Ndari 22:7 - ÎVUKU RÎA ÛVORO MWARO

⁷ Kwoguo atongoria a Moabu na a Midiani nîmaaumire makîthiî kûrî Balaamu makuîte îrîvi rîa kûragûrîrwa. Makinya nîmaaveere Balaamu ndûmîrîri ya Balaki.

Ndari 22:7 ပူးပေါင်းရင်းမြစ်များ

Isaia 1:23

Atongoria enyu nî aremi na nî arata a aîi. Onthe nîmendete kûvakwa na nîmamûkagîra iveo. Matigitagîra ciana cia ndigwa, na matiaragîrîria aka a ndigwa.

Isaia 56:11

Mekariî ta ngui ngoroku, irîa itavaaga. Arîthi acio matirî ûmenyo; onthe nîagarûrûku na wa mûndû akethiîra njîra yake ke mwene, wa mûndû acaragia ûrîa akwîguna ke mwene.

Ezek 13:19

Mue nîmûmbagithîtie gîtîîo mbere ya andû akwa nîûndû wa kûvewa îvaki rîa cairi ya ngundi na tûirio tûnini. Nîmûragithîtie andû arîa matagîrîrwe nî kûragwa na mûkavonokia andû arîa matagîrîrwe nî gûtûûra mwoyo na njîra ya kûveenia andû akwa nao magetîkia maveeni menyu.’ ”

Ezek 21:21

Nîûndû mûthamaki wa Babuloni akaarûngama varîa njîra itigithanîrîte, Kîammbîrîriarî Kîam njîra icio cioîrî nîguo aragûrie. Nîakainainia mîguî yake, na aûrie kuuma kûrî mîvuanano, na arorie nyama ya îtema.

Mika 3:11

Atucanîri ciira marutaga wîra wao nîguo mavewe îvaki, athînjîri-Ngai mathomithagia watho nîguo marîvwe, nao arathi mataûraga cioneki nîguo mavewe mbeca. Kûnarî ûguo nîmetîîaga megiritanîtie na Ngai-Mûnene makiugaga atîrî, “Ngai-Mûnene arî vamwe natue, na gûtirî ûndû mûcûku ûngîtûnyita!”

Ndari 22:8

Nake Balaamu nîwamerire atîrî, “Rarani gûkû ûmûnthî na rûyû nîngamwîra ûrîa wonthe Ngai-Mûnene akethîrwa ambîrîte.” Kwoguo atongoria a Moabu nîmeekarire na Balaamu.

Ndari 23:23

Gûtirî mûndû ûngîroga andû a Jakovu, gûtirî ûgo ûngînyita andû a Isiraeli. Andû makaaugaga atîrî, ‘Taroriani mwone magegania marîa Ngai ekîte kûrî andû a Isiraeli.’

Ndari 24:1

Balaamu nîwamenyire atî Ngai-Mûnene nîwendaga kûrathima andû a Isiraeli. Kwoguo ndaathiî gûcaria ago ta ûrîa eekaga mbere, nwatî aaroririe ya werûrî.

Aroma 16:18

Nîûndû andû arîa mekaga maûndû ta mau matungatagîra mavu mao, nwatî tî Mwathani wetû Jesû Kristû. Na njîra ya ciugo ciao mbaro na mîario yao îrî na mûrîo, andû acio nîmaveenagîrîria andû arîa marî ngoro mvûthû.

Tito 1:11

Andû acio nîmagîrîrwe nî kûgirua marie nîûndû nî macûkîtie mîciî mîîngî na njîra ya kûthomithania maûndû marîa mataagîrîrîte. Mekaga ûguo nîûndû wa gûcaria mbeca na njîra îrîa îtagîrîrîte.

Josh 13:22

Ûmwe wa andû arîa andû a Isiraeli maaûragire aarî Balaamu mûvîcî wa Beori. Balaamu aarî mûringi wa mbûgû.

2Pet 2:15

Nîmatiganîrîtie njîra îrîa nûngarû makaûra. Nîmarûmîrîrîte njîra îrîa yarûmîrîrwe nî Balaamu mûvîcî wa Beori, ûrîa wendete mûno mbeca irîa aarîvagwa nîûndû wa gwîka naaî.

Juda 1:11

Na kaî o marî na thîna-î! Marûmagîrîra mîtugo ta îrîa yarî ya Kaini. Nîûndû wa kwenda mbeca, nîmetonyetie mavîtiarî wata marîa Balaamu eekire. Nao nî aremi wata Kora na makaathirua wa take.