Ndari 25:14 - ÎVUKU RÎA ÛVORO MWARO

¹⁴ Mûisiraeli ûcio waûragirwe marî na mûndûmûka Mûmidiani, eetagwa Zimuri mûvîcî wa Salu na aarî mûtongoria wa mbarî îmwe ya mûvîrîga wa Simeoni.

Ndari 25:14 ပူးပေါင်းရင်းမြစ်များ

Kîam 37:28

Rîrîa andû arîa marutaga wîra wa kûgûra na kwendia indo kuuma Midiani maavîtûkîrîre vau, nîmaagucirie Josefu kuuma îrimarî na makîmwendia kûrî Aishumaeli acio sîlûva mîrongo îîrî. Aishumaeli acio nîmaakuuire Josefu makîmûvira Misiri.

1Atha 11:18

Nîmaaumire Midiani, na makîthiî Parani, kûrîa maaûnganire na andû engî na makîthiî nao kûrî mûthamaki wa Misiri. Mûthamaki wa Misiri nîwavere Hadadi mûgûnda, nyomba, na irio.

1Maû 27:16

Ûyû nîguo mûtaratara wa atongoria a mîvîrîga ya Isiraeli: Eliezeri mûvîcî wa Zikiri aarî mûtongoria wa mûvîrîga wa Reubeni. Shefatia mûvîcî wa Maaka aarî mûtongoria wa Mûvîrîga wa Simeoni.

2Maû 19:7

Vecagani Ngai-Mûnene gîtîîo na mûrûthage maûndû mûvarîrîte, nîûndû Ngai-Mûnene, Ngai wetû ndendaga ûndû ûtarî wa kîvooto, ndarî kîmenyano na ndamûkagîra mavaki.”

Ndari 1:23

Naguo warî na arûme ngiri mîrongo îtano na kenda na magana mathatû (59,300.)

Ndari 25:13

Finehasi na njiarwa ciake cionthe nîmatûûra marî athînjîri-Ngai nîûndû nîwatuîkire mwîvokeku akîrega kûgooca ngai ciîngî tiga nie. Ke nîwatûmire andû a Isiraeli moverwa mevia mao.

Ndari 25:15

Mûndûmûka Mûmidiani ûcio waûragirwe eetagwa Kozibi mwarî wa Zuri. Zuri aarî mûtongoria wa mbarî îmwe ya mîvîrîga ya andû a Midiani.

Ndari 26:14

Andû acio a mûvîrîga wa Simioni maarî arûme ngiri mîrongo îîrî na igîrî na magana maîrî (22,200).