Ndari 19:12 - ÎVUKU RÎA ÛVORO MWARO

¹² Ke aketheragia na manjî mûthenya wa kathatû na mûthenya wa mûgwanja nîguo ethîrwe arî mûtheru. Nwatî angîrega kwîtheria mûthenya wa kathatû na wa mûgwanja, mûndû ûcio akethagîrwa atarî mûtheru.

Ndari 19:12 ပူးပေါင်းရင်းမြစ်များ

Thaburi 51:7

Ntheria, na nî ngûthera; nthambia, na nî ngûcerûva gîkîra îra.

Ntha 19:11

na mevarîrie mbere ya mûthenya wa kathatû. Mûthenya ûcio wa kathatû nîngaanyûrûrûka nthiî kîrîmarî gîa Sinai îgûrû varîa nîngîonwa nî andû onthe.

Ntha 19:15

Musa nîwamerire atîrî, “Îîvarîrieni mbere ya mûthenya wa kathatû na andû matikamenyane kîîmwîrî.”

Ezek 36:25

Nîngaacoka nîmûminjaminjîrie manjî matheru, na nîmûkathera. Nîngaamûtheria kuuma kûrî maûndû monthe macûku na kuuma kûrî mîvuanano yonthe.

Hosea 6:2

Vuva wa mîthenya îîrî nîagaatûva mwoyo rîngî, vuva wa mîthenya îîrî nîagaatûriûkia, nîguo tûkavota gûtûûrania nake.

Alawi 14:7

Mûthînjîri-Ngai nîakaaminjîria mûndû ûrîa ûkûtherua kuumana na mûrimû mûcûku wa ngothi nthakame îo maita mûgwanja, na arîkia gwîka ûguo auge atî mûndû ûcio nî mûtheru. Nîagaacoka arekererie gîconi kîu kîrî mwoyo kîgûrûke.

Alawi 7:17

Nwatî nyama cia îtega rîu ingîgaakinyia mûthenya wa kathatû itarî ndîe, nwanginya ikaavîvua.

Ndari 31:19

Muonthe arîa mûragîte mûndû kana mûvutîtie kimba nwanginya mwîkare nja ya kûrîa mwambîte magema îvinda rîa mîthenya mûgwanja. Mûthenya wa kathatû na mûthenya wa mûgwanja, mwîtherie vamwe na aka arîa mûtavîte.

Ciîko 15:9

Ngai nîwonanirie atî gûtirî ngûrani gatagatîrî getû nao. Ke nîwamovere mevia mao nîûndû nîmeetîkirie.

Kûguû 7:14

Nanie nînamûcokerie atîrî, “Mwathani, nie ndiîcî, we nîwe wîcî.” Nake nîwambîrire atîrî, “Andû aya nîo marîkîtie kûvîtûkîra mathînarî meengî. Nao nîmathambîtie nguo ciao na nthakame ya Gatûrûme igatuîka cia rangi njerû.