Ndari 23:22 - ÎVUKU RÎA ÛVORO MWARO

²² Ngai aamarutire vûrûri wa Misiri; amarûagîrîra ta mbogo ya njamba.

Ndari 23:22 ပူးပေါင်းရင်းမြစ်များ

Thaburi 22:21

Mvonokia kuuma tûnyuarî twa mînyambû, ndingîvota gwîtethia mbere ya mbogo ino.

Thaburi 68:35

Ngai nî wa gwîtigîrwa arî varîa vake vatheru, ke nîke Ngai wa Isiraeli! Nîavecaga andû ake vinya na ûvoti. Ngai arokumua!

Thaburi 92:10

Nwatî nîûtûmîte ngîe na vinya ta mbogo, na nîûmbîtîrîrîtie maguta ma kûnjanjamûra.

Ntha 12:41

Na mûthenya ûcio mîaka magana mana na mîrongo îthatû yakinyire andû a Isiraeli nîmaaumire vûrûri wa Misiri.

Ntha 12:51

Na mûthenya ûcio Ngai-Mûnene nîwarutire andû a mîvîrîga ya Isiraeli vûrûri wa Misiri.

Ntha 14:18

Na vîndî îrîa ngaamavoota, andû a Misiri nîmakaamenya atî nie nînie Ngai-Mûnene.”

Ntha 20:2

“Nînie Ngai-Mûnene, Ngai waku ûrîa wakûrutire vûrûri wa Misiri kûrîa warî ûkomborî.

Ntha 9:16

Nwatî nie nîndûmîte ûtûûre nîguo wone ûvoti wakwa nayo ngumo yakwa îtambe nthî yonthe.

Isaia 34:7

Mbogo cia njamba ikaaûraganîrua vamwe nao, natuo tûregwa tûraganîrue vamwe na ndegwa irîa irî vinya. Vûrûri wao nîûgecûra nthakame, naguo mûthetu wao ûnorue nî maguta mao.

Ndari 22:5

Kwoguo Balaki mûvîcî wa Zipori, na nîke warî mûthamaki wa Moabu vîndî îo, nîwatûmire anjaama magete Balaamu mûvîcî wa Beori. Balaamu aarî Pethori vakuvî na rûnjî rwa Farati vûrûrirî wa Amawi. Balaki nîwerire Balaamu atîrî, “Kûrî na rûrîrî rumîte Misiri na rûrî kûndû kuonthe gûkû nthî, na nîmarenda gwoca vûrûri wakwa.

Ndari 24:8

Ngai nîwamarutire vûrûri wa Misiri, amarûagîrîra ta mbogo ya njamba. Nîmagaacûkangia nthû ciao na maunange mavîndî mao, na mamarathe na mîguî yao.

Gûco 33:17

Josefu arî vinya ta ndegwa, arî na mvîa ta cia mbogo. Nîagaatindîka andû a mavûrûri nacio, nîakaamatindîka onthe nginya mîthiia ya nthî; Andû a mbarî ya Efiraimu marî na vinya ta ûcio maita ngiri makûmi meengî, nao andû a mbarî ya Manase marî na vinya ta ûcio maita makiri.”

Josh 2:10

Nîtwîguîte ûrîa Ngai-Mûnene aatûmire manjî ma îria Îtune mavûa mbere yenyu rîrîa mwaumaga Misiri. Wana nîtwîguîte ûrîa mwaûragire athamaki a Amori, Sihoni na Ogu arîa maarî mwena wa îrathîro wa Jorodani.