Ndari 16:38 - ÎVUKU RÎA ÛVORO MWARO

³⁸ Tûnyûngû tûu twa andû arîa maaûragirwe nîûndû wa wîvia wao nîtûturwe tûtuîke ikunîko cia metha ya kîgongoona, nîûndû nî twatuîkire tûtheru vîndî îrîa twavirirwe metharî ya kîgongoona. Kîu gîgaatuîka kîririkano kûrî andû a Isiraeli.”

Ndari 16:38 ပူးပေါင်းရင်းမြစ်များ

1Atha 2:23

Solomoni nîwacokire akîîvîta na rîîtwa rîa Ngai-Mûnene akiuga atîrî, “Ngai arombûraga na ambîke ûndû mûcûku makîria, ethîrwa tîmbûraga Adonija nîûndû wa ûguo aûrîtie!

Nthi 1:18

Nwatî andû ta acio methithagîra andû, meyûragaga o ene, meyovagîra o ene na makeyûraga.

Nthi 20:2

Mûthamaki arî mûrakaru nîta mûnyambû ûkîrarama, mûndû ûrîa ûmûrakaragia ecaragîria gîkuû ke mwene.

Nthi 8:36

Nwatî arîa matamonaga metivagia o ene, arîa mamenete nîmendete gîkuû.”

Jeremia 44:7

“Na rîu Ngai-Mûnene, Ngai mwene vinya wonthe, Ngai wa Isiraeli arakûûria atî: Nîndûî gîtûmîte mwîreterera maûndû macûku ûguo, na mwîcûkangia mue ene? Gûtirî mûndû wanarî ûmwe wenyu ûtigarîte Juda, mûndûmûrûme kana mûndûmûka, ngenge na ciana.

Ezek 14:8

Nîngaaregana nake na ndûme atuîke ûndû wa kwaragua na atuîke rûûri kûrî andû. Nîngaacoka nîmûrute gatagatî ka andû akwa; namue nîmûkaamenya atî, nie nînie Ngai-Mûnene.

Habakuku 2:10

Nwatî we nîwîreterete kînyûrûri mûciî gwaku, na njîra ya gûcûkanaia mavûrûri meengî, nîûcûkangîtie ûtûûro waku we mwene.

Ndari 16:37

“Îra Eliazaru mûvîcî wa mûthînjîri-Ngai Aroni, arute tûnyûngû twa kûvîvîrua ûbani, acoke avaraganie makara ma mwaki ûcio kûraca nîûndû tûraî tûu twa mwaki nî tûtheru.

Ndari 16:39

Kwoguo Eliazaru mûthînjîri-Ngai nîwocire tûnyûngû tûu na agîtûtura na tûgîtuîka gîkunîko Kîam metha ya kîgongoona.

Ndari 16:40

Ngai-Mûnene nîwathîte Eliazaru na njîra ya Musa atî gûtirî mûndû wanarî ûmwe ûtarî wa rûciaro rwa Aroni ûkaathiî kûvîvîria ûbani metharî ya kîgongoona. Kwoguo gîkunîko kîu Kîamririkanagia andû a Isiraeli atî mûthînjîri-Ngai ûtarî wa rûciaro rwa Aroni angîka ûguo agaakua ta Kora na arûmîrîri ake.

Ndari 17:10

Nake Ngai-Mûnene nîwerire Musa atîrî, “Cokia mûragi wa Aroni na ûwige vau mbere ya îthandûkû rîa kîrîkanîro. Naguo ûkethagîrwa ûrî wa gûkaania andû a Isiraeli arîa magûkararagia atî marega gûtiga gûteta nîmagaakua.”

Ndari 26:10

Nayo nthî nîyathamirie îkîmameria onthe magîkua. Maakwire vamwe na Kora wana arûmîrîri ake rîrîa mwaki wavîvirie andû magana maîrî ma mîrongo îtano (250). Ûndû ûcio watuîkire wa gûkaania andû acio engî a Isiraeli kûregana na Ngai-Mûnene.

1Akor 10:11

Maûndû mama monthe meekîkire kûrî o nîguo matuîke kîonereria kûrî arîa engî. Namo maandîkirwe nîguo matuîke ûtaari kûrî tue arîa tûratûûra mavindarî mama ma mûthiia.

2Pet 2:6

Ngai nîwatuîrîre matûûra ma Sodomu na Gomoora akîmavîvia viû. Eekire ûndû ûcio ûtuîke kîonereria Kîam ûrîa gûgaatuîkîka kûrî arîa matarî na ûngai.