwa, watho waku ûrî ngororî yakwa.”

Thaburi 81:3

Vuvani karumbeta mwanîrîre kîrugo Kîam mweri wacicûka, na kîrugo gîetû vîndî îrîa mweri ûramakia nthinwa.

Thaburi 81:4

Ûcio nîguo watho vûrûrirî wa Isiraeli, watho ûrîa umîte kûrî Ngai wa Jakovu.

Isaia 66:23

Kuuma kîrugo Kîam mweri mûcerû nginya kîrugo kîu kîngî Kîam mweri mûcerû, na kuuma thavatû îmwe nginya îrîa îngî, andû onthe nîmagaaûkaga gûkû Jerusalemu kûngoocera kuo.” Ûguo nîguo Ngai-Mûnene arauga.

Ezek 46:1

Ngai-Mûnene nîwambîrire atîrî, “Kîvingo gîa kîvaro Kîam ndarî kîrîa kîerekerete na mwena wa îrathîro nwanginya kîthagîrwe kîrî kîvinge mîthenya yonthe îtandatû îrîa îrutagwa wîra. Nwatî kîrugûragwe mûthenya wa thavatû na vîndî ya kîrugo gîa karûngamo ka mweri.

Ezek 46:6

Vîndî ya kîrugo gîa karûngamo ka mweri mûnene akaarutaga îtega rîa karegwa, tûtûrûme tûtandatû, na ndûrûme îmwe cionthe itarî na wonje.

Ezek 46:7

Nîûndû wa îtega rîa irio cia mûgûnda wa varî ndegwa akaarutaga Efa îmwe ya mûtu na Efa îmwe ya mûtu varî wa ndûrûme. Na varî tûtûrûme akaarutaga kûringana na ûrîa angîvota. Kûrî îtega rîa irio cia mûgûnda akaarutaga lita ithatû cia maguta kûrî wa Efa îmwe ya mûtu.

Hosea 2:11

Nîngarûgamia mambura make monthe, irugo ciake cia mwambîrîrio wa mweri na cia thavatû, na magongoona marîa mengî monthe matuîtwe.

Alawi 1:13

Mûndû ûcio nîakaathambia mara vamwe na mathagiro, nake mûthînjîri-Ngai aivîvîrie îgûrû rîa metha ya kîgongoona rîrî îtega rîa kûvîvua. Mûtararûko wa îtega rîu nîûkenagia Ngai-Mûnene.

Alawi 1:3

Ethîrwa akîruta ng'ombe kuuma ndîthiarî yake îrî îtega rîa kûvîvua, akaaruta ndegwa îtarî na wonje wanarî ûrîkû. Akaamîruta arî mûromorî wa îgema rîa Ngai-Mûnene nîguo Ngai-Mûnene amwîtîkîre.

Alawi 1:9

Nwatî nîakaathambia mara ma ndegwa îo vamwe na mathagiro, nake mûthînjîri-Ngai aivîvîrie îgûrû rîa metha ya kîgongoona rîrî îtega rîa kûvîvua. Mûtararûko wa îtega rîu nîûkenagia Ngai-Mûnene.

Amosi 3:5

Gaconi nwa kagwe mûtegorî ûtarî mûtege? Mûtego nwa ûviûke ûtagwatîtie kîndû?

Amosi 8:5

mûkiugaga ngororî cienyu atîrî, “Kîrugo Kîam mweri mûcerû gîkathira rî, nîguo twendie irio cietû cia mûgûnda? Thavatû îkaathira rî, twambîrîrie kwendia ngano cietû, na tûcenjia ithimi irîa tûthimaga nacio, nîguo tûveenie andû?

Ndari 10:10

Mîthenya yenyu ya gîkeno, irugo cia mweri ûgîcicûka, na irugo icio ciîngî vuvagani tûrumbeta rîrîa mûkûruta matega ma kûvîvua na matega ma thayû. Tûrumbeta tûu tûgaatûmaga mûririkane Ngai wenyu. Nie nînie Ngai-Mûnene, Ngai wenyu.”

Ndari 28:19

Mûkaarutaga îtega rîa kûvîvua rîrî îtega rîa irio kûrî Ngai-Mûnene. Mûkaarutaga ndegwa igîrî ino itarî ngûrû, ndûrûme îmwe, tûtûrûme mûgwanja twa ûkûrû wa mwaka ûmwe na cionthe ciîthagîrwe itarî na wonje.

Agal 4:10

Nîmûtuîte mîthenya îmwe, mîeri, imera, na mîaka ya vata makîria.

Akol 2:16

Kwoguo mûtikaanetîkîrie mûndû wana ûrîkû amûtuîre kîrîa mûkûrîa, kana kîrîa mûkûnyua wana kana ûrîa mûkûrûmîrîra mîthenya mîthuure, kana irugo cia mweri mûcerû, wana kana thavatû.

Akol 2:6

Nîûndû nîmwamûkîre Jesû Kristû, tûûrani mûrî kîndû kîmwe nake mûrî na ûrûmwe na Jesû Kristû, nîûndû mwîetîkîru atî ke nîke Mwathani wenyu.

1Sam 20:5

Daudi nîwacokirie atîrî, “Rûyû nîrîo kûrî na kîrugo gîa karûngamo ka mweri na mbagîrîrwe nî kûrîcanîra na mûthamaki. Nwatî tiga nthiî ngethithe nginya kîvwaî Kîam mûthenya wa kathatû.

1Sam 9:12

Nao erîtu acio nîmaacokirie, “Ii, arî kuo, arî vau mbere yenyu thiîcangani. Ke aukîte îtûûrarî wa rîu, nîûndû andû nîmaûkîte ûmûnthî kûruta îgongona kûndû kûrîa gûtûgîru.