Ndari 20:20 - ÎVUKU RÎA ÛVORO MWARO

²⁰ Nwatî mûthamaki ûcio nîwamacokerie wa rîngî atîrî, “Mûtikaavîtûkîrîra kuo.” Nîwacokire akîthithûkîra andû a Isiraeli na mbûtû nene ya athigari marî na indo cia mbaara.

Ndari 20:20 ပူးပေါင်းရင်းမြစ်များ

Kîam 27:41

Esaû nîwamenire Jakovu nîûndû wa kûrathimwa nî îthe. Esaû nîweîrire atîrî, “Îvinda rîa gûcakaya nîûndû wa vava rîrî vakuvî. Vîndî îo nîrîo ngaaûraga mûrwaiya Jakovu.”

Kîam 32:6

Anjaama arîa Jakovu aatûmîte nîmaacokire na makîmwîra atîrî, “Nîtûthiîre kûrî mûrwanyûkwe Esaû, na nîagûka gûgûtûnga arî na andû magana mana.”

Thaburi 120:7

Rîrîa ngwaria ûvoro wa thayû, o maragia ûvoro wa mbaara.

Amosi 1:11

Ngai mûnene arauga atîrî, “Andû a îtûûra rîa Edomu matûûraga mevagia, kwoguo ndigaatiga kûmaverithia. Nîmaarûmîrîrie aa mûrwang'ina andû a Isiraeli na mviû, marî aa mûrwang'ina matiameguîra ntha, marakara mao kûrî o matiarî na kîthimi.

Ndari 20:18

Nwatî andû a Edomu nîmaamûcokerie atîrî, “Tue nîtwarega mûvîtûkîrîra vûrûrirî wetû. Mûngîgeria kûvîtûkîrîra kuo, nîtûka na tûmûtharîkîre.”

Ndari 20:21

Aisiraeli nîmaagarûrûkire na makîthiî njîra îngî nîûndû mûthamaki wa Edomu nîwaregire mavîtûkîrîra vûrûrirî wake.

Atir 11:17

Aisiraeli nîmaacokire magîtûma anjaama mathiî kûrî mûthamaki wa Edomu makamûrie atwîtîkîrie tûvîtûkîrîre vûrûrirî waku. Nwatî mûthamaki wa Edomu ndaametîkîria. Nîmaacokire magîtûmana kûrî mûthamaki wa Moabu, nwatî wanake ndaametîkîria. Kwoguo Aisiraeli nîmeekarire wa kûu Kadeshi.

Atir 11:20

Nwatî Sihoni ndetîkîria Aisiraeli mavîtûkîrîra vûrûrirî wake. Vandû va ûguo, Sihoni nîwaûnganirie andû ake onthe vamwe na makîamba magema kûu Jahazi na makîtharîkîra Aisiraeli.