Ndari 26:59 - ÎVUKU RÎA ÛVORO MWARO

⁵⁹ Mûka wa Amuramu eetagwa Jokebedi mwarî wa Lawi. Jokebedi aaciarîrwe Misiri. Jokebedi aaciarîre Amuramu anake aîrî: Aroni na Musa, na mwîrîtu ûmwe wetagwa Miriamu.

Ndari 26:59 ပူးပေါင်းရင်းမြစ်များ

Ntha 15:20

Nake mûndûmûka ûmwe mûrathi wetagwa Miriamu, na aarî mwarwang'ina na Aroni, nîwocire tamburini yake, nao aka acio engî nîmaamumire vuva na tamburini ciao makîinagia.

Ntha 2:4

Mwarwang'ina na kaana kau nîwarûngamire varaca nîguo one ûrîa kûngîtuîkîka kûrî kaana kau.

Ntha 6:20

Amuramu nîwavikirie Jokibedi mwarwang'ina na îthe, na nîwaciarire Aroni na Musa. Amuramu atûûrire mwoyo mîaka îgana rîmwe rîa mîrongo îthatû na mûgwanja (137).

Alawi 18:12

Mûtikamenyane kîîmwîrî na mwarwang'ina na aguo; ûcio nî tataguo.

Ndari 12:1

Aroni na Miriamu nîmaamenererie Musa nîûndû wa mûndûmûka Mûkushi ûrîa aavikîtie.

Ndari 20:1

Mweri wa mbere, andû onthe a Isiraeli nîmaakinyire werûrî wa Zini na makîamba magema mao Kadeshi. Miriamu nîwakuîrîre kûu na akîthikwa wa kuo.