Ndari 18:8 - ÎVUKU RÎA ÛVORO MWARO

⁸ Ngai-Mûnene nîwerire Aroni atîrî, “Nînakûva we vamwe na njiarwa ciaku matega monthe marîa ndutîrîtwe nî andû a Isiraeli. Nînamûva indo icio cionthe irî gîcunjî kîenyu na nîitûûra irî cienyu.

Ndari 18:8 ပူးပေါင်းရင်းမြစ်များ

2Atha 12:16

Mbeca irîa ciarutagwa irî matega ma mavîtia na irîa ciarutagwa irî matega ma kûtheria mevia, itiaviragwa hekarûrî; nîûndû ciarî cia athînjîri-Ngai.

2Maû 31:4

Mûthamaki nîwathire andû arîa maatûûraga Jerusalemu mave athînjîri-Ngai na Alawi gîcunjî kîrîa maagîrîrwe nî kûvewa nîguo wanao merutîre viû kûvingia watho wa Ngai-Mûnene.

2Maû 31:5

Rîrîa watho ûcio wakinyire kûrî andû a Isiraeli, nîmaarutire indo ciao nyîngî na njîra ya kwîyendera. Nîmaarutire maciaro ma mbere ma irio cia mîgûnda, ndivei, maguta, ûûkî na indo cionthe irîa maakûragia mîgûndarî yao. Nîmaarutire gîcunjî gîa îkûmi Kîam indo cionthe irîa maarî nacio.

Ntha 28:43

Aroni na avîcî nwanginya mekagîre nguo icio vîndî cionthe rîrîa magûtonya îgemarî rîa Ngai-Mûnene, kana rîrîa magûkuvîvîria metha ya kîgongoona gûtungata vandû varîa vatheru nîguo matigaakue. Ûyû nîûtuîka watho kûrî Aroni na njiarwa ciake irîa igaaûka vuva wake.

Ntha 29:21

Ûgaacoka woce nthakame îmwe kuuma metharî ya kîgongoona, na maguta ma kwamûrana na ûminjaminjîrie Aroni wana nguo ciake na ûcoke wîke wa guo kûrî avîcî ake na nguorî ciao. Ûguo nîguo Aroni, avîcî ake vamwe na nguo ciao makaamûrwa.

Ntha 29:28

Vîndî cionthe rîrîa andû a Isiraeli makûruta matega ma ngwatanîro, nyama ya kîthûri na ya Kîamû ikaarîcagwa nî Aroni na avîcî ake. Nyama icio nî iveo ciao kûrî Ngai-Mûnene.

Ntha 29:29

“Aroni akua, nguo ciake irîa ntheru nîikaanengerwa avîcî ake. Nao nîmagaaciîkîra makîamûrwa.

Ntha 40:13

na wîkîre Aroni nguo cia ûthînjîri-Ngai ûmwamûre na ûmûtherie nîguo andungatagîre arî mûthînjîri-Ngai.

Ntha 40:15

Ûcoke ûmamûre wata ûrîa wamûrire îthe, nîguo mandungatagîre marî athînjîri-Ngai. Wamamûra magatûûraga mandungatagîra marî athînjîri-Ngai nginya njiarwa ciao cionthe.”

Isaia 10:27

Vîndî îo, nîngaamwaûra mûrigo ûrîa Asîria mamwigîrîrîte, na munange îcoki rîrîa mamwigîrîrîte ngingo.”

Alawi 21:10

“Mûthînjîri-Ngai Mûnene ûrîa mwîtîrîrie maguta ma kwamûrana kîongorî gîake nîguo ekagîre nguo cia ûthînjîri-Ngai ndagîrîrwe nî gwîkara atacanûrîte njuîrî ciake kana atembûrange nguo ciake.

Alawi 23:20

Mûthînjîri-Ngai nîakaarutîra Ngai-Mûnene indo icio vamwe na mûgate wa maketha ma mbere ma mwaka na tûtûrûme tûu twîrî irî kîveo Kîam mwanya Kîam athînjîri-Ngai. Matega mau nî matheru.

Alawi 6:16

Mûtu ûcio wîngî ûkaarîwa nî Aroni na avîcî ake. Ûkaarîrwa vandûrî varîa vatheru, na nîvo nja ya îgema rîa Ngai-Mûnene, ûtekîrîtwe ndawa ya kwimbia.

Alawi 6:18

Mûndûmûrûme wa wonthe wa rûciaro rwa Aroni nwa arîe mûtu ûcio ûrî gîcunjî kîrîa magîrîrwe nî kûvecagwa kuuma kûrî irio irîa itegeretwe Ngai-Mûnene. Mûndû wîngî wa wonthe ûrîa ûkaavutia matega mau nîagaatuîka mûtheru.”

Alawi 6:20

“Îtega rîrîa Aroni na avîcî ake makaandutagîra vîndî îrîa makwamûrwa nî: kilo îmwe ya mûtu (mwîgana wa matega ma irio cia mûgûnda ma wa mûthenya). Akaaruta nuthu kilo ya mûtu ûcio kîraûko, nayo nuthu kilo îo îngî amîrute kîvwaî.

Alawi 6:26

Mûthînjîri-Ngai ûrîa ûkaaruta nyamû îo akaamîrîra vandûrî varîa vatheru, na vau nja ya îgema rîa Ngai-Mûnene.

Alawi 7:14

Kuuma îtegarî rîu, mûndû ûcio nîakaaruta gacunjî kamwe kuuma kûrî wa mûthemba wa îo îthatû ya mîgate rîrî îtega rîa mwanya kûrî Ngai-Mûnene. Tûcunjî tûu tûkethîrwa tûrî twa mûthînjîri-Ngai ûrîa ûkaaminjaminja nthakame ya nyamû ya îtega rîa thayû îgûrû rîa metha ya kîgongoona.

Alawi 7:28

Ngai-Mûnene nîwerire Musa atîrî,

Alawi 7:6

Mûndûmûrûme wa wonthe wa nyomba ya mûthînjîri-Ngai nwa arîe nyama icio ciîngî cia nyamû îo, nwatî nwanginya îkaarîrwa vandûrî varîa vatheru, nîûndû icio nî ntheru mûno.

Alawi 8:30

Vuva wa ûguo, Musa nîwocire maguta mamwe marîa matheru na nthakame îmwe îrîa yarî îgûrû rîa metha ya kîgongoona na akîminjaminjîria Aroni na avîcî ake wa vamwe na nguo ciao. Ûguo nîguo aamûrire andû acio vamwe na nguo ciao.

Ndari 18:9

Gatagatîrî ka matega marîa matheru ma indo irîa itavîvagîrua îgûrû rîa metha ya kîgongoona nîcio ikethagîrwa irî cienyu: matega ma irio cia mûgûnda, matega ma kûtheria mevia, matega ma kûthiria mavîtia. Indo cionthe irîa ndegagîrwa irî ntheru mûno ikethagîrwa irî ciaku na avîcî aku.

Ndari 5:9

Indo cionthe ntheru irîa andû a Isiraeli marutagîra Ngai-Mûnene nî cia mûthînjîri-Ngai.

1Akor 9:13

Na ma mue nîmwicî atî arîa marutaga wîra hekarûrî marîcaga kîrîa kiumanîte na hekarû nao arîa marutaga magongoona metharî ya kîgongoona, marîcaga kîrîa kiumanîte na magongoona mau?

Gûco 12:11

Ngai-Mûnene Ngai wenyu nîakaathuura vandû varîa akaagoocagîrwa. Vau nîvo mûkaamûviragîra kîrîa kîonthe nîmwathîte ta: matega menyu ma kûvîvua, magongoona, icunjî cia îkûmi, matega ma kwîyendera, na indo irîa mwîranîrîte kûrî Ngai-Mûnene.

Gûco 12:6

Vau nîvo mûkaaviraga matega menyu ma kûvîvua, magongoona, icunjî cienyu cia îkûmi, mîvothi yenyu, indo irîa mwîranîrîte, matega menyu ma kwîyendera, na marikithathi ma ng'ombe na ng'ondu cienyu.

Gûco 18:1

“Athînjîri-Ngai Alawi, na nîguo mûvîrîga wonthe wa Lawi ndûkaagaîrwa gîcunjî Kîam mîgûnda vûrûrirî wa Isiraeli. Magaatûûragua nî matega ma kûvîvua, na matega ma indo irîa ciîngî irutagîrwa Ngai-Mûnene.

Gûco 26:13

Weka ûguo, nîûgaacoka uuge ûrî mbere ya Ngai-Mûnene, Ngai waku, ‘Nînaruta kîrîa kîtheru kuuma nyomba yakwa na nanengera Alawi, ageni, ciana cia ndigwa na aka a ndigwa, wata ûrîa wambathire mbîke. Ndirî munu rîathani wanarî rîmwe rîa Maathani maku kana ndiganîrwa nîmo.

Ahib 1:9

We wendete ûthingu na ûkamena ûndû mûcûku, kwoguo Ngai, na nîke Ngai waku, nîakûthuurîte na agakûva gîtîîo na gîkeno gîkîrîte kîrîa avete arata aku.”

1Joh 2:20

Nwatî mue mûrî etîrîrie Roho Mûtheru nî Kristû, kwoguo mue muonthe nîmûmenyete ûma.

1Joh 2:27

Nwatî mue nîmûvetwe Roho mûtheru nî Kristû. Kîveo kîu nîkîo mûtûûraga nakîo, kwoguo gûtirî na vata wa kûthomithua nî mûndû, nîûndû Roho wake amûthomithagia maûndû monthe na maûndû marîa athomithagia nî ma ma, na tî ma maveeni. Thiîni na mbere kwathîkîra ûrîa Roho aramûthomithia na mwîkarage mûrî ûrûmwe na Kristû.