Ndari 16:28 - ÎVUKU RÎA ÛVORO MWARO

²⁸ Musa nîwacokire akîmeera atîrî, “Ûndû ûyû nîguo ûkaamûmenyithia atî nî Ngai-Mûnene wandûmire mbîke maûndû mama monthe, na atî tînie nathuurire kûmeka.

Ndari 16:28 ပူးပေါင်းရင်းမြစ်များ

1Atha 18:36

Rîrîa îthaa rîa kûruta matega ma kîvwaî rîakinyire, mûrathi Elija nîwakuvîvîrie metha ya kîgongoona na akîvoya atîrî, “We Ngai-Mûnene, Ngai wa Iburahimu, Isaka, na Jakovu, onania ûmûnthî atî we nîwe Ngai wa Isiraeli na atî nie nîrî ndungata yaku na mbîkîte maûndû mama monthe na watho waku.

Ntha 3:12

Ngai nîwacokerie Musa atîrî; “Ngethagîrwa nîrî nawe, na waruta andû a Isiraeli kuuma Misiri nîmûkaangooca mûrî kîrîmarî gîkî. Kîu nîkîo gîgaatuîka kîmenyithia atî nie nîngûtûmîte.”

Ntha 4:12

Thiî rîu! Nîngaagûtethia kwaria na nîngaakwîra ûrîa ûkaauga.”

Ntha 4:15

Aria nake na ûmwîre ûrîa akauga. Nîngaamûtethia muorî kwaria na nîngaamwîra ûrîa mûgeeka.

Ntha 7:9

“Ethîrwa mûthamaki nwa ende mwîmenyithanie kûrî ke na njîra ya kûringa Kîamma, thiî ûkera Aroni oce mûragi wake na awikie vau nthî mbere ya mûthamaki. Mûragi ûcio nîûgaatuîka njoka.”

Jeremia 23:16

Ngai-Mûnene nîwerire andû a Jerusalemu atîrî, “Mûtikathikagîrîrie arathi arîa mamûrathagîra, makîmûvecaga ciîrîgîrîro itavingaga, maragia ûvoro wa cioneki cia gwîciirîria na tî maûndû marîa nîmerîte maarie.

Ezek 13:17

“Nawe mûndû, taroria aka a andû enyu arîa marathaga maûndû marîa meciragia o ene. Menereria arathi acio,

Zakaria 2:9

Ngai-Mûnene nîke ûkaarûa nao na nîmagaatavwa nî andû arîa maarî ngombo ciao.” Vîndî îo nîmûkaamenya atî Ngai-Mûnene, mwene vinya wonthe nîke ûndûmîte.

Zakaria 4:9

“Zerubabeli nîke ûtumîte mûcingi wa nyomba îno, na nîke ûkaamîrîkia. Namue nîmûkaamenya atî Ngai-Mûnene mwene vinya wonthe nîke ûndûmîte kûrî mue.

Ndari 24:13

atî wana ûngîamvere nyomba yaku îcûrîte thaavu na sîlûva, ndingîekire ûndû ûreganîte na ûrîa Ngai-Mûnene aambathîte na njîra ya gwîka ûndû wakwa. Nie ngaragia wa ûrîa tu Ngai-Mûnene ambîrîte mbarie.”

Johana 11:42

Nie nîmbîcî nîûnthikagîrîria vingo cionthe, nwatî nîrauga ûguo nîguo andû aya marî ava mamenye atî we nîwe wandûmire.”

Johana 14:11

Namwîra atî nie nîrî ndaarî ya Vava na Vava arî ndaarî yakwa, mbîtîkiani. Ethîrwa tîmwîtîkia nîûndû wa ûguo, îtîkiani nîûndû wa maûndû marîa mbîkîte.

Johana 5:30

“Gûtirî ûndû nîngîka na vinya wakwa. Nducanagîra ciira kûringana na ûrîa Ngai ambîraga mbîke. Kwoguo îtua rîakwa nî rîa kîvooto nîûndû nie ndirageria kûvingia wendi wakwa, nwatî nîrageria kûvingia wendi wa ûrîa wandûmire.

Johana 5:36

Nwatî nîrî na ûira ûmbîgiî ûkîrîte wa Johana. Maûndû marîa Vava aambîrire mbîkage nîmo maumbûraga atî Vava nîke wandûmire.

Johana 6:38

Nie naumire îgûrû ngîûka gûkû nthî nîguo mvingie wendi wa ûrîa wandûmire, nwatî tî wendi wakwa.

Gûco 18:22

Ethîrwa mûrathi nwa auge ûndû na njîra ya rîîtwa rîa Ngai-Mûnene, na ûndû ûcio ûrege kûvinga, kana wîthîrwe tî wa ma, mûkaamenya waro atî ûndû ûcio nduumîte kûrî Ngai-Mûnene. Mûrathi ûcio arîtie maûndû make na mûtikamwîtigîre.