Ndari 2:24 - ÎVUKU RÎA ÛVORO MWARO

²⁴ Andû onthe a Efiraimu, kûringana na ikundi ciao makeethîrwa marî ngiri îgana rîa inyanya na îgana rîmwe (108,100). “Andû a Efiraimu nîo makaathiî marî gîkundi gîa kathatû.

Ndari 2:24 ပူးပေါင်းရင်းမြစ်များ

Thaburi 80:2

Onania ûnene waku methorî ma andû a Efiraimu, Benjamini, na Manase. Onania vinya waku, ûûke ûtûvonokie kuuma kûrî nthû cietû.

Ndari 10:22

Ikundi cia andû a mûvîrîga wa Efiraimu nîciambîrîrie rûgendo irûmîrîrîte vendera yao. Mûtongoria wao aarî Elishama mûvîcî wa Amihudi.

Ndari 2:16

Andû onthe a Reubeni, kûringana na ikundi ciao makeethîrwa marî ngiri îgana rîa mîrongo îtano na îmwe na magana mana ma mîrongo îtano (151,450). Acio nîo makaarûmîrîra andû a mûvîrîga wa Juda.

Ndari 2:23

Onthe makeethîrwa marî ngiri mîrongo îthatû na ithano na magana mana (35,400).

Ndari 2:31

Andû onthe a Dani, kûringana na ikundi ciao makeethîrwa marî ngiri îgana rîa mîrongo îtano na mûgwanja na magana matandatû (157,600). “Andû a Dani nîo makaathiî marî a mûthiia.”

Ndari 2:9

Andû onthe a Juda, kûringana na ikundi ciao makeethîrwa marî ngiri îgana rîa mîrongo înana na ithathatû na magana mana (186,400). Andû acio nîo makaambîrîria rûgendo marî a mbere.