Ndari 16:5 - ÎVUKU RÎA ÛVORO MWARO

⁵ Nîwacokire akîra Kora na arûmîrîri ake onthe atîrî, “Rûyû kîraûko Ngai-Mûnene nîagaatwonia mûndû ûrîa athuurîte atuîke wake. Mûndû ûcio nîke ûkaavotithagua nî Ngai-Mûnene kûthiî metharî yake.

Ndari 16:5 ပူးပေါင်းရင်းမြစ်များ

Thaburi 105:26

Nîwacokire agîtûma ndungata yake Musa, na Aroni ûrîa aathuurîte.

Thaburi 115:10

Mue nyomba ya Aroni, îîvokeni Ngai-Mûnene. Nîke ûtethio wenyu na ngo yenyu.

Thaburi 65:4

Kûrathimwa nî arîa ûthuurîte, arîa ûretaga nîguo matûûre hekarûrî yaku. Nîtûgaakenera maûndû maro marîa ma nyomba yaku, irathimo cia hekarû yaku ntheru.

Ntha 28:1

“Îra mûrwanyûkwe Aroni na avîcî ake, Nadabu, Abihu, Eleazaru, na Ithamaru maûke varî we. Mamûre ûmarute kûrî andû a Isiraeli, nîguo mandungatagîre marî athînjîri-Ngai.

Ntha 28:41

Ûgeekîra mûrwanyûkwe Aroni na avîcî ake nguo icio. Ûcoke ûmetîrîrie maguta na ûmamûre nîguo mandungatagîre marî athînjîri-Ngai.

Ntha 28:43

Aroni na avîcî nwanginya mekagîre nguo icio vîndî cionthe rîrîa magûtonya îgemarî rîa Ngai-Mûnene, kana rîrîa magûkuvîvîria metha ya kîgongoona gûtungata vandû varîa vatheru nîguo matigaakue. Ûyû nîûtuîka watho kûrî Aroni na njiarwa ciake irîa igaaûka vuva wake.

Jeremia 30:21

Mûtongoria wao akethîrwa arî ûmwe wao, mwathi wao akauma gatagatîrî kao, nîngamwîta nake nîakanguvîvîria, nîûndû nû ûngîgeria kûnguvîvîria na vinya wake? Ûguo nîguo nie Ngai-Mûnene nîrauga.”

Jeremia 49:19

Taroria, wata ûrîa mûnyambû umagîra mûtitûrî wa rûnjî rwa Njorodani, na ûgatonya ndîthiarî mbaro ya ng'ondu, nwataguo ngengata andû a Edomu wa rîmwe kuuma vûrûrirî wao. Nîngaiga mûtongoria wa ûrîa ngathuura kuo. Nîûndû, nû ûngîringithanua nanie? Nû ûngînjirithia? Nî mûrîthi ûrîkû ûngîregana nanie?

Jeremia 50:44

“Taroria, nîngaûka wa rîmwe ndûme andû a Babuloni maume îtûûrarî rîao wa rîmwe ta mûnyambû umîrîte kîthakarî Kîam Jorodani na ûkathiî ndîthiarî ya ng'ondu. Na nîngathuura mûtongoria wakuo wa ûrîa ngenda. Nû ûngîgananua na nie? Nû wî na ûndû angînjukîra? Nî mûtongoria ûrîkû ûngîregana nanie?

Ezek 40:46

Nako kanyomba karîa karoretie mwena wa rûgûrû nî ka athînjîri-Ngai arîa matungataga metharî ya kîgongoona. Athînjîri-Ngai acio nî njiarwa cia Zadoku na nîo onga kuuma mûvîrîgarî wa Lawi maarî etîkîrie gûtungata Ngai-Mûnene.”

Ezek 43:19

Athînjîri-Ngai a mûvîrîga wa Lawi a njiarwa cia Zadoku na matungataga mbere yakwa, nie Ngai-Mûnene nauga makaavewa karegwa magakaruta karî îgongoona rîa kûthiria mevia.

Ezek 45:4

Kûndû kûu gûkethîrwa kûrî kûtheru vûrûrirî, na kûrî kwa athînjîri-Ngai arîa matungataga hekarûrî na mathiîcaga vakuvî na Ngai-Mûnene. Gîgaatuîka gîa gûtumwa nyomba cia athînjîri-Ngai na hekarû.

Alawi 10:3

Musa nîwacokire akîra Aroni atîrî, “Ûguo nîguo Ngai-Mûnene aaugire atî, ‘Andû onthe arîa mandungataga marî athînjîri-Ngai nwanginya mandîîage nîûndû wa ûtheru wakwa, na nîngoonania riiri wakwa kûrî andû onthe a Isiraeli.’ ” Nwatî Aroni ndaagamba.

Alawi 8:2

“Oca Aroni na avîcî ake mûthiî nao mûromorî wa îgema rîakwa na ûthiî na nguo cia ûthînjîri-Ngai, maguta ma kwamûrana, ndegwa ya îtega rîa kûtheria wîvia, ndûrûme ciîrî, na gîkavu kîrî na mîgate îtarî mîkîre ndawa ya kwimbia.

Malaki 3:18

Namue nîmûkoona ngûrani ya mûndû ûrîa mûthingu na mûndû ûrîa mwaganu; na mûmenye ngûrani ya mûndû ûrîa ûtungatagîra Ngai, na ûrîa ûtamûtungatagîra.”

Ndari 16:3

Nîmaathiîre kûrî Musa na Aroni na makîmeera atîrî, “Mue rîu nîmwatûra gacere! Andû onthe a Isiraeli nî a Ngai-Mûnene na arî vamwe nao. Musa, nîndûî kîratûma wînenevia gûkîra andû aya onthe a Ngai-Mûnene?”

Ndari 16:6

We Kora na arûmîrîri aku îkani atîrî: ocani tûnyûngû twa kûvîvîria ûbani,

Ndari 17:5

Mûragi wa mûndû ûrîa ngaathuura nîûkaauma mathangû. Ûguo nîguo ngaathiria mateta marîa andû a Isiraeli methagîrwa namo îgûrû rîaku.”

Ndari 17:8

Rîrîa Musa aathiîre îgemarî rîa gûcemanîrua mûthenya ûcio warûmîrîrîte, nîwamakire ona mûragi wa Aroni, ûrîa warûngamîrîrîte mûvîrîga wa Lawi nîwaumîte mathangû, ûkathundia, ûgatumûra marao na ûgaciara matunda matune ma mûrothi.

Johana 15:16

Mue tî mue mwanthuurire, nînie namûthuurire na ngîmûva wîra wa kûthiî kûgîa na maciaro meengî marîa magwîkara kavinda karaca. Kwoguo Vava akaamûvecaga kîndû wa kîonthe kîrîa mûkaamwîtagia na rîîtwa rîakwa.

Ciîko 1:2

nginya rîrîa aavirirwe îgûrû. Mbere ya avirwa îgûrû, nîwavere andû arîa aathuurîte matuîke atûmwa ake kîrîra. Nake eekire ûguo avotithîtue nî Roho Mûtheru.

Ciîko 1:24

Nao nîmavoire makiugaga atîrî, “Mwathani we nîwîcî meciria ma andû onthe, ta twonie gatagatîrî ka andû aya aîrî ûrîa we ûthuurîte

Ciîko 13:2

Na rîrîa maagoocaga Mwathani na makîînyerekagia, Roho Mûtheru nîwamerire atîrî, “Nthurîrani Baranaba na Saûlo, nîguo makarute wîra ûrîa nie nîmetîrîte.”

Ciîko 15:7

Na Vuva wa kwarîrîria ûndû ûcio kwa îvinda îraca, Petero nîwamerire atîrî, “Ariû na aarî a îthe wetû, mue nîmwîcî atî vingo ya tene Ngai nîwanthuurire kuuma gatagatîrî kenyu, nîguo mvunjie Ûvoro Mwaro kûrî andû a ndûrîrî. Nao nîmegwire Ûvoro Mwaro kuuma kûrî nie na magîtîkia.

Ciîko 22:14

Nake nîwaugire atîrî, ‘Ngai wa methe metû ma tene nîakûthuurîte nîguo ûmenye wendi wake, wone Ndungata yake îrîa nthingu na wîgue ke agîkwarîria na kanyua gake.

Aefeso 2:13

Nwatî rîu, nîûndû mûrî kîndû kîmwe na Jesû Kristû, mue arîa mwarî varaca na Ngai, nîmûretaretetwe vakuvî nake na njîra ya nthakame ya Kristû.

2Tim 2:19

Nwatî mûcingi ûrîa Ngai atumîte ndûngîenyenyeka; na îgûrû rîaguo kwandîkîtwe atîrî, “Mwathani nîwîcî andû ake na mûndû wa wonthe umbûraga Mwathani nwanginya atige gwîka maûndû ma waganu.”

Ahib 12:14

Geragiani kwîthîrwa mwîgucanîte na andû onthe na mûgeragie gûtûûra ûtûûro mûtheru, nîûndû mûndû ûtarî naguo ndakoona Mwathani.

Kûguû 1:6

na nîwatûtuire rûrîrî rwa athînjîri-Ngai a gûtungatîra Ngai ûrîa Îthe wake. Riiri na vinya irogîa kûrî Jesû Kristû tene na tene! Ameni.

1Sam 2:28

Na nî nie naathuurire andû a mûciî wa Aroni gatagatîrî ka mîvîrîga yonthe ya Isiraeli matuîke athînjîri-Ngai akwa, nîguo mekagîre nguo ntheru vîndî îrîa makwenda kûmbarîria, mathiîcage metharî ya kîgongoona, na mamvîvagîrie ûbani vo. Nie nînaamavere rûtha meigagîre iveo imwe cia irîa ciavothagwa nî Aisiraeli.