Ndari 22:6 - ÎVUKU RÎA ÛVORO MWARO

⁶ Ûka ûnumîre andû aya, nîûndû nî eengî gûtûkîra na marî na vinya gûtûkîra. Twavota kûmavoota na kûmengata nîguo matigatonye vûrûri wetû. Nîmbîcî atî mûndû ûrîa we ûrathimaga nîarathimîkaga na mûndû ûrîa we ûrumaga ekaraga arî mûrume.”

Ndari 22:6 ပူးပေါင်းရင်းမြစ်များ

Kîam 12:3

Nie ngaarathimaga andû arîa onthe magaakûrathimaga, nwatî ngaarumaga arîa onthe magaakûrumaga, na andû a mavûrûri monthe makaarathimagwa na njîra yaku.”

Kîam 27:29

Andû a ndûrîrî marotuîka ndungata ciaku na makwînamagîrîre. Ûrotuîka wa kwathaga aa mûrwanyûkwe, nao onthe marokwînamagîrîra. Arîa onthe magaakûrumaga maronyitwa nî kîrumi na arîa magaakûrathimaga marorathimagwa!”

1Atha 22:13

Vîndî wa îo, ndungata îrîa yatûmîtwe kûrî Mikaia nîyamwîrire atîrî, “Arathi acio engî onthe nîmaratha atî mûthamaki nîakûvootana. Wanawe ratha maûndû maro wa tao.”

1Atha 22:6

Ahabu, mûthamaki wa Isiraeli nîwaûnganirie arathi ta magana mana (400) vamwe na akîmaûria atîrî, “Nthiî ngatharîkîre îtûûra rîa Ramothi-gileadi, kana mbîkare?” Nao nîmaamûcokerie atîrî, “Thiî ûkarîtharîkîre, Ngai-Mûnene nîagûkûvotithia kûvootana.”

1Atha 22:8

Ahabu, mûthamaki wa Isiraeli nîwacokirie atîrî, “Kûrî na mûrathi wa Ngai-Mûnene ûmwe ûtigarîte, Mikaia, mûvîcî wa Imula. Nwatî ndimwendete nîûndû ndaanaratha wanarî ûndû mwaro ûmbîgiî; vîndî cionthe andathagîra maûndû mama macûku.” Jehoshafati nîwamûcokerie atîrî, “Mûthamaki, ndwagîrîrwe nî kuga ûguo!”

Nehemia 13:2

Gîtûmi Kîam ûndû ûcio nî atî matianava andû a Isiraeli irio kana manjî vîndî îrîa maaumaga Misiri. Vandû va ûguo, Aamoni na Amoabu maavere Balaamu mbeca nîguo arume Aisiraeli kîrumi. Nwatî Ngai wetû nîwagarûrire kîrumi kîu gîgîtuîka kîrathimo.

Thaburi 109:28

Tiga andû manume, nwatî we ûndathime, tiga arîa marantharîkîra maconoke, nanie, ndungata yaku, ngene.

Nthi 26:2

Kîrumi gîtagîrîrîte gîtinyitaga mûndû, gîkariî ta nthûngûrûrû îrîa îgûrûkaga îtakûgwa vandû.

Ezek 13:6

Cioneki ciao nî cia mana na maûndû marîa marathaga nî ma maveeni. Maugaga nî maria vandûrî vakwa, nwatî nie ndimatûmîte, na atî nîmerîgagîrîra nîmavingîrie maûndû mau.

Mika 6:5

Mue andû akwa, taririkanani ûrîa Balaki, mûthamaki wa Moabu aavangîte, na ûrîa Balaamu mûvîcî wa Beori aacokerie Balaki. Taririkanani ûrîa gwekîkire mûrî njîrarî kuuma Shitimu kûthiî Giligali nîguo mûmenye ûrîa Ngai-Mûnene eekire nîguo amûvonokie”

Ndari 22:12

Ngai nîwerire Balaamu atîrî, “Tî mûthiî nao na tîûmaruma nîûndû nînîmarathimîte.”

Ndari 22:17

Nîngûgwîka ûndû ûrî na gîtîîo kînene, na ûndû wa wonthe ûkambîra mbîke nie nîngeka. Nakûthaitha ûka ûrume andû aya.”

Ndari 23:13

Balaki nîwacokire akîra Balaamu atîrî, “Ûka tûthiî nawe vandû vengî varîa we ûkûvota kwona amwe ao. Numîra o ûrî vau.”

Ndari 23:27

Kwoguo Balaki nîwerire Balaamu atîrî, “Ûka tûthiî nawe na nîngûkûvira vandû vengî. Nwa kwîthîrwa Ngai nîagûgwîtîkîria ûnumîre o ûrî vandû vau.”

Ndari 24:9

Vûrûri ûcio ûmamîrîrîte ta mûnyambû, rîrîa ûmamiî gûtirî mûndû ûngîûramûkia. Mûndû wa wonthe ûrathimaga Isiraeli akaarathimagwa, mûndû wa wonthe ûrumaga Isiraeli akaarumagwa.”

Ciîko 16:16

Na vîndî îmwe rîrîa twathiîte vandû va kûvoera, nîtwatûngirwe nî mwîrîtu ûmwe ngombo, warî na ngoma yamûvotithagia gwîciirîria maûndû marîa maarî mekîke. Mwîrîtu ûcio nîwatûmaga ene ke moone mbeca nyîngî mûno na njîra ya gwîciirîria kûu gwake kwa maûndû marîa maarî mekîke.

Gûco 23:4

Nîmaaregire kûmûva irio kana kûmûkundia manjî rîrîa mwaumaga Misiri, na makîandîka Balaamu mûvîcî wa Beori kuuma Pethori kûu Mesopotamia nîguo amûrume.

Josh 24:9

Balaki mûvîcî wa Zipori ûrîa warî mûthamaki wa Moabu nîwarûire namue. Nîwatûmanîre Balaamu mûvîcî wa Beori aûke arume andû a Isiraeli kîrumi.

1Sam 17:43

Nake Goliathu nîwaûririe Daudi atîrî, “Nie nîkwa nî ngui atî nîûgûka kûrî nie na mûragi?” Nîwarumire Daudi akîgwetaga ngai ciake.