Ndari 26:55 - ÎVUKU RÎA ÛVORO MWARO

⁵⁵ Nwatî, ûgai ûcio wa vûrûri ûgeekwa na njîra ya kûthîra. Wa mûvîrîga ûkaavewa îgai rîaguo kûringana na marîîtwa ma methe mao.

Ndari 26:55 ပူးပေါင်းရင်းမြစ်များ

Nthi 16:33

Andû maikagia mîtî nîguo mamenye ûrîa gûgaatuîkîka, nwatî Ngai-Mûnene nîke ûtucaga ûrîa gûgaatuîkîka.

Nthi 18:18

Gwikia mîtî nî kûthiragia ngarari ciirarî, nî gûtuithanagia ciira gatagatî ka andû aîrî magîkararania na vinya.

Ezek 47:22

Mûkaûgaa ûtuîke wenyu na mûgaîre andû a ndûrîrî arîa mûtûûranagia nao na magîrîrîte ciana kuo. Andû acio a ndûrîrî mûkaamatua ta andû a Isiraeli na makaagaîrwa mîgûnda nîguo îtuke yao wata andû acio engî a Isiraeli.

Ndari 26:56

Îgai rîa wa mûvîrîga rîkaavecanwa na njîra ya gwikia mîtî, na wa mûvîrîga ûkaanyita îgai rîaguo kûringana na ûnene kana ûnini waguo.”

Ndari 33:54

Mûkagaana vûrûri ûcio kûrî wa mûvîrîga na wa mbarî na njîra ya kûthîrwa. Mûvîrîga ûrîa mûnene nîguo ûkaagaîrwa gîcunjî kîrîa kînene, naguo mûvîrîga ûrîa mûnini ûgaîrwe gîcunjî kîrîa kînini.

Ndari 34:13

Kwoguo Musa nîwerire andû a Isiraeli atîrî, “Ûyû nîguo vûrûri ûrîa mûkagaana na njîra ya gwikia mîtî, na nîguo Ngai-Mûnene aaveere mîvîrîga kenda na nuthu.

Ndari 36:2

Nîmaaugire atîrî, “Mwathi wetû, Ngai-Mûnene aakwathire ûgaîre andû a Isiraeli vûrûri na njîra ya kûthîra, na agîkwatha ûve erîtu a Zelofehadi ûrîa mûrwaiya îgai rîa îthe wao.

Ciîko 1:26

Nao nîmaaikirie mîtî nîguo mathuure ûmwe gatagatîrî kao. Nake Mathiia akîthuurwa na agîcoka agîtaranîrua na atûmwa arîa engî îkûmi na ûmwe.

Akol 1:12

Cokagîriani Îthe wenyu ngatho nîûndû nîamûvotithîtie gûtuîka agîrîru a kûgîa na îgai rîrîa aigîrîte andû ake ûthamakirî wa ûtheri.

Josh 11:23

Kwoguo Joshua nîwanyitire vûrûri wonthe kûringana na ûrîa Ngai-Mûnene aathîte Musa. Nake Joshua nîwavere andû a Isiraeli vûrûri ûcio ûtuîke wao na nîwaûgaanirie icunjî kûringana na mîvîrîga ya andû a Isiraeli. Nao andû a Isiraeli magîtiga kûrûa.

Josh 14:2

Musa nîwathîtwe nî Ngai-Mûnene atî vûrûri ûyû ûkaagaanua na njîra ya kûthîrwa. Naguo nîwagaîrwe mîvîrîga kenda na nuthu ya andû a Isiraeli.

Josh 17:14

Njiarwa cia Josefu nîciaûririe Joshua atîrî, “Nîkî kîratûmire ûtûgaîra gîcunjî kîmwe tu Kîam vûrûri gîtuîke gîetû? Tue tûrî eengî nîûndû Ngai-Mûnene nîatûrathimîte.”

Josh 18:6

Mwandîke waro ûrîa mûkoona icunjî icio mûgwanja mûke mûmbîre nanie ngaûria Ngai-Mûnene Ngai wetû ûtaaro.

Josh 19:1

Mûvîrîga wa kaîrî kûgaîrwa vûrûri warî mûvîrîga wa Simeoni na mbarî ciaguo. Vûrûri wao nîwathiûrûrûkîtwe nî vûrûrirî ûrîa wagaîrwe Juda.

Josh 19:10

Andû a kathatû kûgaîrwa maarî mbarî cia mûvîrîga wa Zebuluni. Vûrûri ûrîa maagaîrwe wakinyîte Saridi.

Josh 19:17

Vûrûri wa kana kûgawa warî wa mbarî cia mûvîrîga wa Isakaru.

Josh 19:24

Mûvîrîga wa gatano kûgaîrwa warî mûvîrîga wa Asheri vamwe na mbarî ciaguo.

Josh 19:32

Mûvîrîga wa Nafutali nîguo wagaîrwe vûrûri wao ûrî wa gatandatû. Maagaîrwe vûrûri ûcio kûringana na mbarî ciao.

Josh 19:40

Mûvîrîga wa Dani nîguo wagaîrwe vûrûri wao ûrî wa mûgwanja.