Ndari 23:19 - ÎVUKU RÎA ÛVORO MWARO

¹⁹ Ngai ndekariî ta mûndû atî nwa aveenanie, kana ta mûndû wa nthî atî nwa ericûkwe. Ûndû wa wonthe eranagîra nîavingagia. Ke aaragia na ûrîa auga ûgatuîkîka.

Ndari 23:19 ပူးပေါင်းရင်းမြစ်များ

Kîam 26:3

Tûûra vûrûrirî ûyû na ngethagîrwa nîrî vamwe nawe na nîngaakûrathima. Nîngaakûva vûrûri ûyû wonthe, we na njiarwa ciaku, na nîngaavingia kîîranîro gîakwa kîrîa neerîre Iburahimu na mwîvîtwa.

Kîam 28:15

Ririkana atî kûrîa kuonthe ûkaathiî, ngethagîrwa nîrî vamwe nawe na ngaakûgitagîra na ngûcokie vûrûrirî ûyû. Nie ndigaagûtiganîria nginya rîrîa ngaavingia maûndû monthe marîa nakwîrîra.”

1Atha 14:11

Mûndû wa wonthe wa mûciî wa Jeroboamu ûrîa ûgaakuîra îtûûrarî, nîakaarîwa nî ngui, nake mûndû wa wonthe wa mûciî waku ûrîa ûgaakuîra mûgûndarî, nîakaarîwa nî nderi. Ûguo nîguo Ngai-Mûnene augîte.’ ”

2Atha 15:12

Ûguo nîguo kîîranîro Kîamvingire kîrîa Ngai-Mûnene eerîre Jehu rîrîa aamwîrire atîrî, “Njiarwa ciaku nîigekarîra gîtî Kîam ûthamaki Kîam Isiraeli nginya rûciaro rwa kana.”

2Atha 7:2

Mûnene ûrîa ûtethagîrîria mûthamaki nîwerire Elisha atîrî, “Ûguo gûtingîvoteka, wana kethîrwa Ngai-Mûnene ke mwene nwa aurithie mbura kuuma îgûrû!” Nake Elisha nîwacokirie atîrî, “Nîûkeyonera na metho maku ûndû ûcio ûgîkîka, nwatî ndûkaarûma irio icio.”

1Maû 17:17

Makîria ma ûguo nîûmbîkîte maûndû manene makîria, nîûndû nîwîrîrîte njiarwa ciakwa maûndû ma mîaka îrîa îgaaûka. We Ngai-Mûnene Ngai nîûnduîte ta mûndû ûrî na vata mûno.

Thaburi 110:4

Ngai-Mûnene nîweranîre na mwîvîtwa na ndakeericûkwa; “We ûrî mûthînjîri-Ngai tene na tene, ta mûthînjîri-Ngai Melikizedeki.”

Thaburi 132:11

Ngai-Mûnene nîwerîre Daudi na mwîvîtwa, kîîranîro kîrîa atakericûkwa atî: “Nîngaatua ûmwe wa anake aku mûthamaki, na nîakaathana vuva waku.

Thaburi 77:9

Nîkwa Ngai arî mûriganîre nî gûtwîguîra ntha? Nîkwa arakarîte nginya agatiga gûtûkirîrîria?”

Thaburi 89:34

Nie ndikaauna kîrîkanîro gîakwa nake, kana ngarûrîra ciugo irîa naaririe na kanyua gakwa.

Thaburi 89:35

“Nînîvîtîte na rîîtwa rîakwa rîtheru; atî ndikaaveenia Daudi.

Isaia 21:17

Andû arîa njamba maikagia mîguî a ciana cia Kendari, nî andû anini tu gatagatîrî kao magaatigara. Nie, Ngai-Mûnene, Ngai wa Isiraeli, nînie nauga ûguo.”

Isaia 31:2

Kûnarî ûguo, Ngai nî mûûgî na nîaretage mûthiro. Ûrîa augîte ndericûkagwa, na nîevarîrîtie kûverithia eki naaî, na averithie arîa matethagîrîria eki naaî.

Isaia 40:8

Nyaki nîyûmaga namo maûa makavova, nwatî kiugo Kîam Ngai wetû gîgaatûûra tene na tene.”

Isaia 46:11

Nîngeta mûndû kuuma mwena wa îrathîro; mûndû kuuma vûrûri wî kûraca, nîguo eke maûndû marîa mbîrîgîrîrîte gwîka. Nînie mbugîte ûguo na nîngaavingia; nînie mvangîte ûguo na nîngeka guo.

Isaia 55:11

nwaguo ciugo irîa mbaragia ikeethîrwa ciîkariî; itikaanjokerera wa ûguo mana, nwatî nîikaavingia wîra wakwa, na irute wîra ûrîa naaitûmire.

Jeremia 4:28

Kwoguo nthî nîgacakaya; nakuo îgûrû kûgîe nduma, nîûndû ûguo nîguo mbugîte na ngatua; ndingîricûkwa kana ngarûrûka.

Danieli 4:28

Mûthamaki Nebukadinezarû nîwacemanirie na maûndû mama monthe.

Hosea 11:9

Nîngwîrigîrîria ndigeke ûndû na marakara; ndigaacûkangia Efiraimu rîngî, nîûndû nî Ngai na ndiîkariî ta mûndû. Nie ûrîa mûtheru gatagatîrî kenyu, ndigaûka gûkûverithia nîrî na marakara.

Mika 7:20

Nîûkoonania wîvokeku waku kûrî Jakovu na wendo waku ûtathiraga kûrî Iburahimu, wata ûrîa werîre methe metû na mwîvîtwa kuuma tene.

Habakuku 2:3

Kîoneki gîkî gîetererete vîndî îrîa mbagîrîru yakîo; nî kîoneki Kîam ma kîonanagia maûndû ma mûthiia. Ethîrwa nîmaronekana magîcererwa, meterere; nama nîmagûkinya na tîmacererwa.

Malaki 3:6

“Nie Ngai-Mûnene ndicenjagia. Kwoguo mue andû a rûciaro rwa Jakovu, mûtirî acûkangie mûkathira.

Ndari 14:35

Nie, Ngai-Mûnene nauga nama, atî ûguo nîguo ngaamwîka mue andû aya aganu mûnganîte vamwe nîguo mûregane nanie. Mue muonthe mûgaakuîra gûkû werûrî.”

Ndari 23:18

Nake Balaamu nîwarathire atîrî, “Ûka Balaki mûvîcî wa Zipori, ûthikîrîrie ûrîa nguga.

Luka 21:33

Îgûrû na nthî nîikaathira, nwatî ciugo ciakwa itikaathira.”

Aroma 11:29

Nîûndû Ngai arathuura mûndû na akîmûrathima, ndagarûrûkaga.

Aroma 9:6

Nie ndirauga atî Ngai nîwaregire kûvingia kîîranîro gîake. Nîûndû tî andû onthe a Isiraeli maathuurirwe nî Ngai.

2Tim 2:13

Ethîrwa tûtirî evokeku, ke atûûraga arî mwîvokeku, nîûndû ndangîveenia.”

Tito 1:2

Ûvoro wa gwîtîkia na kûgîa na ûmenyo wa ûvoro wama nî ûvecanaga kîîrîgîrîro Kîam Mwoyo wa tene na tene kîrîa Ngai ûrîa ûtaveenanagia aatwîrîre kuuma Kîammbîrîria.

Ahib 6:18

Kûrî na maûndû maîrî marîa matangîgarûrîka namo nî atî: Ngai ndangîîricûkwa rîrîa akwîranîra ûndû, na ndangîveenania rîrîa akwîvîta. Maûndû mama nîmatûmagîrîria tue arîa tûthiîcaga kûrî Ngai nîguo atûgitîre, na nîmatûvecaga vinya wa gûtûûra tûrî na kîîrîgîrîro kîrîa kigîtwe mbere yetû.

Ahib 7:21

Nwatî Jesû aatuîkire mûthînjîri-Ngai na njîra ya mwîvîto. Ngai aamwîrire atîrî, “Mwathani nîeranîrîte na mwîvîto na ndakaagarûrûka atî: ‘We ûkethagîrwa ûrî mûthînjîri-Ngai tene na tene.’ ”

Jakuvu 1:17

Gîîko wa kîonthe Kîamro na kîveo wa kîonthe gîkinyanîru kiumaga îgûrû. Kînyûrûrûkaga kiumîte kûrî Ngai mûmbi wa motheri ma îgûrû, ûrîa ûtagarûrûkaga ta iruru cia motheri ma îgûrû.

Jakuvu 4:5

Mûtigecirie atî gûtirî na ûma mandîkorî matheru marîa maugîte atîrî, “Ngai nîwîriragîria arî na wîru mwîngî Roho ûrîa eekîrire ndaarî yetû.”

Josh 21:45

Nacio ciîranîro cionthe mbaro irîa Ngai-Mûnene eerîrîte andû a Isiraeli nîciavingirue cionthe.

1Sam 15:29

Nake Ngai wa Isiraeli ûrîa ûrî riiri ndaveenanagia kana ericûkwe, nîûndû ke ndekariî ta mûndû.”

1Sam 3:12

Mûthenya ûcio nîrîo ngaavingia maûndû monthe marîa naririe megiî Eli na andû a mûciî wake, kuuma Kîammbîrîria nginya mûthiia.