Ndari 19:3 - ÎVUKU RÎA ÛVORO MWARO

³ na mamînenganîre kûrî Eliazaru, mûthînjîri-Ngai. Nayo nîîkarutwa nja ya kûrîa andû matûûraga na yûragwe akîonaga.

Ndari 19:3 ပူးပေါင်းရင်းမြစ်များ

Alawi 16:27

Ndegwa na mbûri irîa ciarutirwe irî îtega rîa kûtheria mevia, irîa nthakame yacio yavirirwe vandû varîa vatheru Mûno nîûndû wa kûtheria mevia, nîkaavirwa na kûu nja ya kûrîa andû matûûraga. Nacio njûo cia nyamû icio, nyama, na mara vamwe na tatha nî ikaavîvua.

Alawi 24:14

“Ruta mûndû ûcio ûrumanire na kûu nja ya kûu mwambîte magema na andû onthe arîa megwire akîrumana maigîrîre njara ciao îgûrû rîa kîongo gîake nao andû onthe mamûûrage na mathiga.

Alawi 4:11

Nwatî nîagooca rûûo rwayo, nyama ciayo cionthe, kîongo Kîamyo, magûrû mayo, nyama cia nda vamwe na tatha,

Alawi 4:12

na aikuue cionthe aivire na kûu nja ya kûrîa matûûraga vandû varîa vatheru varîa mûu wîtûrûragwa na auge ivîvîrue vo.

Alawi 4:21

Vuva wa ûguo, mûthînjîri-Ngai Mûnene nî agooca ndegwa îo na amîvire na kûu nja ya kûrîa matûûraga na amîvîvîrie kuo, wata ûrîa aavîvirie ndegwa îrîa yarutîtwe nîûndû wa kûtheria wîvia wake ke mwene. Rîrî nî îtega rîa kûtheria wîvia wa andû onthe.

Ndari 15:36

Kwoguo andû onthe a Isiraeli nî maarutire mûndû ûcio nja ya kûrîa maatûûraga na makîmûraga na mathiga wata ûrîa Ngai-Mûnene aathîte Musa.

Ndari 19:9

Mûndû ûrîa mûtheru nîagoca mûu wa mori îo, awîkîre vandû vatheru, na awige nja ya kûrîa andû matûûraga. Mûu ûcio nî wa andû a Isiraeli ûrîa magaatûmagîra makîvarîria manjî ma kwîtheria. Mambura mama nîma kûtheria mevia.

Ndari 3:4

Nwatî Nadabu na Abihu nîmaakwire nîûndû wa gûtegera Ngai-Mûnene mwaki ûtarî mûtheru kûu werûrî wa Sinai. Nadabu na Abihu matiarî na ciana. Kwoguo Eliazaru na Ithamaru nîmaatungatire marî athînjîri-Ngai ûtûûrorî wonthe wa îthe Aroni.

Ndari 5:2

“Atha andû a Isiraeli mengate kuuma kûrîa mwambîte magema andû onthe arîa marî na mîrimû mîcûku ya ngothi, mûndû wa wonthe uraga na mûndû wa wonthe ûrî na gîko nîûndû wa kûvutania na kimba.