Ndari 18:5 - ÎVUKU RÎA ÛVORO MWARO

⁵ We vamwe na avîcî aku nwanginya mûmenyagîrîre Vandû varîa Vatheru wa vamwe na metha ya kîgongoona nîguo ndikarakare rîngî nîûndû wa andû a Isiraeli.

Ndari 18:5 ပူးပေါင်းရင်းမြစ်များ

1Maû 23:24

Ino nîcio njiarwa cia Lawi ta ûrîa maandîkirwe marîîtwa mao kûringana na nyomba ciao na mbarî ciao. Nao maarî atongoria a mbarî ciao. Maandîkirwe andû arîa maarî na ûkûrû wa mîaka mîrongo îîrî na makîria, na maarî na wîra wa gûtungata hekarûrî ya Ngai-Mûnene.

1Maû 23:32

Nîmaaveetwe wîra wa kûmenyerera îgema rîa Ngai-Mûnene na hekarû, na gûtethia athînjîri-Ngai arîa maarî njiarwa cia Aroni wîrarî wa hekarû.

1Maû 24:5

Andû maathuuragwa na njîra ya gwikîrua mîtî nîûndû kwarî na anene a hekarû na atongoria a maûndû ma Ngai kuuma njiarwarî cia Eleazaru na Ethamaru.

1Maû 9:19

Shalumu mûvîcî wa Kore, mûvîcî wa Ebiasafu marî vamwe na andû ao a mbarî ya Kora nîo maarangagîra kîvingo gîa gûtonya îgemarî rîa Ngai-Mûnene rîa gûtûnganwa wata ûrîa methe mao ma tene wa nao maarangagîra kîvingo Kîam hekarû ya Ngai-Mûnene.

1Maû 9:23

Kwoguo o vamwe na njiarwa ciao nîo maathiîre na mbere kûrangîra ivingo cia nyomba ya Ngai-Mûnene na nwayo îtagwa îgema rîa gûtûnganwa.

1Maû 9:33

Alawi amwe maarî aini a nyîmbo. Atongoria a nyomba ciao maatûûraga tûnyombarî twa hekarû na matiagaagîrwa mawîra mengî nîûndû maarutaga wîra ûtukû na mûthenya.

Ntha 27:21

Taa nîigagwe îgemarî rîa Ngai-Mûnene nja ya gîtambaa kîrîa kîgaanîtie varîa îthandûkû rîa kîrîkanîro Kîam Ngai-Mûnene rîrî. Nake Aroni na avîcî ake mamîmenyagîrîre îkarage îgîakanaga îrî mbere ya Ngai-Mûnene kuuma kîvwaî nginya kîraûko. Watho ûyû nîwakûrûmagîrîrwa nî njiarwa cia andû a Isiraeli nginya tene na tene.

Jeremia 23:15

Kwoguo, ûvoro wîgiî arîthi acio Ngai-Mûnene arauga atîrî: “Nîngûmava kîndû kîrûrû ta nyongo, na nîmakundie manjî marî na ûrogi manyue. Nîûndû kuuma kûrî arathi a Jerusalemu, kûregana na Ngai gûtambîte vûrûrirî wonthe.”

Ezek 44:15

Ngai-Mûnene nîwaugire atîrî, “Athînjîri-Ngai a mûvîrîga wa Lawi, a njiarwa cia Zadoku nîo maamenyagîrîra hekarû yakwa rîrîa andû acio engî a Isiraeli maandiganîrîtie. Acio nîo makaandungatagîra na maûkage mbere yakwa kûndutîra maguta na nthakame.

Ezek 44:16

Magaatonyaga hekarûrî na matungatage metharî ya kîgongoona na matongoragie kûgooca hekarûrî.

Alawi 10:6

Musa nîwacokire akîra Aroni na avîcî ake, Eliazaru na Ithamaru atîrî, “Mûtikarege gûcanûra njuîrî cienyu kana mûtembûrange nguo cienyu atî nîguo mwonanie mûrî na kîeva. Mweka ûguo mûgaakua, na Ngai-Mûnene akaarakara nî andû onthe. Nwatî andû enyu a Isiraeli nwa macakae nîûndû wa ikuû ino ciumanîte na mwaki ûrîa umire kûrî Ngai-Mûnene.

Alawi 24:3

Aroni akaamundagia taa icio kîvwaî na aimenyagîrîre ciakanage nginya kîraûko irî îgemarî rîa Ngai-Mûnene vau nja ya gîtambaa mbere ya îthandûkû rîa kîrîkanîro. Watho ûyû nîûtûûra ûrûmagîrîrwa nî njiarwa cienyu cionthe.

Zakaria 10:3

Ngai-Mûnene mwene vinya wonthe augîte atîrî, “Nîndakarîtue mûno nî arîthi, na nîngaaverithia atongoria nîûndû Ngai-Mûnene nî amenyagîrîra andû ake a Juda; nîakaamatua ta mbarathi ciake cia mbaara irî na vinya.

Ndari 1:50

Vandû va ûguo, tua andû a mûvîrîga wa Lawi a gûkuuaga îthandûkû rîa kîrîkanîro vamwe na indo ciarîo cionthe. Nwanginya mamenyagîrîre îthandûkû rîu na matume magema mao marîthiûrûrûkîrîtie.

Ndari 1:53

Nwatî Alawi makaambaga magema mao mathiûrûrûkîrîtie îgema rîa gûcemanîrua marîrangîrîte nîguo gûtikethîrwe kûrî na ûndû ûngîtûma marakara ma Ngai-Mûnene makinyîrîre andû a Isiraeli.”

Ndari 16:46

na Musa akîra Aroni atîrî, “Oca kanyûngû gaku ga kûvîvîrua ûbani na ûgekîre makara marî na mwaki kuuma metharî ya kîgongoona na wîkîre ûbani makararî, ûvinyûre na ûbani ûcio kûrî andû a Isiraeli na ûrute îgongoona rîa kûtheria mevia mao. Ngai-Mûnene nîmûrakarie nî o, na nîmwambîrîriu kûmathiria.”

Ndari 18:4

Mûkaarutithanagia wîra vamwe nao, na mûrutage mawîra monthe ma îgema rîa Ngai-Mûnene. Gûtirî mûndû wîngî ûkaagûkuvîvîria.

Ndari 4:18

“Ndûgetîkîrie andû a mbarî ya Kohathu,

Ndari 8:19

Nîmvecanîte Alawi kûrî Aroni na avîcî ake marî kîveo kuuma kûrî Aisiraeli, nîguo matungatagîre Aisiraeli îgemarî rîa Ngai-Mûnene, na mamagitagîre kûrî thîna ûrîa mangîcemania naguo mangîkuvîrîria varîa vatheru Mûno.”

Ndari 8:2

ere Aroni atîrî, “Rîrîa akia taa, nîaigagîrîre taa icio mûgwanja vandû va cio na onage atî ûtheri wacio nîûramûrîka na kûu mbere.”

1Tim 1:18

Timotheo mwana wakwa, nîrakwatha wîkage maûndû mama nîûndû nîmaringanîte na maûndû marîa maarathirwe makwîgiî. Tûmîra ciugo icio irî ta indo cia mbaara nîguo ûvote kûrûa waro.

1Tim 3:15

Nwatî ethîrwa nwa njererwe, maarûa mama magaakûmenyithia ûrîa mûndû agîrîrwe nî gwîkara arî kûrî andû a Ngai na nîo kanitha wa Ngai ûrîa ûtûûraga mwoyo na nîguo wîthagîrwa ûrî mûcingi na gîtugî Kîam ûvoro wa ma.

1Tim 5:21

Nîrî mbere ya Ngai na ya Jesû Kristû na mbere ya araika atheru, nîrakwatha ûvingagie maûndû mau nakwîra ûtagûcagûrania kana kîmenyano.

1Tim 6:20

Timotheo, menyerera kîndû kîrîa Ngai akwîvokerete. Ndûkathikagîrîrie mîario îtarî na ûngai na ngarari cia ûrimû irîa andû amwe maugaga atî nî ûmenyo na tîguo.