Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ndari 24:24 - ÎVUKU RÎA ÛVORO MWARO

24 Meri nîigaakinya ciumîte Kitimu, nîikaatharîkîra Ashuri na Eberi, nwatî wanao nîmakaathira viû.”

အခန်းကိုကြည့်ပါ။ ကော်ပီ




Ndari 24:24
24 ပူးပေါင်းရင်းမြစ်များ  

Nao anake a Javani maarî: Elisha, Sipania, Kuporo, na Rodo.


Nwatî mûndû ûmwe nîwatorokire na akîthiî akîîra Aburamu ûcio Mûhibirania ûvoro ûcio wonthe. Aburamu aatûûraga vakuvî na mîtî îrîa mîamûre ya Mamure ûrîa Mûamori. Mamure maaciaranîrîtue na Eshikoli na Aneri na meethagîrwa marî ngwatanîro na Aburamu.


Rîrîa Mwathani akaarîkia wîra wake wonthe Kîrîmarî gîa Zayuni na Jerusalemu, nîakaaverithia mûthamaki wa Asîria nîûndû wa mwîcaaro na mwîtîîo wake.


We Asîria, nîwe rûthanju rûrîa ndûmagîra narakara, nîwe mûragi wa mang'ûrîka makwa.


Îno nîyo ndûmîrîri îgiî Turo. Mue meri cia Tarishishi, rîrani, nîûndû îtûûra rîa Turo nîrîcûkangie. Nyomba ciakuo na kûrîa meri irûngamaga nîkwomomore. Nîmûkaamenyithua ûvoro ûcio mwacoka kuuma Kuporo.


Nîmoocire mîtî ya mîvuru kuuma Bashani makîrûtha mîtî ya gûtwarithia meri irîa nene; wamîtumire na mbaû cia mîthithinda kuuma Kuporo, na ûkîigemia na mîguongo.


Nîwacokire akîmbûria atîrî, “Nîwîcî kîrîa gîtûmire mbûke kûrî we? Rîu nwanginya njoke ngarûe na mûraika wa vûrûri wa Perisi. Na narîkia kûthiî kûrûa nake, mûraika wa vûrûri wa Ngiriki nîakaaumîra.


Andû kuuma Kitimu nîmakaamûtharîkîra. Nîakegua guoya na ecûrîtwe nî marakara, nî akaageria gûcûkangia ndini ya andû a Ngai. Nîagaacoka athikagîrîrie mataaro ma andû arîa mareganîte na ndini îo.


Nîakaamba magema make ma ûthamaki gatagatî ka îria na kîrîma kîrîa kîtheru, varîa hekarû îtumîtwe. Nwatî kavinda gake ga gûkua gakinya, gûtirî mûndû ûkamûtethia.”


Nayo cuuma, yûmba, gîcango, sîlûva na thaavu nîciaunîkangire tûcunjî, na igîtuîka ta mavûngo ma ngano îtîrirî vîndî ya riûa. Nîciagûrûkîrue nî rûkûngi cionthe, na gûtirî wa naarî gacunjî gaatigarire. Nwatî îthiga rîrîa rîaringire mûvuano ûcio, nîrîatuîkire kîrîma kînene na gîgîcûra nthî yonthe.


Nîwonire ûrîa îthiga rîavarûkire kuuma nguvarî rîtavutîtue nî mûndû, na ûkîona ûrîa rîaringire mûvuano ûcio wa cuuma, gîcango, yûmba, sîlûva na thaavu. Ngai ûrîa mûnene nîakûmenyithîtie we mûthamaki, maûndû marîa magekîka vuvarî. Kîrooto gîkî nî Kîam ma na ûguo nagîtaûra nî ûvoro wa ma.”


Nthenge nayo yonanagia ûthamaki wa Ngiriki. Naruo rûvîa rûraca rûrîa rûrî gatagatî ka ûthiû wayo rwonanagia mûthamaki wa kuo wa mbere.


Balaamu nîwacokire akîona Amaleki kîonekirî gîake na akîratha atîrî, “Vûrûri wa Amaleki nîguo warî vinya mûno gûkîra mavûrûri marîa mengî, nwatî mûthiiarî nî ûkaathira viû.”


Balaamu nîwacokire akîratha atîrî, “Aia! Nî ûrîkû ûgaatigara Ngai agîka maûndû mama?


“Mue nîmûkoona ‘Kîndû kîrîa kîrî mûgiro’ kîrîa mûrathi Danieli aaririe ûvoro wakîo kîrûngamîte vandû varîa vatheru.” (Mûndû ûrîa ûrathoma nîataûkîrwe nî ûrîa kûrerwa!)


“Tamoniani mbeca îmwe ya sîlûva. Mbica îno na rîîtwa rîîrî rîandîkîtwe vo nî rîa û?” Nao nîmaamûcokerie atîrî, “Nî cia mûthamaki wa Roma.”


Wona twareka athiî na mbere gwîka maûndû mama, andû onthe nîmakûmwîtîkia. Nao Aroma nîmagûcoka maûke macûkangie hekarû yetû na rûrîrî rwetû!”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ