Ndari 23:1 - ÎVUKU RÎA ÛVORO MWARO

¹ Balaamu nîwacokire akîra Balaki atîrî, “Ndumîra metha mûgwanja cia kîgongoona ava na ûndetere ndegwa mûgwanja na ndûrûme mûgwanja.”

Ndari 23:1 ပူးပေါင်းရင်းမြစ်များ

2Atha 18:22

“Nwatî mûngîmbîra atî mwîvokete Ngai-Mûnene Ngai wetû, menyani atî Hezekia nîwacûkangirie kûndû kûrîa gûtûgîru kûrîa Ngai-Mûnene aagoocagîrwa na akîomomora metha cia kîgongoona na akîra andû a Juda na a Jerusalemu magoocagîre metharî ya kîgongoona îrîa îrî Jerusalemu.

1Maû 15:26

Nao nîmaarutire îgongoona rîa ndegwa mûgwanja na ndûrûme nîûndû Ngai nîwatethirie Alawi arîa maakuuire îthandûkû rîa kîrîkanîro Kîam Ngai-Mûnene.

2Maû 29:21

Nîmaathiîre na ndegwa mûgwanja, ndûrûme mûgwanja, tûgondu mûgwanja na nthenge mûgwanja cia matega ma kûtheria mevia ma andû a nyomba ya mûthamaki, andû a Juda na hekarû. Mûthamaki Hezekia nîwathire athînjîri-Ngai, njiarwa cia Aroni makarutîre matega mau metharî ya kîgongoona ya Ngai-Mûnene.

Ayubu 42:8

Kwoguo rîu oca ndegwa mûgwanja na ndûrûme mûgwanja, ûcoke ûthiî nacio kûrî ndungata yakwa na ûrute îtega rîa kûvîvua. Ayubu nîagaakûvoera, na nie nîngegua mavoya make na ndege gûkûverithia kûringana na mavîtia maku. We nîwaregire kwaria ûvoro wa ma ûmbîgiî ta ûrîa Ayubu ethîrîtwe agîka.

Ntha 20:24

Ndumîrani metha ya kîgongoona na mûthetu. Na îgûrû rîayo mûrutîre matega ma kûvîvua na ma thayû, ma ng'ondu na ndegwa cienyu. Vandû vonthe varîa ngaamûra mûngoocagîre vo, nîngaaûkaga kûrî mue na nîmûrathime.

Nthi 15:8

Ngai-Mûnene nîakenagua nî mavoya ma andû arîa athingu, nwatî nîathûrîte magongoona marîa arutagîrwa nî andû arîa aganu.

Ezek 33:31

Andû maûkaga kûrî we marî ikundi na magekara nthî mbere yaku ta andû akwa nîguo megue ûrîa ûkûmera, nwatî matiîkaga ûrîa wamera meke. Maugaga na tûnyua twao atî marî na wendani, nwatî kîrîa macaragia na ngoro ciao nî ûrîa makûgîa na indo.

Ezek 45:23

Na îvinda rîa mîthenya mûgwanja îo ya kîrugo Kîam pasaka, wa mûthenya wa mûthenya mûnene nîakaarutîra Ngai-Mûnene îtega rîa kûvîvua rîa ndegwa mûgwanja na ndûrûme mûgwanja itarî na wonje na ikaavîvua irî ng'ima. Na wa mûthenya wa mûthenya nîakaaruta îgongoona rîa nthenge nîûndû wa mevia.

Ndari 22:41

Kîraûko Kîam mûthenya ûcio wîngî Balaki nîwocire Balaamu na akîmûvira nginya Bamothibaali. Marî kûu Balaamu nîwonaga andû amwe a Isiraeli.

Ndari 23:2

Balaki nîwekire wata ûrîa Balaamu amwîrîte eke, nake Balaki na Balaamu nîmaarutire ndegwa na ndûrûme kûrî wa metha ya kîgongoona.

Ndari 23:29

Balaamu nîwerire Balaki atîrî, “Ndumîra metha mûgwanja cia kîgongoona ava na ûndetere ndegwa mûgwanja na ndûrûme mûgwanja.”

Ndari 23:30

Balaki nîwekire wata ûguo eerirwe nî Balaamu. Nîwarutire wa kûrî metha ya kîgongoona ndegwa îmwe na ndûrûme îmwe.

Ndari 29:32

“Mûthenya wa mûgwanja, mûkaarutaga ndegwa mûgwanja itarî ngûrû, ndûrûme igîrî, na tûtûrûme îkûmi na tûna, na cionthe ciîthagîrwe itarî na wonje.

Mathaayo 23:13

“Na kaî mue arimû a Watho na Afarisai mûrî na thîna-î! Mue mvinga ino! Mue mûvingagîrîria andû matigatonye ûthamakirî wa îgûrû. Nwatî mue ene mûtitonyaga kana mûgetîkîria arîa marenda gûtonya matonye. [

Juda 1:11

Na kaî o marî na thîna-î! Marûmagîrîra mîtugo ta îrîa yarî ya Kaini. Nîûndû wa kwenda mbeca, nîmetonyetie mavîtiarî wata marîa Balaamu eekire. Nao nî aremi wata Kora na makaathirua wa take.

1Sam 15:22

Samueli nîwaûririe atîrî, “Ngai-Mûnene akenagua nî maruta ma magongoona kana nî wathîki? Nî waro makîria kwathîkîra Ngai-Mûnene gûkîra kûmûrutîra îgongoona rîa ndûrûme irîa noru.