Ndari 18:3 - ÎVUKU RÎA ÛVORO MWARO

³ Makaarutaga mawîra marîa ûkaamavecaga, na matungatage îgemarî. Nwatî matiagîrîrwe nî gûkuvîvîria indo cia vandû varîa vatheru kana metha ya kîgongoona, nîûndû mûngîgeeka ûguo, we wana o, nî mûgaakua.

Ndari 18:3 ပူးပေါင်းရင်းမြစ်များ

Ezek 44:13

Matigaûke vakuvî nanie gûtungata ta athînjîri-Ngai, kana mathiî vakuvî na indo ciakwa irîa nyamûre kana matonya vandû varîa vatheru Mûno. Nwatî nîmagaaconoka nîûndû wa maûndû marîa marî magigi mekîte.

Ndari 1:51

Vîndî îrîa îgema rîgûkuuwa, Alawi nîo makaarîambûranagia, na vîndî îrîa rîkûrûngamua, nwao makaarîambaga. Mûgeni wa wonthe ûkarîkuvagîrîria nîakaaûragwa.

Ndari 1:53

Nwatî Alawi makaambaga magema mao mathiûrûrûkîrîtie îgema rîa gûcemanîrua marîrangîrîte nîguo gûtikethîrwe kûrî na ûndû ûngîtûma marakara ma Ngai-Mûnene makinyîrîre andû a Isiraeli.”

Ndari 16:40

Ngai-Mûnene nîwathîte Eliazaru na njîra ya Musa atî gûtirî mûndû wanarî ûmwe ûtarî wa rûciaro rwa Aroni ûkaathiî kûvîvîria ûbani metharî ya kîgongoona. Kwoguo gîkunîko kîu Kîamririkanagia andû a Isiraeli atî mûthînjîri-Ngai ûtarî wa rûciaro rwa Aroni angîka ûguo agaakua ta Kora na arûmîrîri ake.

Ndari 18:4

Mûkaarutithanagia wîra vamwe nao, na mûrutage mawîra monthe ma îgema rîa Ngai-Mûnene. Gûtirî mûndû wîngî ûkaagûkuvîvîria.

Ndari 18:7

Nwatî we na avîcî aku muenga mûkaarutaga na kinyi mawîra monthe marîa mûthînjîri-Ngai agîrîrwe nî kûruta metharî ya kîgongoona na varîa vatheru Mûno. Mau nîmo mawîra marîa mûkaarutaga, nîûndû nînîmûvete kîveo Kîam gûtuîka athînjîri-Ngai. Mûndû wîngî wa wonthe ûrîa ûgaakuvîvîria varîa vatheru Mûno nî akaaûragagwa.”

Ndari 3:25

Avîcî a Gerishoni nîo maamenyagîrîra îgema rîa gûcemanîrua, vandû varîa vatheru mûno na gîtambaa gîa kûvakunîkîra, na gîtambaa Kîam mûromo wa îgema rîa Ngai-Mûnene,

Ndari 3:31

Wîra wao warî wa kûmenyerera îthandûkû rîa kîrîkanîro, metha, vandû va kwigîrîrwa taa, metha cia magongoona, indo cia vandû varîa vamûre irîa itûmagîrwa nî athînjîri-Ngai magîtungata, na gîtambaa gîa kûgaania vandû varîa vatheru Mûno. Acio nîo moonaga atî indo icio nîciaruta wîra wonthe wacio.

Ndari 3:36

Wîra wao warî wa kûmenyerera mbaû cia îgema rîa gûcemanîrua, mîgamba, itugî, itina cia îgema na indo cionthe cia kûnyitithania îgema. Acio nîo moonaga atî indo icio nîciaruta wîra wonthe wacio.

Ndari 31:30

Kuuma kûrî gîcunjî kîrîa Kîamveerwe andû arîa engî, ocani mûndû ûmwe kuuma kûrî wa andû mîrongo îtano arîa matavîtwe, na gîcunjî wata kîu kuuma kûrî ng'ombe, mvunda, ng'ondu na mbûri, mûinenganîre kûrî Alawi arîa mamenyagîrîra îgema rîa Ngai-Mûnene.”

Ndari 4:15

Vîndî îrîa andû acio makethîrwa makiumagara, andû a mûvîrîga wa Kohathu nîmagaaûka makuue indo irîa ntheru cia kîgongoona, ciarîkia gûkunîkîrwa nî andû a mûvîrîga wa Aroni. Andû a mûvîrîga wa Kohathu matigakuua indo irîa ntheru nîguo matigakue. “Mawîra mau nîmo makaarutagwa nî andû a mûvîrîga wa Kohathu îgemarî rîa Ngai-Mûnene.