Ndari 16:46 - ÎVUKU RÎA ÛVORO MWARO

⁴⁶ na Musa akîra Aroni atîrî, “Oca kanyûngû gaku ga kûvîvîrua ûbani na ûgekîre makara marî na mwaki kuuma metharî ya kîgongoona na wîkîre ûbani makararî, ûvinyûre na ûbani ûcio kûrî andû a Isiraeli na ûrute îgongoona rîa kûtheria mevia mao. Ngai-Mûnene nîmûrakarie nî o, na nîmwambîrîriu kûmathiria.”

Ndari 16:46 ပူးပေါင်းရင်းမြစ်များ

1Maû 27:24

Joabu mûvîcî wa Zeruia nîwambîrîrie gûtara andû a Isiraeli, nwatî ndaanarîkia wîra wa kûmatara. Isiraeli nîmaaverithirue nî Ngai nîûndû wa ûtarani ûcio, kwoguo mwîgana wa andû ndwandîkwa kûrîa kwandîkagwa maûndû ma mûthamaki Daudi.

Thaburi 106:29

Ciîko ciao nîciatûmire Ngai-Mûnene arakare, na makînyitwa nî mûrimû mûcûku.

Thaburi 141:2

Amûkîra îvoya rîakwa ta mûtararûko wa ûbani, na wamûkîre njara ciakwa, irîa mbûkîrîrîtie ta îgongoona rîa kîvwaî.

Alawi 10:6

Musa nîwacokire akîra Aroni na avîcî ake, Eliazaru na Ithamaru atîrî, “Mûtikarege gûcanûra njuîrî cienyu kana mûtembûrange nguo cienyu atî nîguo mwonanie mûrî na kîeva. Mweka ûguo mûgaakua, na Ngai-Mûnene akaarakara nî andû onthe. Nwatî andû enyu a Isiraeli nwa macakae nîûndû wa ikuû ino ciumanîte na mwaki ûrîa umire kûrî Ngai-Mûnene.

Alawi 9:24

Wa rîmwe mwaki nîwaumire kûrî Ngai-Mûnene na ûkîvîvia îtega rîa kûvîvua vamwe na mathunya marîa maarî îgûrû rîa metha ya kîgongoona. Rîrîa andû onthe a Isiraeli moonire ûguo, nîmaaugîrîrie marî na gîkeno na makînamîrîria mothiû mao nthî.

Habakuku 3:5

Atûmaga mîrimû mbere yake, na gîkuû gîkarûmîrîra.

Malaki 1:11

nîûndû andû a mavûrûri monthe ma nthî nîmakumagia rîîtwa rîakwa. Kûndû kuonthe nîmvîvagîrua ûbani na ngarutîrwa magongoona matheru, nîûndû rîîtwa rîakwa nîrîkumagua nî mavûrûri monthe.

Ndari 1:53

Nwatî Alawi makaambaga magema mao mathiûrûrûkîrîtie îgema rîa gûcemanîrua marîrangîrîte nîguo gûtikethîrwe kûrî na ûndû ûngîtûma marakara ma Ngai-Mûnene makinyîrîre andû a Isiraeli.”

Ndari 11:33

Wa vîndî mambîrîria kûrîa nyama ciatuo Ngai-Mûnene nîwarakarire nîo na nîwamaretithîrie mûthiro mûnene.

Ndari 18:5

We vamwe na avîcî aku nwanginya mûmenyagîrîre Vandû varîa Vatheru wa vamwe na metha ya kîgongoona nîguo ndikarakare rîngî nîûndû wa andû a Isiraeli.

Ndari 25:13

Finehasi na njiarwa ciake cionthe nîmatûûra marî athînjîri-Ngai nîûndû nîwatuîkire mwîvokeku akîrega kûgooca ngai ciîngî tiga nie. Ke nîwatûmire andû a Isiraeli moverwa mevia mao.

Ndari 25:8

na akîrûmîrîria mûndûmûrûme ûcio kûu îgemarî. Nîwamûmundire na îtumû, rîgîtûrîkania na rîkîmunda îvu rîa mûndûmûka ûcio. Na njîra îo, mûthiro ûrîa wacûkangagia Isiraeli nîwathirire.

Ndari 8:19

Nîmvecanîte Alawi kûrî Aroni na avîcî ake marî kîveo kuuma kûrî Aisiraeli, nîguo matungatagîre Aisiraeli îgemarî rîa Ngai-Mûnene, na mamagitagîre kûrî thîna ûrîa mangîcemania naguo mangîkuvîrîria varîa vatheru Mûno.”

Gûco 9:22

“Wana nwa mwarakaririe Ngai-Mûnene rîrîa mwarî Tabera, Masa, na Kiburothi Hatava.