Ndari 22:12 - ÎVUKU RÎA ÛVORO MWARO

¹² Ngai nîwerire Balaamu atîrî, “Tî mûthiî nao na tîûmaruma nîûndû nînîmarathimîte.”

Ndari 22:12 ပူးပေါင်းရင်းမြစ်များ

Kîam 12:2

Nanie nîngaakûva njiarwa nyîngî nacio nîigaatuîka rûrîrî rûnene. Nie nîngaakûrathima na ndûme rîîtwa rîaku rîgîe îgweta. Nawe ûtuîke kîrathimo.

2Maû 31:10

Nake Azaria, mûnene wa athînjîri-Ngai ûrîa warî wa kuuma nyomba ya Zadoku nîwacokerie Hezekia atîrî, “Kuuma vîndî îrîa andû maambîrîrie kûreta matega mao hekarûrî, twîthîrîtwe tûrî na irio mbîganu cia kûrîa na igatigara nyîngî nîûndû Ngai-Mûnene nîmûrathimu andû ake. Kîu nîkîo gîtûmîte twîthîrwa tûrî na indo ino nyîngî ûguo itigarîte.”

Thaburi 144:15

Gûkena nî vûrûri ûrîa ûrathimîtwe na maûndû mau, gûkena nî andû arîa Ngai wao arî ke Ngai-Mûnene!

Thaburi 146:5

Gûkena nî mûndû ûrîa ûtethagua nî Ngai wa Jakovu, ûrîa mwîrîgîrîro wake ûrî kûrî Ngai-Mûnene Ngai wake,

Isaia 61:9

Njiarwa ciao nîikaagîa na îgweta gatagatî ka ndûrîrî, ciana ciao nîikaamenyeka atî nî andû a vata gatagatî ka andû arîa engî. Arîa onthe makaamoonaga nîmakaamenya atî nî andû arîa nie Ngai-Mûnene ndathimîte.”

Mika 6:5

Mue andû akwa, taririkanani ûrîa Balaki, mûthamaki wa Moabu aavangîte, na ûrîa Balaamu mûvîcî wa Beori aacokerie Balaki. Taririkanani ûrîa gwekîkire mûrî njîrarî kuuma Shitimu kûthiî Giligali nîguo mûmenye ûrîa Ngai-Mûnene eekire nîguo amûvonokie”

Ndari 22:11

kûrî na andû maumîte Misiri, na manyagarûkîte nthî yonthe. Balaki ambîra nthiî nîmûrumîre andû acio nîguo avote kûrûa nao na amengate mathiî.”

Ndari 22:13

Kwoguo Balaamu nîwaramûkire kîraûko na akîra atongoria arîa maatûmîtwe nî Balaki atîrî, “Thiîni vûrûrirî wenyu nîûndû Ngai-Mûnene nîwarega tûthiî namue.”

Ndari 22:6

Ûka ûnumîre andû aya, nîûndû nî eengî gûtûkîra na marî na vinya gûtûkîra. Twavota kûmavoota na kûmengata nîguo matigatonye vûrûri wetû. Nîmbîcî atî mûndû ûrîa we ûrathimaga nîarathimîkaga na mûndû ûrîa we ûrumaga ekaraga arî mûrume.”

Ndari 23:23

Gûtirî mûndû ûngîroga andû a Jakovu, gûtirî ûgo ûngînyita andû a Isiraeli. Andû makaaugaga atîrî, ‘Taroriani mwone magegania marîa Ngai ekîte kûrî andû a Isiraeli.’

Ndari 23:3

Balaamu nîwacokire akîra Balaki atîrî, “Rûngama ava vakuvî na îtega rîaku rîa kûvîvua nîguo nanie nthiî vandû nîrî wenga ngone kana Ngai-Mûnene nîakûnyumîrîra. Angîmbarîria nîngûkwîra maûndû monthe marîa akûmbîra.” Kwoguo nîwaunûkirie kîrîmarî arî wenga,

Ndari 23:8

Nîngîruma andû arîa Ngai atarumîte atîa, kana mbarie ûndû mûcûku wîgiî andû arîa Ngai-Mûnene atarîtie ûndû mûcûku wao?

Ndari 24:9

Vûrûri ûcio ûmamîrîrîte ta mûnyambû, rîrîa ûmamiî gûtirî mûndû ûngîûramûkia. Mûndû wa wonthe ûrathimaga Isiraeli akaarathimagwa, mûndû wa wonthe ûrumaga Isiraeli akaarumagwa.”

Mathaayo 27:19

Rîrîa Pilato eekarîte nyombarî ya gûcirithanîrua, mûka nîwatûmanire akeerwa atîrî, “Ndûgeke mûndû ûcio wanarî ûndû, nîûndû ndarî ûndû mûcûku ekîte. Nîûndû ûtukû mbîthîrîtwe nthînîkîte mûno kîrotorî gîakwa nîûndû wake.”

Aroma 11:29

Nîûndû Ngai arathuura mûndû na akîmûrathima, ndagarûrûkaga.

Aefeso 1:3

Tigani tûkumie Ngai Îthe wa Mwathani wetû Jesû Kristû! Tûrî kîndû kîmwe na Kristû, Ngai nîatûrathimaga na irathimo cionthe cia kîîroho irîa irî îgûrû.

Gûco 2:7

“Ngai-Mûnene, Ngai wenyu ethîrîtwe akîmûrathima maûndûrî monthe marîa mwethîrîtwe mûgîka, na akîmûmenyagîrîra rîrîa mwaûrûraga werûrî ûyû mûnene ûguo. Ethîrîtwe arî vamwe namue îvinda rîa mîaka mîrongo îna (40) na mwarî na indo cionthe irîa mwavataraga.

Gûco 23:5

Nwatî Ngai-Mûnene Ngai wenyu ndaathikîrîria Balaamu. Vandû va ûguo kîrumi kîu gîacokire gûtuîka kîrathimo kûrî mue; nîûndû Ngai-Mûnene Ngai wenyu nîamwendete.

Gûco 28:6

“Ngai-Mûnene akaamûrathimaga mûkiumagara na mûgîcoka na mûciî.

Gûco 33:29

Kûrathimwa nî mue andû a Isiraeli! Gûtirî andû mavaana tamue, andû a vûrûri ûrîa wavonokirue nî Ngai-Mûnene. Ngai-Mûnene nîke ngo yenyu na rûviû rwenyu, nîke ûmûgitagîra na akamûvootanîra. Nthû cienyu nîigaaûka mbere yenyu ciînyivîtie, namue nî mûkaamakinyangîra nthî.”

Gûco 7:14

Nîmûkaarathimwa gûkîra andû onthe. Gûtirî mûndû wanarî ûmwe wenyu ûkethîrwa arî nthata kana nyamû wa yonthe ndîthiarî yenyu îthîrwe îrî nthata.