Ndari 16:27 - ÎVUKU RÎA ÛVORO MWARO

²⁷ Kwoguo andû onthe nîmaaumire magemarî ma Kora, Dathani na Abiramu. Nao Dathani na Abiramu nîmaaumire na makîrûngama mîromorî ya magema mao vamwe na aka ao, na ciana ciao.

Ndari 16:27 ပူးပေါင်းရင်းမြစ်များ

Ayubu 9:4

Ngai nî mûûgî na arî vinya nyîngî, kûrî mûndû wanakararania nake na akavootana?

Ntha 33:8

Rîrîa rîonthe Musa aumagara athiî îgemarî rîu, andû onthe nîmaarûngamaga mîromorî ya magema mao, na makarorereria Musa nginya rîrîa agaatonya îgemarî.

Nthi 16:18

Mwîtîîo nî ûtûmaga mûndû acûkange, na mwîyambo ûkaga mbere ya mûndû agwa.

Nthi 18:12

Mwîtîîo wa ngoro nîûcûkangagia mûndû, nwatî wînyivia nîûtûmaga mûndû avewe gîtîîo.

Isaia 28:14

Kwoguo mue andû aya ang'endu mue mwathaga andû mûrî Jerusalemu, thikîrîriani ûrîa Ngai-Mûnene arauga!

Ndari 16:1

Kora mûvîcî wa Iziharu aarî Mûlawi kuuma mûvîrîgarî wa Kohathu. Kora nîwetire Dathani, Abiramu na Oni a kuuma mûvîrîgarî wa Reubeni,

Ndari 26:11

Nwatî avîcî a Kora matiakua.)