Ndari 23:21 - ÎVUKU RÎA ÛVORO MWARO

²¹ Gûtirî ûndû mûcûku Ngai-Mûnene onete kûrî andû a Jakovu. Gûtirî îvîtia onete kûrî andû a Isiraeli. Ngai-Mûnene, Ngai wao arî vamwe nao, maugaga atî nîke mûthamaki wao.

Ndari 23:21 ပူးပေါင်းရင်းမြစ်များ

2Maû 13:12

Ngai arî natue arî mûtongoria wetû, nao athînjîri-Ngai marî na tûrumbeta nîguo matûvuve magîtwîta tûke tûrûe namue. Mue andû a Isiraeli, mûtikarûe na Ngai-Mûnene, Ngai wa methe menyu, nîûndû mûtîngîvootana!”

Thaburi 103:12

Taûrîa îrathîro na îthûîro iracavanîrîrîtie, nwaguo atûthengutagîria mevia metû kuuma kûrî tue.

Thaburi 118:15

Mîgambo ya gîkeno ya ûvootani nîreguîka magemarî ma arîa athingu: “Njara ya ûrîo ya Ngai-Mûnene nîîkîte maûndû manene!

Thaburi 135:21

Kumiani Ngai-Mûnene mûrî Zayuni, mue arîa mûtûûraga Jerusalemu! Kumiani Ngai-Mûnene!

Thaburi 23:4

Wana nîngîvîtûkîrîra mûkururî ûrî nduma nene ta ya gîkuû, gûtirî ûgwati nîngîtigîra, nîûndû we Ngai-Mûnene ûrî vamwe nanie. Rûthanju rwaku rwa ûrîthi na mûragi waku nîcio ingitagîra.

Thaburi 32:2

Kûrathimwa nî mûndû ûrîa Ngai-Mûnene onaga atarî na mavîtia, mûndû ûrîa ûtaveenanagia.

Thaburi 32:5

Nînaacokire ngiumbûra mevia makwa kûrî we, na ndiathitha mavîtia makwa. Nînatwire nyumbûre mevia makwa kûrî we, na nîwanjovere mevia makwa monthe.

Thaburi 46:11

Ngai-Mûnene mwene vinya wonthe arî vamwe natue, Ngai wa Jakovu nîke mûgitîri wetû.

Thaburi 46:7

Ngai-Mûnene mwene vinya wonthe arî vamwe natue; Ngai wa Jakovu nîke mûgitîri wetû.

Thaburi 97:1

Ngai-Mûnene nî arathana, kena we nthî. Kenani, mue icîgîrîra irîa irî îriarî!

Thaburi 99:2

Ngai-Mûnene nîke mûnene Zayuni; nîke ûkumagua mavûrûrirî monthe.

Ntha 13:21

Mavinda ma mûthenya Ngai-Mûnene aathiîcaga mbere yao amatongoreretie arî gîtugîrî Kîam îtu. Útukû aamatongoragia arî gîtugîrî Kîam mwaki wa kûmonia ûtheri nîguo mathiîcage ûtukû na mûthenya.

Ntha 3:12

Ngai nîwacokerie Musa atîrî; “Ngethagîrwa nîrî nawe, na waruta andû a Isiraeli kuuma Misiri nîmûkaangooca mûrî kîrîmarî gîkî. Kîu nîkîo gîgaatuîka kîmenyithia atî nie nîngûtûmîte.”

Ntha 34:9

Nîwaugire atîrî, “We Mwathani wakwa, ethîrwa ûrî mûkenie nî nie, nînakûthaitha wîtîkîre tûthiîcanie nawe. Andû aya nî aremi, nwatî tûkirîrîrie mavîtia metû, ûtwovere mevia metû na ûtwîtîkîre tûrî andû aku.”

Isaia 1:18

Ngai-Mûnene arauga atîrî, “Ûkani rîu twarie. Wana ethîrwa mevia menyu mûtunîvîte ta ndûngûrû, makatherua macerûve ta îra. Wana ethîrwa matunîvîte ta nthakame, magacerûvua mekare ta guoya wa ng'ondu.

Isaia 12:6

Ugîrîriani na mwine mûkenete, mue arîa mûtûûraga Zayuni! nîûndû Ûrîa Mûtheru wa Isiraeli nî mûnene, na atûûraga gatagatîrî kenyu.”

Isaia 33:21

Nwatî kûu nîkuo Ngai-Mûnene agaatwoneria riiri wake. Nîgûkethîrwa kûrî na nyûnjî nene na tûrûnjî, kûrîa meri cia mbaara itakaavîtûkîrîra, kana meri irîa nene itonya kuo.

Isaia 33:22

Nîûndû Ngai-Mûnene nîke mûtucanîri ciira wetû, Ngai-Mûnene nîke ûtwathaga, Ngai-Mûnene nîke mûthamaki wetû, na nîke ûgaatûvonokia.

Isaia 38:17

Naathînîkire ûguo nîûndû wa wagîrîru wakwa, nwatî nîûvonoketie ûtûûro wakwa, kuuma ûgwatirî wa gîkuû, nîûndû nîûnjoverete mevia makwa monthe.

Isaia 41:10

Tiga gwîtigîra, nîûndû nîrî vamwe nawe, ndûkegue guoya, nîûndû nînie Ngai waku! Nîngaakwongerera vinya na ngûtethie, nîngaagûtirîrîra na njara yakwa ya ûthingu.

Isaia 8:10

Îîcûranieni vamwe, nwatî mîvango yenyu ndîkaavinga! Rûthani mîvango, nwatî ndîgaakinyanîra, nîûndû Ngai arî vamwe natue.

Jeremia 50:20

Rîrîa îvinda rîu rîgakinya, gûtirî wîvia kana waganu ûgekwa Isiraeli na Judea kuonthe, nîûndû nîngoovera andû arîa onthe maatigarire. Ûguo nîguo nie Ngai-Mûnene nauga.”

Ezek 48:35

Ûraca wa rûthingo rwa îtûûra rîu mîena yonthe îna rûkethîrwa rûrî rwa mita ngiri kenda (9,000). Îtûûra rîu kuuma vîndî îo rîgetagwa, “Ngai-Mûnene arî ava.”

Joeli 2:27

Nîmûkaamenya atî nîrî gatagatî ka Isiraeli, na nîmûkaamenya atî nie Ngai-Mûnene nîrî namue na gûtirî wîngî. Na atî andû akwa matigaconorithua rîngî.

Alawi 9:24

Wa rîmwe mwaki nîwaumire kûrî Ngai-Mûnene na ûkîvîvia îtega rîa kûvîvua vamwe na mathunya marîa maarî îgûrû rîa metha ya kîgongoona. Rîrîa andû onthe a Isiraeli moonire ûguo, nîmaaugîrîrie marî na gîkeno na makînamîrîria mothiû mao nthî.

Ndari 14:18

‘Nie, Ngai-Mûnene, ndiviûvaga kûrakara na mbîcûrîtwe nî wendo ûtathiraga, na nînjovanagîra mevia na waganu. Nwatî ndikaarega kûverithia ciana wana ciana cia ciana ciao nginya njiarwa ya kathatû na ya kana nîûndû wa mevia ma aciari ao.’

Ndari 14:19

Ngai-Mûnene, nîûndû wa ûrîa wendo waku ûtathiraga, nakûthaitha wovere andû aya mevia mao, wata ûrîa ûtwîre ûmovagîra kuuma rîrîa maaumire Misiri nginya ûmûnthî.”

Ndari 16:3

Nîmaathiîre kûrî Musa na Aroni na makîmeera atîrî, “Mue rîu nîmwatûra gacere! Andû onthe a Isiraeli nî a Ngai-Mûnene na arî vamwe nao. Musa, nîndûî kîratûma wînenevia gûkîra andû aya onthe a Ngai-Mûnene?”

Ndari 9:22

Wana îtu rîngîekarire îgûrû rîa îgema rîa gûcemanîrua mîthenya îîrî, mweri kana makîria Aisiraeli matiaumaga kûrîa maambîte magema, nwatî rîathenguta nîmaathiîcaga.

Mathaayo 1:23

“Taroriani mwîrîtu nthingi nîakaagîa îvu, na aciare mwana wa kavîcî, ûrîa ûgeetwa Imanueli” (narîo rîîtwa rîîrî rîgîtaûrwa nî kuga “Ngai arî vamwe na tue”).

Aroma 6:14

Mevia matiagîrîrwe nî kûmwatha nîûndû mûtitûûraga rungu rwa watho, nwatî mûtûûraga rungu rwa wega wa Ngai.

Aroma 8:1

Nîûndû wa ûguo, rîu arîa marî ndaarî ya Jesû Kristû matingîtuîrwa atî nî evia.

2Akor 2:14

Nwatî nîtûcokie ngatho kûrî Ngai! Nîûndû tûrî ûrûmwe na Kristû, Ngai nîatûvotanagîra vîndî cionthe. Na njîra yetû Ngai nîatambagia mûtararûko wa ûmenyo wa Kristû kûndû kuonthe.

2Akor 5:19

Ndûmîrîri yetû nî atî na njîra ya Kristû, Ngai nîwegwithanagia andû onthe. Ngai ndaatara mevia mao, na nîatûvete ndûmîrîri ya kwîgwithania andû nake.

2Akor 6:16

Hekarû ya Ngai îrî na ngwatanîro îrîkû na ngai cia mîvuanano? Tue tûrî hekarû ya Ngai ûrîa ûtûûraga mwoyo! Wa ta ûrîa Ngai ke mwene augîte atîrî: “Nie nîngaathondeka mûciî wakwa na andû akwa na ndûûre gatagatîrî kao. Nie nîngaatuîka Ngai wao, nao nîmagaatuîka andû akwa.”

Gûco 31:23

Nake Ngai-Mûnene nîwacokire akîatha Joshua mûvîcî wa Nuni akîmwîra atîrî, “Gîa na vinya na ûmîrîrie, nîûndû nîwe ûgûtongoria andû a Isiraeli mathiî vûrûrirî ûrîa namerîre na mwîvîtwa atî nîngaamava, na ngethagîrwa nîrî vamwe nawe.”

Gûco 32:5

Nwatî ciana ciake itirî na wîvokeku, tî agîrîru gûtuîka andû ake, nî rûciaro rwaganu na rwîvia.

Gûco 33:5

Ngai-Mûnene nîke watuîkire mûthamaki wa andû ake a Isiraeli, vîndî îrîa mîvîrîga na atongoria a andû a Isiraeli maagomanîte vamwe.

Gûco 9:24

Mûtûûrîte mûreganîte na Ngai-Mûnene kuuma rîrîa naamûmenyire.

Atir 6:13

Nake Gideoni nîwamwîrire atîrî, “We Mwathi wakwa, ethîrwa Ngai-Mûnene arî vamwe natue rî, nîndûî gîtûmîte maûndû ta mama monthe mekîke kûrî tue? Namo maûndû ma kûgegania marî kû, marîa methe metû maatwîraga ûvoro wamo rîrîa maaugaga ûrîa Ngai-Mûnene aamarutire Misiri? Nwatî rîu Ngai-Mûnene nîatûtiganîrîtie na agatûrekereria kûrî Amidiani.”

1Sam 25:28

Nîrakûthaitha mwathi wakwa ûnjovere nie ndungata yaku. Ngai-Mûnene nîgaagûtua mûthamaki wana njiarwa ciaku, nîûndû nîûmûrûagîrîra mbaararî, na we ndûkoona ûûru matukû monthe ma ûtûûro waku.