Ndari 22:23 - ÎVUKU RÎA ÛVORO MWARO

²³ Rîrîa mvunda yonire mûraika wa Ngai-Mûnene arûngamîte njîrarî anyitîte rûviû, nîyaumire njîrarî îkîthiî ya mîgûndarî. Balaamu nîwarivire mvunda îo nîguo amîcokie njîrarî.

Ndari 22:23 ပူးပေါင်းရင်းမြစ်များ

2Atha 6:17

Elisha nîwacokire akîvoya atîrî, “Ûûi Ngai-Mûnene, nakûthaitha ûmûvingûre metho nîguo avote kwona.” Kwoguo Ngai-Mûnene nîwavingûrire metho ma ndungata îo na îkîvota kwona. Nîyonire kîrîma gîcûrîte mbarathi na ikaari cia mbaara irigicîrîtie Elisha.

1Maû 21:16

Daudi nîwonire mûraika wa Ngai-Mûnene arûngamîte rîerarî gatagatî ka nthî na îgûrû agwete rûviû na njara rûrî rûcomore njûrarî na rûkîrîrîtue îgûrû rîa Jerusalemu. Daudi na athuuri, mekîrîte nguo cia macakaya nîmegwîthirie na magîturumithia mothiû mao nthî.

Jeremia 8:7

Wana nginya mvûngû nîciîcî mavinda mau, ndutuura, nthûngûrûrû na Njûmbaine nî imenyaga mavinda ma gûcoka, nwatî andû akwa matiîcî mawatho ma Ngai-Mûnene.

Danieli 10:7

Nie Danieli, nienga nînie noonire kîoneki kîu. Arûme arîa twarî nao mationa kîndû. Nwatî nîmaavavûkire mûno na makîvinyûra makîîthitha.

Ndari 22:22

Ngai nîwarakarire nîûndû Balaamu nîwathiîre Moabu. Aathiîre kuo akuuîtwe nî mvunda yake marî na ndungata ciake ciîrî. Kwoguo arî njîrarî Mûraika wa Ngai-Mûnene nîwarûngamire mbere yake nîguo agirie athiî.

Ndari 22:24

Nake Mûraika nîwarûngamire varîa njîra yacekeverete, gatagatîrî ka mîgûnda îîrî ya mîthavibu yairigîtwe na rûthingo rwa îthiga mîena yoîrî.

Ciîko 22:9

Nao andû arîa twarî nao nîmoonire ûtheri ûcio, nwatî matiegua mûgambo wa ûcio wambaragîria.

Josh 5:13

Joshua arî vakuvî Jeriko, nîwonire mûndû arûngamîte mbere yake anyitîte rûviû. Joshua nîwathiîre varî ke na akîmûria atîrî, “We wî wetû kana ûrî wa nthû cietû?”

2Pet 2:16

Nwatî Balaamu nîwanegenirue nîûndû wa ciîko ciake. Nayo mvunda yake nîyaririe na mûgambo ta wa mûndû, îkîîra mûrathi ûcio atige ciîko ciake cia ûgûrûki.

Juda 1:11

Na kaî o marî na thîna-î! Marûmagîrîra mîtugo ta îrîa yarî ya Kaini. Nîûndû wa kwenda mbeca, nîmetonyetie mavîtiarî wata marîa Balaamu eekire. Nao nî aremi wata Kora na makaathirua wa take.