Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ndari 27:21 - ÎVUKU RÎA ÛVORO MWARO

21 Eliazaru, mûthînjîri-Ngai nîke ûkaamûmenyithagia wendi wakwa na njîra ya gûtûmîra Urimu na Thumimu. Na njîra îo, Eleazaru agaatongoragia Joshua na andû onthe a Isiraeli maûndûrî mao monthe.”

အခန်းကိုကြည့်ပါ။ ကော်ပီ




Ndari 27:21
23 ပူးပေါင်းရင်းမြစ်များ  

Vîndî îrîa Daudi aathanaga, nîkwagîre na yûra înene îvinda rîa mîaka îthatû. Kwoguo Daudi nîwavoire Ngai-Mûnene, nake Ngai-Mûnene akîmwîra atîrî, “Saûlo na andû a mûciî wake nîo matûmîte kûgîe na yûra nîûndû wa aûragani; nîmaûragithîtie andû a Gibeoni.”


Mûnene wa Ayahudi nîwamerire matikarîe irio irîa ciategagwa irî cia Ngai nginya rîrîa gûkaagîa Mûthînjîri-Ngai ûrîa ûngîtungata agîtûmagîra Urimu na Thumimu.


Mûnene wa Ayahudi nîwamerîte atî matiagîrîrwe nî kûrîa irio irîa nyamûrîre Ngai, nginya rîrîa gûkoneka mûthînjîri-Ngai wa gûtûmîra Urimu na Thumimu.


Ûgeekîra Urimu na Thumimu nguorî ya kîthûri, nîguo Aroni athiîcage nacio rîrîa akûthiî mbere ya Ngai-Mûnene. Vîndî îrîa ekîrîte nguo ya kîthûri akaavotaga kûmenya ûrîa Ngai-Mûnene akwenda nîûndû wa andû a Isiraeli.


Nîwamwîkîrire nguo ya kîthûri na agîkîra Urimu na Thumimu ndaarî yayo.


Wîra wa athînjîri-Ngai, nî kûthomithia andû kîrîra Kîam ma Kîam Ngai, na kûthomithia andû maûndû marîa mendaga meke; nîûndû o nîo anjaama a Ngai-Mûnene mwene vinya wonthe.


na ûrîa ûkaamathaga marî mbaararî nîguo matigekare ta ng'ondu itarî na mûrîthi.”


Aarî acio nîmaathiîre makîrûngama mbere ya Musa na Eliazaru mûthînjîri-Ngai, na mbere ya atongoria onthe a Isiraeli vau mûromorî wa îgema rîa Ngai-Mûnene na makiuga atîrî,


Mwîtîkîrie arutage mawîra mamwe maku ma wathani nîguo andû onthe a Isiraeli mamwathîkagîre.


Musa nîwekire wata ûrîa aathirwe nî Ngai-Mûnene. Nîwocire Joshua na akîmûrûngamia mbere ya Eliazaru, mûthînjîri-Ngai na andû onthe a Isiraeli.


Musa nîwavirire mateta mao kûrî Ngai-Mûnene.


Ngai-Mûnene Ngai wenyu ke mwene nîakaaringa athiî mbere yenyu. Nîagaacûkangia andû arîa matûûraga mavûrûri mau monthe, na mwîgwatîre vûrûri wao. Joshua nîke ûkaamûtongoria mûringe rûnjî rwa Jorodani wata ûrîa Ngai-Mûnene aaugire.


Ûvoro wîgiî mûvîrîga wa Lawi Musa nîwaugire atîrî, “We Ngai-Mûnene onania wendi waku kûrî Alawi acio aku evokeku, na njîra ya Urimu na Thumimu. Nîwamageririe marî Masa, nîwamatuîririe marî vakuvî na manjî ma Meriba.


Nao atongoria a Isiraeli nîmaamûkîre irio imwe kuuma kûrî andû a Gibeoni. Andû a Isiraeli nîmeetîkîre kûrûtha kîrîkanîro mbere ya gûtuîria ûvoro wakîo kuuma kûrî Ngai-Mûnene.


Vuva wa Joshua gûkua, Aisiraeli nîmaaûririe Ngai-Mûnene atîrî, “Gatagatîrî ka mîvîrîga yetû-î nî mûvîrîga ûrîkû ûkwîthîrwa ûrî wa mbere kûthiî kûrûa na Akanaani?”


Aisiraeli nîmaathiîre Betheli na makîûria Ngai atîrî, “Nî andû a mûvîrîga ûrîkû makûthiî kûtharîkîra Aabenjamini marî a mbere?” Nake Ngai-Mûnene nîwacokirie atîrî, “Nî andû a mûvîrîga wa Juda makwambîrîria.”


Nîmaathiîre vandû varîa vaagoocagîrwa na nîmaarîrîre Ngai-Mûnene nginya kîvwaî. Nîmaamûririe atîrî, “Nî waro tûthiîte kûrûa na andû etû a Benjamini?” Nake Ngai-Mûnene nîwacokirie atîrî, “Îî.” Kwoguo Aisiraeli nîmeeyûmîrîrie na makiga athigari ao varîa maamaigîte mbere.


Na vîndî îrîa Saûlo aaragia na Ahija, kîvîngîcî gîkîthiî na mbere kwongerereka kûu Afilisiti maatûûraga. Nake Saûlo nîwerire Ahija atîrî, “Tiga kûmathaithanîra kûrî Ngai-Mûnene rîngî!”


Rîrîa Daudi aamenyire atî Saûlo aarî na mûvango wa kûmûtharîkîra, nîwerire Abiatharu mûthînjîri-Ngai atîrî, “Ndetere efodi ava.”


Kwoguo nîwaûririe ûtaaro kuuma kûrî Ngai-Mûnene, nwatî ndaamûcokeria wanarî vanini na njîra ya iroto kana na njîra ya Urimu na Thumimu kana na njîra ya arathi.


Nake Daudi nîwerire mûthînjîri-Ngai Abiatharu mûvîcî wa Ahimeleku atîrî, “Ta ndetera efodi.” Nake Abiatharu nîwavirîre Daudi efodi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ